- Магъанасыз сёз – тауушсуз сыбызгъы.
- Ауузу бла къуш тута айланады.
- Ариу – кёзге, акъыл – джюрекге.
- Чомартны къолу берекет.
- Акъыл бла адеб эгизледиле.
- Джаш болсун, къыз болсун, акъылы, саны тюз болсун.
- Къарт айтханны этмеген, къартаймаз.
- Адамны сабийин сюйген джюреги, бычакъча, джитиди.
- Эски джаугъа ышанма.
- Атлыны кёрсе, джаяуну буту талыр.
- Азыкъ аз болса, эртде орун сал.
- Ётюрюкчюню шагъаты – къатында.
- Игиге айтсанг – билир, аманнга айтсанг – кюлюр.
- Адамны адамлыгъы къыйынлыкъда айгъакъланады.
- Чыкълы кюнде чыкъмагъан, чыкъса къуру кирмеген.
- Чомарт къолда мал къалмаз.
- Джырчы ёлсе, джыры къалыр.
- Ичимден чыкъды хата, къайры барайым сата?
- Суугъа – чабакъ, къаягъа – ыргъакъ.
- Къарнынг тойгъунчу аша да, белинг талгъынчы ишле.
- Эл ауузу – элек, анга ийнаннган – халек.
- Кийимни бичсенг, кенг бич, тар этген къыйын тюлдю.
- Телиге акъыл салгъандан эсе, ёлгеннге джан салырса.
- Джылкъыдан – ат чыгъар, тукъумдан – джаш чыгъар.
- Мухардан ач ычхынмаз.
- Кёл ашады да, кеси ашады.
- Эл ауузу – элия.
- Тамбла алтындан бюгюн багъыр ашхы.
- Ач отунчуну ачыуу – бурнунда.
- Таш ата билмеген, башына урур.
- Таш бла ургъанны, аш бла ур.
- Ёзденликни джайгъан – джокълукъ.
- Адам къаллай бир ишленмесе, аллай бир кесин уллу кёреди.
- Аджаллыгъа окъсуз шкок атылыр.
- Къызгъанчдан ычхыныр, мухардан ычхынмаз.
- Ёлген эшек бёрюден къоркъмайды.
- Ашда – бёрю, ишде – ёлю.
- Терек ауса, отунчу – кёб.
- Айран тёгюлсе, джугъусу къалыр.
- Суу ичген шауданынга тюкюрме.
- Таукел адам тау тешер.
- Иесиз малны бёрю ашар.
- Джыгъылгъанны сырты джерден тоймаз.
- Баш болса, бёрк табылыр.
- Алтыда кюлмеген, алтмышда кюлмез.
- Узун джолну барсанг, бюгюн келирсе, къысха джолну барсанг, тамбла келирсе.
- Джарлы тюеге минсе да, ит къабар.
- Окъугъанны бети джарыкъ.
- Аманны эки битли тону болур, бирин сеннге кийдирир, бирин кеси киер.
- Итли къонакъ джарашмаз.
Предостережение разумного от Али аль Халяби и его группы
Читают тему (гостей: 1)