- Атлыны кёрсе, джаяуну буту талыр.
- Туз, гырджын аша, тюзлюк бла джаша.
- Терек ауса, отунчу – кёб.
- Ёлген ийнек сютлю болур.
- Адеб этмеген, адеб кёрмез.
- Чабакъ башындан чирийди.
- Къазанда болса, чолпугъа чыгъар.
- Биреу ашаб къутулур, биреу джалаб тутулур.
- Кесине оноу эте билмеген, халкъына да эте билмез.
- Тюзлюк тас болмайды.
- Келинин тута билмеген, къул этер, къызын тута билмеген, тул этер.
- Ауузу бла къуш тута айланады.
- Ишленмеген джаш – джюгенсиз ат, ишленмеген къыз – тузсуз хант.
- Чакъырылмагъан къонакъ – орунсуз.
- Адамны аманы адамны бети бла ойнар.
- Джюрек кёзден алгъа кёрюр.
- Берекет берсин деген джерде, берекет болур.
- Тёгюлген тюгел джыйылмайды.
- Дженгил джетерикме деб, узун джолну къоюб, къысхасын барма.
- Тай асырагъан, атха минер.
- Къумурсхала джыйылсала, пилни да джыгъадыла.
- Биреуге аманлыкъ этиб, кесинге игилик табмазса.
- Дуния мал дунияда къалады.
- Къатыны харакетли болса, эри къымсыз болур.
- Атынг аманнга чыкъгъандан эсе, джанынг тамагъынгдан чыкъсын.
- Ким бла джюрюсенг, аны кёзю бла кёрюнюрсе.
- Айтылгъан сёз ызына къайтмаз.
- Тас болгъан бычакъны сабы – алтын.
- Къонагъы джокъну – шоху джокъ.
- Ата Джуртун танымагъан, атасын да танымаз.
- Битмегеннге сакъал – танг.
- Къарнынг ауруса, ауузунгу тый
- Тенгинг джокъ эсе – изле, бар эсе – сакъла!
- Башда акъыл болмаса, эки аякъгъа кюч джетер.
- Эл ауузу – элия.
- Кёзден кетген, кёлден да кетеди.
- Чомартха хар кюн да байрамды.
- Гугурук къычырмаса да, тангны атары къалмаз.
- Айран тёгюлсе, джугъусу къалыр.
- Огъурлуну сёзю – суу, огъурсузну сёзю – уу.
- Чакъырылмагъан къонакъ тёрге атламаз.
- Шапа кёб болса, аш татымсыз болур.
- Ашхы сёз таш тешер.
- Ашына кёре табагъы, балына кёре къалагъы.
- Сабий болмагъан джерде, мёлек болмаз.
- Тёрдеги кюлсе, эшикдеги ышарыр.
- Тил джюрекге джол ишлейди.
- Ышармагъан – кюлмез, кюлмеген – къууанчны билмез.
- Сакъ юйюне сау барыр.
- Кёлю джокъну – джолу джокъ.
Лекции по базовой книге "Три Основы" (Ибрахим Абу Мухаммад)
|
Ассаляму алейкум. А кто такой Ибрагим Абу Мухаммад.
|
|
|
|
|
|
||||
|
|
|
|||
Читают тему (гостей: 1)