- Кёлсюзден сёзсюз тууар.
- Башланнган иш битер, къымылдагъан тиш тюшер.
- Ёлген эшек бёрюден къоркъмайды.
- Аман эсирсе, юйюн ояр.
- Джыгъылгъанны сырты джерден тоймаз.
- Хата – гитчеден.
- Чакъырылмагъан къонакъ къачан кетерин сормаз.
- Тёзгеннге, джабылгъан эшик ачылыр.
- Ёлюр джаннга, ёкюл джокъ.
- Ариуну – ауруу кёб.
- Эр сокъур болсун, къатын тилсиз болсун.
- Тешигини къатында, чычхан да батыр болур.
- Ашхы сёз таш тешер.
- Ауурну тюбю бла, дженгилни башы бла джюрюген.
- Аман къатын алгъан, арыр, иги къатын алгъан джарыр.
- Берекет берсин деген джерде, берекет болур.
- Чакъырылмай келген къонакъ сыйланмай кетер.
- Малны кют, джерни тюрт.
- Окъугъанны бети джарыкъ.
- Эшекге миннген – биринчи айыб, андан джыгъылгъан – экинчи айыб.
- Ата – баланы уясы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эки къатын алгъан – эки ташны ортасына башын салгъан.
- Тилде сюек болмаса да, сюек сындырыр.
- Агъач – джерни чырайы, кийим – эрни чырайы.
- Ашлыкъны арба юйге келтирир, чана базаргъа элтир.
- Уясында не кёрсе, учханында аны этер.
- Мал ёлсе, сюек къалыр, адам ёлсе, иши къалыр.
- Билимден уллу байлыкъ джокъду.
- Экеулен сёлеше тура эселе, орталарына барыб кирме.
- Ата Джуртуму башы болмасам да, босагъасында ташы болайым.
- Аууздан келген, къолдан келсе, ким да патчах болур эди.
- Игиге айтсанг – билир, аманнга айтсанг – кюлюр.
- Ишленмеклик адамлыкъды.
- Ауругъан – джашаудан умутчу.
- Ётюрюк хапар аякъ тюбю бла джюрюйдю.
- Термилгенинги табмазса, кюлгенинге тюберсе.
- Чабакъгъа акъыл, табагъа тюшсе келеди.
- Ашлыкъ – бюртюкден, джюн – тюкден.
- Баргъанынга кёре болур келгенинг.
- Суугъа – чабакъ, къаягъа – ыргъакъ.
- Ашарыкъда сайлагъаннга – чий гырджын.
- Мадар болса, къадар болур.
- Тили узунну, намысы – къысха.
- Къатын къылыкъсыз, эр тынчлыкъсыз.
- Къолунгдан къуймакъ ашатсанг да, атаны борчундан къутулмазса.
- Садакъачыны джаны – къапчыгъында.
- Сагъыш – къартлыкъгъа сюйюмчю.
- Ата Джуртча джер болмаз, туугъан элча эл болмаз.
- Тай асырагъан, атха минер.
Хиджра
Читают тему (гостей: 1)