- Бет бетге къараса, бет да джерге къарар.
- Юйюнгден чыкъдынг – кюнюнгден чыкъдынг.
- Кёбню кёрген – кёб билир.
- Бойнуму джети джерден кессенг да, мен ол ишни этеллик тюлме.
- Хатерли къул болур.
- Айранны сюйген, ийнек тутар.
- Хаухну атма, ёнгкючню сатма.
- Чакъырылгъанны аты, чакъырылмагъанны багъасы болур.
- Джаханимни кёрмей, джандетге кёл салмазса.
- Аман адам этегингден тутса, кес да къач.
- Аууздан келген, къолдан келсе, ким да патчах болур эди.
- Къарнынг къанлынга кийирир.
- Агъач халкъгъа алтынды, иссиликге салкъынды.
- Aдам боллукъ, сыфатындан белгили.
- Таякъ этден ётер, тил сюекден ётер.
- Ашхы сёз таш тешер.
- Сабыр джетер муратха, сабырсыз къалыр уятха.
- Кёлсюзден сёзсюз тууар.
- Къыйынлы джети элни къайгъысын этер.
- Эртде тургъан джылкъычыны эркек аты тай табар.
- Гыдай эчки суугъа къараб, мюйюзле кёрмесе, джашма алкъын, дегенди.
- Бал чибинни ургъаны – ачы, балы – татлы.
- Ёлмесенг да, къарт дамы болмазса?
- Терек ауса, отунчу – кёб.
- Аш хазыр болса, иш харам болур.
- Ач къарным, тынч къулагъым.
- Хар адамгъа кеси миннген тау кибик.
- Арбаз къынгырды да, ийнек сауалмайма.
- Ач – эснер, ат – кишнер.
- Шекер бла туз – бир болмаз, ушамагъан – юй болмаз.
- Ач къарынны, токъ билмез
- Байлыкъ тауусулур, билим тауусулмаз.
- Атынг аманнга чыкъгъандан эсе, джанынг тамагъынгдан чыкъсын.
- Алма терегинден кери кетмез.
- Окъ къызбайны джокълайды.
- Мал кёб болса, джууукъ кёб болур.
- Хоншуну тауугъу къаз кёрюнюр, келини къыз кёрюнюр.
- Байны къызы баймакъ болса да, юйде къалмаз!
- Ауузу бла къуш тута айланады.
- Акъыл сабырлыкъ берир.
- Эринчекни аурууу – кёб.
- Иги – алгъыш этер, аман – къаргъыш этер.
- Къонакъ аман болса, къонакъбай джунчур
- Рысхы – насыбха къор.
- Сескекли кесин билдирир.
- Бичгенде ашыкъма, тикгенде ашыкъ.
- Ауурну тюбю бла, дженгилни башы бла джюрюген.
- Ёгюзню мюйюзюнден тутадыла, адамны сёзюнден тутадыла.
- Акъыллы башны – тили къысха.
- Экеу тутушса, биреу джыгъылыр.
Особенности МУРДЖИИТОВ
01.06.2009 22:13:08
Мурджииты- одно из первых течений в Исламе. То, что написано относится, как я понял, к нашим дням. А непосредственно их убеждения практически не отражены
|
||||
|
|
|||
Читают тему (гостей: 1)