- Намысы джокъну – дуниясы джокъ.
- Тенги кёбню джау алмаз, акъылы кёбню дау алмаз.
- Кечеси – аяз, кюню – къыш, джарлы къаргъагъа бир аш тюш!
- Акъыллы эркиши атын махтар, акъылсыз эркиши къатынын махтар.
- Окъугъан – асыу, окъумагъан – джарсыу.
- Тешигини къатында, чычхан да батыр болур.
- Бал чибинни ургъаны – ачы, балы – татлы.
- Джиби бир къат джетмей эди да, эки къат тарта эди.
- Тёрде – темир таякълы, къаяда – чыпчыкъ аякълы.
- Юреннген ауруу къалмаз.
- Къарнынг ауруса, ауузунгу тый
- Тёзген – тёш ашар!
- Ётюрюкню къуйругъу – бир тутум.
- Телиге от эт десенг, юйюнге от салыр.
- Айырылмаз джууугъунга, унутмаз сёзню айтма.
- Къолу уллу – асыу, аягъы уллу – джарсыу.
- Адамны аманы адамны бети бла ойнар.
- Къартны бурнун сюрт да, оноугъа тут.
- Юйлю уругъа ит чабмаз.
- Къарнынг къанлынга кийирир.
- Соргъан айыб тюлдю, билмеген айыбды.
- Айранын берсенг, челегин да къызгъанма.
- Ана къолу ачытмаз.
- Сабыр джетер муратха, сабырсыз къалыр уятха.
- Мухардан ач ычхынмаз.
- Рысхы – насыбха къор.
- Шекер бла туз – бир болмаз, ушамагъан – юй болмаз.
- Джумушакъ сёз къаты таякъны сындырыр.
- Ауругъаннга – кийик саулукъ, джетген къызгъа – чилле джаулукъ.
- Джаш къарыу бла кючлю, къарт акъыл бла кючлю.
- Къанны къан бла джуума, аманны аман бла къуума.
- Джарлыны эшигин махтагъан джабар.
- Чабакъ башындан чирийди.
- Къызбайны юйюне дери сюрсенг, батыр болур.
- Аманнга алтын чыдамаз.
- Малны кют, джерни тюрт.
- Ариу сёзде ауруу джокъ.
- Айырылгъанланы айю ашар, бёлюннгенлени бёрю ашар.
- Ач келгенни – тойдур, кеч келгенни – къондур.
- Тойгъан антын унутур.
- Бичгенде ашыкъма, тикгенде ашыкъ.
- Бюгюн дуния кибик, тамбла ахыратды.
- Бойнуму джети джерден кессенг да, мен ол ишни этеллик тюлме.
- Насыблы элин сюер, насыбсыз кесин сюер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Элге къуллукъ этмеген, элге ие болмаз.
- Этим кетсе да, сюегим къалыр.
- Берекет берсин деген джерде, берекет болур.
- Ёлген аслан – сау чычхан.
Предлагаю разместить погоду Черкесска и Нальчика на гл. стр.
29.01.2007 21:09:46
Погода в Москве тоже не помешает
|
|
|
|
30.01.2007 23:47:46
FINANCIST
Бек таб... бек тюз айтдынг... чам эте тура эдим... ансы кесими да джокъду огъаим... этсинле... болмаса аманды... Сыйынг башымдан мийикде... Къарча... |
||||
|
|
|||
Читают тему (гостей: 1)