- Айран ичген – къутулду, джугъусун джалагъан – тутулду.
- Иши джокъну, сыйы джокъ.
- Ашаса, ашамаса да, бёрюню ауузу – къан.
- Къобан да къуру да къобханлай турмайды, адам да къуру да патчахлай турмайды.
- Ёлген эшек бёрюден къоркъмайды.
- Ач келгенни – тойдур, кеч келгенни – къондур.
- Бойнуму джети джерден кессенг да, мен ол ишни этеллик тюлме.
- Джолунга кёре – джюрюшюнг, джагъанга кёре – юлюшюнг.
- Ашарыкъда сайлагъаннга – чий гырджын.
- Тойгъандан сора, ашны сёкме.
- Бетинги сатма, малынгы сат.
- Къолу уллу – асыу, аягъы уллу – джарсыу.
- Ургъан суудан башынгы сакъла.
- Аш хазыр болса, иш харам болур.
- Кийиминг бла танылма, адамлыкъ бла таныл.
- Айырылгъанланы айю ашар, бёлюннгенлени бёрю ашар.
- Тилсиз миллет джокъ болур.
- Бир абыннган – минг сюрюнюр.
- Дуния мал дунияда къалады.
- Кесине оноу эте билмеген, халкъына да эте билмез.
- Кёзню ачылгъаны – иги, ауузну джабылгъаны – иги.
- Къонакъны къачан кетерин сорма, къачан келлигин сор.
- Къошда джокъгъа – юлюш джокъ.
- Онгсузну – джакъла, тенгликни – сакъла.
- «Ёгюз, джаргъа джууукъ барма, меннге джюк боллукъса», - дегенди эшек.
- Ариуну – ауруу кёб.
- Аш берме да, къаш бер.
- Кюн – узун, ёмюр – къысха.
- Ичимден чыкъды хата, къайры барайым сата?
- Кирсизни – саны таза, халалны – къаны таза.
- Аманны тукъумуна къарама, игини тукъумун сорма.
- Босагъа таш юйге кирмей эди, тыбыр таш эшикге чыкъмай эди.
- Аманнга да, игиге да оноусуз къатышма.
- Атлыны кёрсе, джаяуну буту талыр.
- Тилчиден кери бол.
- Ач уят къоймаз.
- Ёпкелегенни ашы татлы болады.
- Аман адамны тепсинге олтуртсанг, къызынгы тилер.
- Магъанасыз сёз – тауушсуз сыбызгъы.
- Чабакъгъа акъыл, табагъа тюшсе келеди.
- Эл элде бирер малынг болгъандан эсе, бирер тенгинг болсун.
- Кесинге джетмегенни, кёб сёлешме.
- Ана – юйню кюн джарыгъы.
- Иги адам абынса да, джангылмаз.
- Джолда аягъынга сакъ бол, ушакъда тилинге сакъ бол.
- Байны къызы баймакъ болса да, юйде къалмаз!
- Татлы сёз – балдан татлы.
- Кёл – къызбай, къол – батыр.
- Баш – акъыл ючюн, акъылман – халкъ ючюн.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
Ошибка!
Для просмотра темы введите ваши логин и пароль.Пожалуйста, авторизуйтесь: