- Таякъ этден ётер, тил сюекден ётер.
- Къонакъ кёб келюучю юйню, къазаны отдан тюшмез.
- Эм уллу байлыкъ – джан саулукъ.
- Билими азны – ауузунда кирит.
- Бёрю да ач къалмасын, эчки да ашалмасын.
- Къарт бла баш аша, джаш бла аякъ аша.
- Окъдан джара эртде-кеч болса да бителир, сёз джара, ёмюрге къалыр.
- Аман хансны – урлугъу кёб.
- Таукелге нюр джауар.
- Кесине гебен этелмеген, биреуге черен эте эди.
- Къая джолда джортма, ачыкъ сёзден къоркъма.
- Этни бети бла шорпасы.
- Элге къуллукъ этмеген, элге ие болмаз.
- Акъыллы эркиши атын махтар, акъылсыз эркиши къатынын махтар.
- Суугъа – таянма, джаугъа – ийнанма.
- Акъыл сабырлыкъ берир.
- Иги адам абынса да, джангылмаз.
- Тёрдеги кюлсе, эшикдеги ышарыр.
- Ишге юренсин къоллары, халкъ бла болсун джоллары.
- Рысхы джалгъанды: келген да этер, кетген да этер.
- Садакъачыны джаны – къапчыгъында.
- Ашхы болсанг, атынг чыгъар, аман болсанг, джанынг чыгъар.
- Ат да турмайды бир териде.
- Мал тутхан – май джалар.
- Ачлыкъ отха секиртир.
- Шапа кёб болса, аш татымсыз болур.
- Чакъырылмай келген къонакъ сыйланмай кетер.
- Кёлю джокъну – джолу джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Къарыусузгъа кюлме, онгсузгъа тийме.
- Биреуге аманлыкъ этиб, кесинге игилик табмазса.
- Кесинг сынамагъан затны, адамгъа буюрма.
- Эллинг бла джау болсанг да, юйюнг бла джау болма.
- Чомарт къонакъ юй иесин сыйлар.
- Ёмюрлюк шохлукъну джел элтмез.
- Ишни аллы бла къууанма да, арты бла къууан.
- Хантына кёре тузу, юйюне кёре къызы.
- Ариу – кёзге, акъыл – джюрекге.
- Арпа, будай – ащды, алтын, кюмюш а – ташды.
- Уллу къазанда бишген эт, чий къалмаз.
- Кёкдеги болмаса, джердегин кёрмейди.
- Адамны адамлыгъы къыйынлыкъда айгъакъланады.
- Башсыз урчукъ тюзюне айланмаз.
- Зарда марда джокъ.
- Джангыз терек къынгыр ёсер.
- Ашына кёре табагъы, балына кёре къалагъы.
- Ат басханны джер билед.
- Кийимни бир кюнню аясанг, минг кюннге джарар.
- Ёзденликни кёбю ётюрюк.
- Хаухну атма, ёнгкючню сатма.
Ошибка!
Для просмотра темы введите ваши логин и пароль.Пожалуйста, авторизуйтесь: