- Ойнай билмеген, оюн бузар.
- Эрине къаргъыш этген къатын, эрнин къабар.
- Эртде тургъан джылкъычыны эркек аты тай табар.
- Тин – байлыгъынг, терен саулугъунг.
- Къатын байлыкъны сюер, эр саулукъну сюер.
- Ата – баланы уясы.
- Адамны аты башхача, акъылы да башхады.
- Байны къызы баймакъ болса да, юйде къалмаз!
- Азыгъы аз, алгъа къабар, аты аман, алгъа чабар.
- Къызны минг тилер, бир алыр.
- Игилик игилик бла сингдирилиучю затды.
- Махтаннган къыз, тойда джукълар.
- Ач къалгъандан, кеч къалгъан къолай.
- Чакъырылмагъан къонакъ тёрге атламаз.
- Ачлыкъ отха секиртир.
- Ашхы – джыяр, аман – джояр.
- Дуния аламаты сен эсенг да, игиме деб айтма.
- Чомарт къолда мал къалмаз.
- Ариуну – ауруу кёб.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аманны тукъумуна къарама, игини тукъумун сорма.
- Ашхы тенг джолгъа салыр, аман тенг джолдан тайдырыр.
- Сагъыш – къартлыкъгъа сюйюмчю.
- Элге къуллукъ этмеген, элге ие болмаз.
- Рысхы – насыбха къор.
- Тёрени джагъы джокъ.
- Айранны сюйген, ийнек тутар.
- Аманнга да, игиге да оноусуз къатышма.
- Ишлегенден, къарагъан уста.
- Атынг аманнга чыкъгъандан эсе, джанынг тамагъынгдан чыкъсын.
- Башсыз урчукъ тюзюне айланмаз.
- Аман киши кеси юйюнде – къонакъ.
- Босагъагъа джууукъ орун болса, ашыгъыб тёрге озма.
- Аш кетер да бет къалыр.
- Тёрдеги кюлсе, эшикдеги ышарыр.
- Къралынгы – душмандан, башынгы от бла суудан сакъла.
- Тойгъан джерге джети къайт.
- Ачыу алгъа келсе, акъыл артха къалады.
- Къазанда болса, чолпугъа чыгъар.
- Эшекни не къадар тюйсенг да, ат болмаз.
- Юре билмеген ит, къонакъ келтирир.
- Байлыкъдан саулукъ ашхыды.
- Aдам боллукъ, сыфатындан белгили.
- Насыблы элин сюер, насыбсыз кесин сюер.
- Окъумагъан сокъурду, сокъур ташха абыныр!
- Нарт сёз – тилни бети.
- Билим къая тешер.
- Мухардан ач ычхынмаз.
- Тойгъа барсанг, тоюб бар, эски тонунгу къоюб бар.
- Джангыз торгъай джырламаз.
О требованиях к предъявляемым файлам
Читают тему (гостей: 1)