- Башланнган иш битер, къымылдагъан тиш тюшер.
- Биреуню тёрюнден, кесинги эшик артынг игиди.
- Окъугъан озар, окъумагъан тозар.
- Дуния мал дунияда къалады.
- Айтханы чапыракъдан ётмеген.
- Адамны артындан къара сабан сюрме.
- Къыз чыгъаргъан – къызыл къымжа.
- Аш берме да, къаш бер.
- Сёз – кюмюш, джыр – алтын.
- Ариу сёзде ауруу джокъ.
- Малны кют, джерни тюрт.
- Тенги кёбню джау алмаз, акъылы кёбню дау алмаз.
- Бир абыннган – минг сюрюнюр.
- Джарлыны эшигин махтагъан джабар.
- Игини сыйлагъан адетди.
- Эринчекни эр алмаз, эр алса да, кёл салмаз, кёл салса да, кёб бармаз!
- Къазанда болса, чолпугъа чыгъар.
- Адебсиз адам – джюгенсиз ат.
- Къолунгдан къуймакъ ашатсанг да, атаны борчундан къутулмазса.
- Кийимни бичсенг, кенг бич, тар этген къыйын тюлдю.
- Бал чибинни ургъаны – ачы, балы – татлы.
- Кёл ашады да, кеси ашады.
- Тай асырагъан, атха минер.
- Ашхы тенг джолгъа салыр, аман тенг джолдан тайдырыр.
- Тас болгъан бычакъны сабы – алтын.
- Ёзденликни кёбю ётюрюк.
- Суугъа – чабакъ, къаягъа – ыргъакъ.
- Ашаса, ашамаса да, бёрюню ауузу – къан.
- Ашхы болсанг, атынг чыгъар, аман болсанг, джанынг чыгъар.
- Адамны сабийин сюйген джюреги, бычакъча, джитиди.
- Иги сёз – джаннга азыкъ, аман сёз башха – къазыкъ.
- Эл тойса, тоймагъан, эл къойса, къоймагъан.
- От кюйдюрген, сау болса да, тот кюйдюрген, сау болмаз.
- Экеу тутушса, биреу джыгъылыр.
- Мал тутхан – май джалар.
- Тулпарлыкъ, билекден тюл – джюрекден.
- Джолда аягъынга сакъ бол, ушакъда тилинге сакъ бол.
- Халкъны юйю – туугъан джери.
- Ашын ашагъанынгы, башын да сыйла.
- Эл ауузу – элек, анга ийнаннган – халек.
- Тойгъандан сора, ашны сёкме.
- Къонакъ кёб келюучю юйню, къазаны отдан тюшмез.
- Рысхы джалгъанды: келген да этер, кетген да этер.
- Акъыллы башны – тили къысха.
- Ачыу алгъа келсе, акъыл артха къалады.
- Рысхы – сют юсюнде кёмюк кибикди.
- Аманнга игилик этсенг, юйюнге сау бармазса.
- Къартны бурнун сюрт да, оноугъа тут.
- Ашатыргъа иш – ашхы, ишлетирге аш – ашхы.
- Билим – акъылны чырагъы.
Ошибка!
Для просмотра темы введите ваши логин и пароль.Пожалуйста, авторизуйтесь: