- Эринчекни аурууу – кёб.
- Джахил болса анасы, не билликди баласы?
- Уллу айтханны этмеген – уллаймаз.
- Мураты болгъанны джюрек тебюую башхады.
- Ётюрюкчюню шагъаты – къатында.
- Ашыкъгъанны этеги бутуна чырмалыр.
- Аман хансны – урлугъу кёб.
- Орну джокъну – сыйы джокъ.
- Юйюнг бла джау болгъандан эсе, элинг бла джау бол.
- Сескекли кесин билдирир.
- Эм уллу байлыкъ – джан саулукъ.
- Дуния малгъа сатылма, кесингден телиге къатылма.
- Джарлы тюеге минсе да, ит къабар.
- Эл ауузу – элек, анга ийнаннган – халек.
- Арбаз къынгырды да, ийнек сауалмайма.
- Джашны джигитлиги сорулур, къызны джигерлиги сорулур.
- Адеб базарда сатылмаз.
- Къууут – джелге, берне – бошха.
- Баланы адам этген анады.
- Агъач халкъгъа алтынды, иссиликге салкъынды.
- Тойгъандан сора, ашны сёкме.
- Къарнынг тойгъунчу аша да, белинг талгъынчы ишле.
- Юреннген ауруу къалмаз.
- Кёбню кёрген – кёб билир.
- Ёгюзню мюйюзлери ауурлукъ этмейдиле.
- Тешигини къатында, чычхан да батыр болур.
- Эрни эр этерик да, къара джер этерик да, тиширыуду.
- Ата – баланы уясы.
- Аманнга игилик этсенг, юйюнге сау бармазса.
- Ишге юренсин къоллары, халкъ бла болсун джоллары.
- Сёз – кюмюш, джыр – алтын.
- Билим насыб берир, билим джолну керир.
- Гитче джилтин уллу элни джандырыр.
- Бичгенде ашыкъма, тикгенде ашыкъ.
- Ашхы тенг джолгъа салыр, аман тенг джолдан тайдырыр.
- Акъыллы – эл иеси, тели – эл баласы.
- Башынга джетмегенни сорма.
- Кийиминг бла танылма, адамлыкъ бла таныл.
- Ач да бол, токъ да бол – намысынга бек бол.
- Юре билмеген ит, къонакъ келтирир.
- Ариу сёз – джаннга азыкъ, аман сёз – башха къазыкъ.
- Ата Джуртуму башы болмасам да, босагъасында ташы болайым.
- Арпа, будай – ащды, алтын, кюмюш а – ташды.
- Айтылгъан буйрукъ, сёгюлмез
- Онгсузну – джакъла, тенгликни – сакъла.
- Джарлы джети элни сёзюн этер.
- Къызгъанчдан ычхыныр, мухардан ычхынмаз.
- Уясында не кёрсе, учханында аны этер.
- Эркишиге тары кебек танг кёрюнюр.
- Аз сёлешген, къайгъысыз турур.
Два сердца
22.05.2011 08:33:07
MKipkeev
Щендюгю дунияда къайдан табаса кассеталаны, wap-сайтланы,.. Привет из прошлого?))Къайданса?) |
||||
|
|
|||
Читают тему (гостей: 1)