- Тиширыусуз юй – отсуз от джагъа.
- Ариу сёз джыланны орнундан чыгъарыр.
- Айтхан сёзюне табылгъан.
- Кийиминг бла танылма, адамлыкъ бла таныл.
- Чабакъгъа акъыл, табагъа тюшсе келеди.
- Эринчекни аурууу – кёб.
- Ауузу бла къуш тута айланады.
- Аман адам элни бир-бирине джау этер.
- Аман адамны тепсинге олтуртсанг, къызынгы тилер.
- Айырылмаз джууугъунга, унутмаз сёзню айтма.
- Келлик заман – къартлыкъ келтирир, кетген заман – джашлыкъ ёлтюрюр.
- Иги болса, тамадама – махтау, аман болса, меннге – айыб.
- Джолда аягъынга сакъ бол, ушакъда тилинге сакъ бол.
- Нафысынгы айтханын этме, намысынгы айтханын эт.
- Къызбайны юйюне дери сюрсенг, батыр болур.
- Бастасын ашагъан, хантусун да ичер.
- Керти сёзге тёре джокъ.
- Минг тенг да азды, бир джау да кёбдю.
- Сёз къанатсыз учар.
- Къазанчы аман болса, къазаны къайнамаз.
- Джиби бир къат джетмей эди да, эки къат тарта эди.
- Хар адамгъа кеси миннген тау кибик.
- Къонакъ болсанг, ийнакъ бол.
- Дуния малгъа сатылма, кесингден телиге къатылма.
- Джарлы тюеге минсе да, ит къабар.
- Къартха ушагъан джаш – акъыллы, джашха ушагъан къарт – тели.
- Эки къатын алгъан – эки ташны ортасына башын салгъан.
- Къарны аманнга къазан такъдырма, къолу аманнга от джакъдырма.
- Къыз чыгъаргъан – къызыл къымжа.
- Ауругъаннга – кийик саулукъ, джетген къызгъа – чилле джаулукъ.
- Юре билмеген ит, къонакъ келтирир.
- Ач къарным, тынч къулагъым.
- Биреуге кёлтюрген таягъынг, кесинги башынга урур.
- Къатын къылыкъсыз, эр тынчлыкъсыз.
- Адамны артындан къара сабан сюрме.
- Чоюнну башы ачыкъ болса, итге уят керекди.
- Джангызны оту джарыкъ джанмаз!
- Окъуу – билимни ачхычы, окъуу – дунияны бачхычы.
- Билимден уллу байлыкъ джокъду.
- Ашарыкъда сайлагъаннга – чий гырджын.
- Ёмюрлюк шохлукъну джел элтмез.
- Ишлегенден, къарагъан уста.
- Окъуусуз билим – джокъ, билимсиз кюнюнг – джокъ.
- Тёрде – темир таякълы, къаяда – чыпчыкъ аякълы.
- Намысы джокъну – дуниясы джокъ.
- Хоншуну тауугъу къаз кёрюнюр, келини къыз кёрюнюр.
- Бюгюн дуния кибик, тамбла ахыратды.
- Гугурук къычырмаса да, тангны атары къалмаз.
- Башланнган иш битер, къымылдагъан тиш тюшер.
- Окъугъан – асыу, окъумагъан – джарсыу.
БИЛДИРИУ
|
Бютеу дунияда бизни халкъ бла байламлы ишледен къысха хапар айта турур ючюн ачама бу теманы.
|
|
|
|
|
|
http://www.kardeskalemler.com/mart2011/index.htm
Евразияны джазыучуларыны журналларыны бу номери къарачай-малкъар литературагъа аталгъанын алгъаракъда айтхан эдик. Ол уллу ишни этген эки къарачайлыдыла Тюркден - Уфук Таукъул бла Уфук Тузман. Сау болсунла, кёб джашасынла. |
|
|
|
|
|
8-чи майда (ыйых кюн) сагъат 14.50-де (Тюрк заман бла) Уфук ТУЗМАН Тюркиеде телевидениеге чыгъарыкъды.
ТРТ-АВАЗ деген каналда ачыкъ эфирди. Иннет: Къарачай-Малкъар адабиятны тюрк миллетле бла танышдырыуду. Джырчы Сымайылны, Кязим хаджини, башха къарачай-малкъар джазыучуланы юслеринден Уфук ТУЗМАН тюрк тилде Якуп Делиөмероглу деген джаш бла ачыкъ ушакъ бардырлыкъды. 40 такъыйкъаны-минутну узунуна, миллет адабиятыбызны, "Минги Тау", "Къарнаш къаламла" журналланы юслеринден барлыкъды сёз. Интернет бла къарайма десегиз, ма бу линкден солуу кюн (8-чи май) сагъат 14:50-де, гюрге кюн да (10-чу майда) сагъат 18:50 къарагъыз: http://www.trt.net.tr/Canli/canli.aspx?kanal=TRTAV AZ&slv=0 Уфук ТУЗМАННЫ ушагъын "Эльбрусоид" видеоларына да къошаргъа боллукъ болур. |
|
|
|
|
Програмда, Карачай Малкарны белгили поет, джырчыларыны айткан сагьатта, унутулганла болмазла Аллах айтса
Уфук Тузман джараган карнашыбызды, даха алга да телевизёнлада Карачай-Малкар'ны юсюнден програмла еткенди! Видеолары youtube'да болур. Аллах онг берсин. Амин.|
Tinibek
Ас-салам! Уфук Тузманны сёлешгени джазылыб къалырча мадар бармыды? Артда излеген, рахат къарай турурча. |
|
|
|
|
|
Салам, Sabr!
URL Бу видеоладан 1-2-3 деп 6 барды. Башка видеола да болур. Мунуча Аллах айтса, ендики програм да былай етилип, youtube я да калганлага салыныр. Аллахха аманат болугуз! |
|
|
|
|
|
Facebook'та Уфук Тузман'ны месажы, http://www.facebook.com/home.php?sk=group_19921447 3445596¬if_t=group_activity
Уфук Тузман: "Аркадашлар дилеклериниз ичин сагьолун аз ёндже билги алдым. Якын акышы дегьиштигьи ичин "Пенджере" адлы програм 14:50 ерине, 15:55'е яйынланаджак алынмыштыр. Яйын акышы ичин http://www.trt.net.tr/trtavaz/akis.aspx линки тыклайыныз" абоут ан хоур аго · Лике · 1 персон Програмны алга айтылган сагьаттан бир сагьат сонра боллугьу билдирилгенди. Тюркия саат бла бугюн 15.55, Руся сааты бир саат алга артка болур  Програмны саатын кёрюр ючюн: http://www.trt.net.tr/trtavaz/akis.aspx |
|
|
|
|
|
Тинибек, салам!
Заманны къатышдырыб, къараялмай къалгъанма. Сен къарадынг эсе бир-эки сёз айт - Аллах айтса, таб болду болур. |
|
|
|
|
|
Sabr
Эльбрусоид Ол хапар нечик иги хапарды. |
|
|
|
|
|
8-чи майда Уфук ТУЗМАН Тюркиеде телевидение бла къарачай-малкъар халкъны культурасындан хапар айтханды. Ол бериуге къараргъа излеген тамбла, бирсикюн да къараргъа боллукъду:
http://www.trt.net.tr/Canli/canli.aspx?kanal=TRTAV AZ&slv=0 Программаны (Тюркню сагъаты бла) 10-чу май кюню 18:50-де 11-чи май кюню 03:35-де къайтарлыкъдыла. |
|
|
|
|
|
Sabr
Бу ески видеода URL, Тюрклю тиширыу бла еркиши, Карачай джырны джырлайды. Билмеген Карачай-Малкарлы деп коярыкты  . Тюненекиле алай иги джырлаялмадыла, Карачай джырланы джырласала да Карачайлы болмаганлары белгилиеди. Алгъыш биргеди |
||||
|
|
|
|||
Читают тему (гостей: 1)