- Мени джылытмагъан кюн, меннге тиймесин!
- Аджаллыгъа окъсуз шкок атылыр.
- Къозулугъунда тоймагъан, къойлугъунда тоймаз.
- Джюрекге ариу – кёзге да ариу.
- Тенги кёбню джау алмаз, акъылы кёбню дау алмаз.
- Окъуусуз билим – джокъ, билимсиз кюнюнг – джокъ.
- Аман адамны тепсинге олтуртсанг, къызынгы тилер.
- Окъугъан – асыу, окъумагъан – джарсыу.
- Ёгюзню мюйюзюнден тутадыла, адамны сёзюнден тутадыла.
- Экиндини кеч къылсанг, чабыб джетер ашхам.
- Тил – миллетни джаны.
- Экеу тутушса, биреу джыгъылыр.
- Бетинги сатма, малынгы сат.
- Ачны эсинде – аш.
- Таукел къуру къалмаз.
- Керек ташны ауурлугъу джокъ.
- Аман къатын алгъан, арыр, иги къатын алгъан джарыр.
- Элиб деген, элге болушур.
- Тойчу джашха къарама, къойчу джашха къара.
- Халкъны джырын джырласанг, халкъ санга эжиу этер.
- Агъач – джерни чырайы, кийим – эрни чырайы.
- Чомарт къонакъ юй иесин сыйлар.
- Биреу къой излей, биреу той излей.
- Ат да турмайды бир териде.
- Илму – джашауну джолу.
- Тойгъан антын унутур.
- Къазанны башы ачыкъ болса, итге уят керекди.
- Олтуруб кёрюнмей эди да, ёрге туруб кёрюне эди.
- Ётюрюк хапар аякъ тюбю бла джюрюйдю.
- Окъ къызбайны джокълайды.
- Ариу джол аджал келтирмез.
- Къарын къуру болса, джюрек уру болур.
- Джол бла сёзню къыйыры джокъ.
- Намыс болмагъан джерде, насыб болмаз.
- Билгенни къолу къарны джандырыр.
- Тик ёргени, тик энгишгеси да болады.
- Къартха ушагъан джаш – акъыллы, джашха ушагъан къарт – тели.
- Намыс сатылыб алынмайды.
- Огъурлуну сёзю – суу, огъурсузну сёзю – уу.
- Ургъан суудан башынгы сакъла.
- Тюз сёз баргъан сууну тыяр.
- Накъырданы арты керти болур.
- Кёзден кетген, кёлден да кетеди.
- Къолунгдан къуймакъ ашатсанг да, атаны борчундан къутулмазса.
- Таукел тауну аудурур.
- Шапа кёб болса, аш татымсыз болур.
- Къайгъы тюбю – тенгиз.
- Ушамагъан – джукъмаз.
- Ашыкъгъанны этеги бутуна чырмалыр.
- Ач къарным, тынч къулагъым.
Джазыучула, Суратчыла, Композиторла...
Читают тему (гостей: 1)