- Бозанг болмагъан джерге, къалагъынгы сукъма.
- Аман адам этегингден тутса, кес да къач.
- Ишлегенден, къарагъан уста.
- Игини сыйлагъан адетди.
- Къобан да къуру да къобханлай турмайды, адам да къуру да патчахлай турмайды.
- Ёлюк кебинсиз къалмаз.
- Тулпарлыкъ, билекден тюл – джюрекден.
- Кёлсюзден сёзсюз тууар.
- Агъач – джерни чырайы, кийим – эрни чырайы.
- Айран тёгюлсе, джугъусу къалыр.
- Тойгъан джерге джети къайт.
- Aдам боллукъ, сыфатындан белгили.
- Бир онгсуз адам адет чыгъарды, деб эштирик тюлсе.
- Айтхан сёзюне табылгъан.
- Келинин тута билмеген, къул этер, къызын тута билмеген, тул этер.
- Адамны сабийин сюйген джюреги, бычакъча, джитиди.
- Уллу айтханны этмеген – уллаймаз.
- Къызын тута билмеген, тул этер, джашын тута билмеген, къул этер.
- Джашлыкъ этмеген, башлыкъ этмез.
- Ауузу бла къуш тута айланады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Таукел адам тау тешер.
- Уллу атлама – абынырса, уллу къабма – къарылырса.
- Аман киши кеси юйюнде – къонакъ.
- Ашыкъгъанны этеги бутуна чырмалыр.
- Бал чибинни ургъаны – ачы, балы – татлы.
- Бек ашыкъгъан меннге джетсин, дегенди аракъы.
- Адам къаллай бир ишленмесе, аллай бир кесин уллу кёреди.
- Кёкдеги болмаса, джердегин кёрмейди.
- Алим болгъандан эсе, адам болгъан къыйынды.
- Адамны аты башхача, акъылы да башхады.
- Бастасын ашагъан, хантусун да ичер.
- Къонагъы джокъну – шоху джокъ.
- Джарлыны эшигин махтагъан джабар.
- Юй кюйдю да, кюйюз чыкъды, ортасындан тюйюш чыкъды.
- Башланнган иш битер, къымылдагъан тиш тюшер.
- Ёлюр джаннга, ёкюл джокъ.
- Чёбню кёлтюрсенг, тюбюнден сёз чыгъар.
- Ач, тоймам, дейди, тойгъан, ач болмам, дейди.
- Игилик игилик бла сингдирилиучю затды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сагъыш – къартлыкъгъа сюйюмчю.
- Ашха уста, юйюнде болсун
- Ашхы болсанг, атынг чыгъар, аман болсанг, джанынг чыгъар.
- Аманнга игилик этсенг, юйюнге сау бармазса.
- Эрине къаргъыш этген къатын, эрнин къабар.
- Бермеген къол, алмайды.
- Окъумагъан сокъурду, сокъур ташха абыныр!
- Къыйынлы джети элге оноу этер.
- Атадан ёксюз – бир ёксюз, анадан ёксюз – эки ёксюз.
Джазыучула, Суратчыла, Композиторла...
Читают тему (гостей: 1)