- Эр сокъур болсун, къатын тилсиз болсун.
- Битмегеннге сакъал – танг.
- Итли къонакъ джарашмаз.
- Тик ёргени, тик энгишгеси да болады.
- Абынмазлыкъ аякъ джокъ, джангылмазлыкъ джаякъ джокъ.
- Аман къатын сабий табса, бий болур…
- Кимни – тили, тиши онглу, кимни – къолу, иши онглу.
- Шекер бла туз – бир болмаз, ушамагъан – юй болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джан саулукъ бермей, сан саулукъ бермезсе.
- Ачыкъ джюрекге джол – ачыкъ.
- Акъыллы – эл иеси, тели – эл баласы.
- Бетинги сатма, малынгы сат.
- Ариу – кёзге, акъыл – джюрекге.
- Таш бла ургъанны, аш бла ур.
- Джюрек кёзден алгъа кёрюр.
- Айран тёгюлсе, джугъусу къалыр.
- Чабакъгъа акъыл, табагъа тюшсе келеди.
- Элиб деген, элге болушур.
- Халкъны джырын джырласанг, халкъ санга эжиу этер.
- Байны къызы баймакъ болса да, юйде къалмаз!
- Олтуруб кёрюнмей эди да, ёрге туруб кёрюне эди.
- Ётюрюкню башын керти кесер.
- Адамны адамлыгъы къыйынлыкъда айгъакъланады.
- Билимсиз иш бармаз.
- Тюзлюк шохлукъну бегитир.
- Зарда марда джокъ.
- Аз сёлеш, кёб ишле.
- «Ма», - дегенни билмесенг, «бер», - дегенни билмезсе.
- Алма терегинден кери кетмез.
- Ашхы атаны – джашы ашхы, ашхы ананы – къызы ашхы.
- Сагъышы джокъ – джукъучу, акъылы джокъ – къаугъачы.
- Эл ауузу – элия.
- Эл элде бирер малынг болгъандан эсе, бирер тенгинг болсун.
- Огъурлуну сёзю – суу, огъурсузну сёзю – уу.
- Хантына кёре тузу, юйюне кёре къызы.
- «Ёгюз, джаргъа джууукъ барма, меннге джюк боллукъса», - дегенди эшек.
- Сыфатында болмагъаны, суратында болмаз.
- Нафысынгы айтханын этме, намысынгы айтханын эт.
- Джарлы тюеге минсе да, ит къабар.
- Адамны артындан къара сабан сюрме.
- Джаханимни кёрмей, джандетге кёл салмазса.
- Къолунгдан къуймакъ ашатсанг да, атаны борчундан къутулмазса.
- Акъдан къара болмаз.
- Ач уят къоймаз.
- Садакъачыны джаны – къапчыгъында.
- Сангырау къулакъ эл бузар.
- Аджалсыз ёлюм болмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Татлы тилде – сёз ариу, чемер къолда – иш ариу.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)