- Уллу суу бла уллу ауруудан башынгы сакъла.
- Этни бети бла шорпасы.
- Дуния аламаты сен эсенг да, игиме деб айтма.
- Тау башында, тау болмаз, джангыз терек, бау болмаз.
- Уясында не кёрсе, учханында аны этер.
- Ач уят къоймаз.
- Ана кёлю – балада, бала кёлю – талада.
- Къууут – джелге, берне – бошха.
- Тойну къарнашы – харс, джырны къарнашы – эжиу.
- Эки къатын алгъанны къулагъы тынгнгаймаз.
- Къарыусузгъа кюлме, онгсузгъа тийме.
- Бозанг болмагъан джерге, къалагъынгы сукъма.
- Шекер бла туз – бир болмаз, ушамагъан – юй болмаз.
- Айырылмаз джууугъунга, унутмаз сёзню айтма.
- Тил джюрекге джол ишлейди.
- Намысы болмагъанны, сыйы болмаз.
- Аллахдан тилесенг, кёб тиле.
- Джан саулукъ бермей, сан саулукъ бермезсе.
- Ачыу алгъа келсе, акъыл артха къалады.
- Ашыкъгъанны этеги бутуна чырмалыр.
- Ариу сёзде ауруу джокъ.
- Аш иеси бла татлыды.
- Иги – алгъыш этер, аман – къаргъыш этер.
- Аман хансны – урлугъу кёб.
- Соргъан айыб тюлдю, билмеген айыбды.
- Ариуну – ауруу кёб.
- Кёзню ачылгъаны – иги, ауузну джабылгъаны – иги.
- Кеси юйюмде мен да ханма.
- Сёз садакъдан кючлюдю.
- Хар зат кесини орнуна иги.
- От кюйдюрген, сау болса да, тот кюйдюрген, сау болмаз.
- Чомартха Тейри да борчлуду.
- Татлы тилде – сёз ариу, чемер къолда – иш ариу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёмюрлюк шохлукъну джел элтмез.
- Джюрек кёзден алгъа кёрюр.
- Эски джаугъа ышанма.
- Тёрде – темир таякълы, къаяда – чыпчыкъ аякълы.
- Урама да – ёледи, сатама да – келеди.
- Ауругъаннга – кийик саулукъ, джетген къызгъа – чилле джаулукъ.
- Халкъны юйю – туугъан джери.
- «Ёгюз, джаргъа джууукъ барма, меннге джюк боллукъса», - дегенди эшек.
- Рысхы джалгъанды: келген да этер, кетген да этер.
- Кечеси – аяз, кюню – къыш, джарлы къаргъагъа бир аш тюш!
- Кёз – сюйген джерде, къол – ауругъан джерде.
- Таукелге нюр джауар.
- Тамчы таш тешер.
- Айныгъанлы алты кюн, тогъайгъанлы тогъуз кюн.
- Къарт болгъан джерде, берекет болур, сабий болгъан джерде, оюн болур.
- Башланнган иш битер, къымылдагъан тиш тюшер.
С МЕЖДУНАРОДНЫМ ДНЕМ ПОЭЗИИ,друзья,всех поздравляю! День поэзии - Год поэзии - Век поэзии
21.03.2011 17:55:05
Sabr
В первую очередь позвольте поздравить самого, Аллах узакъ ёмюр берсин!!! Саулукълу, насыплы болугъуз!!! |
|
|
|
21.03.2011 22:44:44
мики
Сау бол, алгъышынг ючюн, алгъышлыкъ бол. |
|
|
|
22.03.2011 00:54:21
Аланла, къайда мажарыргъа боллукъду газетни?
|
|
|
|
22.03.2011 01:06:42
bazamat1976
Газетни юсюнден республиканы джазыучуларыны союзуна (Бегий улу Абдуллахха) неда "Минги Тау" журналны джууаблы секретары Ёлмезланы Мурадиннге сорсанг таб болур. |
|
|
|
28.03.2011 20:07:08
Vsem-vsem - tvorcheskih uspehov, professional`noi realizacii!!! Zdorov`ya, lyubvi, mira!
|
|
|
|
31.03.2011 05:31:13
Билал Лайпанов
ОСЕНЬ ШАТны "ДЖапракланы Бояулары Кайры Кетти" темасына джараулу |
||||
|
|
|||
Читают тему (гостей: 1)