- Таукелге нюр джауар.
- Аманнга да, игиге да оноусуз къатышма.
- Джукъу тёшек сайламайды.
- Ариуну – ауруу кёб.
- Келлик заман – къартлыкъ келтирир, кетген заман – джашлыкъ ёлтюрюр.
- Ойнай-ойнай кёз чыгъар.
- Джюрекге ариу – кёзге да ариу.
- Байлыкъ болгъан джерде, тынчлыкъ джокъду.
- Хар адамгъа кеси миннген тау кибик.
- Джаным-тиним – окъуу, билим.
- Къралынгы – душмандан, башынгы от бла суудан сакъла.
- Баш – акъыл ючюн, акъылман – халкъ ючюн.
- Акъылсызны джууукъгъа алма, акъыллыны кенгнге салма.
- Кечеси – аяз, кюню – къыш, джарлы къаргъагъа бир аш тюш!
- Байлыкъдан саулукъ ашхыды.
- Ойнаб айтсанг да, эслеб айт.
- Этни да ашады, бетни да ашады.
- Аллахдан тилесенг, кёб тиле.
- Аш кетер да бет къалыр.
- Атлыны ашхысы, ат тизгининден билинир
- Ач уят къоймаз.
- Билим – акъылны чырагъы.
- Ариу сёз джыланны орнундан чыгъарыр.
- Ана – юйню кюн джарыгъы.
- Уллу сёзде уят джокъ.
- Адамны сабийин сюйген джюреги, бычакъча, джитиди.
- Ана кёлю – балада, бала кёлю – талада.
- Ач бёрюге мекям джокъ.
- Ётюрюкчюню шагъаты – къатында.
- Эрни эр этерик да, къара джер этерик да, тиширыуду.
- Сагъышы джокъ – джукъучу, акъылы джокъ – къаугъачы.
- Аманны эки битли тону болур, бирин сеннге кийдирир, бирин кеси киер.
- Адебсиз адам – джюгенсиз ат.
- Ашхы тенг джолгъа салыр, аман тенг джолдан тайдырыр.
- Башынга джетмегенни сорма.
- Акъыл аздырмаз, билим тоздурмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Ауузу бла къуш тута айланады.
- Аджашхан тёгерек айланыр.
- Окъуу – билимни ачхычы, окъуу – дунияны бачхычы.
- Эл ауузу – элия.
- Тенгни тенглиги джашай барсанг билинир.
- Джылкъыдан – ат чыгъар, тукъумдан – джаш чыгъар.
- Асхат ашлыкъ сата, юйдегиси ачдан къата.
- Юре билмеген ит, къонакъ келтирир.
- Чарсда алчыны эл кёреди.
- Адеби болмагъан къыз – тузсуз хант.
- Бет бетге къараса, бет да джерге къарар.
- Накъырда – кертини келечиси.
- Акъыл къартда, джашда тюйюлдю – башдады.
КЪАРНАШ КЪАЛАМЛА / KARDESH KALEMLER
|
Тюркде чыкъгъан бу журналны мартдагъы номери толусу бла къарачай-малкъар адабиятха аталгъанды. Бу дергини-журналны таулу китабын чыгъарыргъа къарачайлыла Уфук Таукъул бла Уфук Тузман уллу къыйын салгъандыла. Ала да, башха къарнашларыбыз да бизни халкъны кесин, культурасын да бютеу тюрк дуниягъа белгили этер ючюн кюрешгенлери ючюн, бек сау болсунла, кючлерине кюч къошулсун.
Журналны кёб турмай, http://taulit.as-alan.com/start/ электрон кютюпханеде окъургъа боллукъсуз. |
|
|
|
|
|
fonblond
Ас-салам! Сау бол. Сорууларынга бираздан толу джууаб этерме. Соруулары болгъанла бар эселе, сора берсинле, алагъа да билгеними айтырма. |
|
|
|
|
|
Sаbr , сау болугъуз! Сакъларыкъма бек!
|
|
|
|
|
|
bazamat1976
Айыб этме, "маджарыргъа" деген сёзню ангылаялмадым. |
|
|
|
|
|
ТАБАРГЪА
|
|
|
|
|
|
bazamat1976
"1993-1998 джыллада къарачай тилде чыгъармалары 10 том болуб чыкъгъандыла; 1992-1996 джыллада чыгъармалары орус тилге кёчюрюлюб, 3 том болуб басмаланнгандыла; Сабр, къайда мажарыргъа боллукъду айтылгъан 13 томну???" Оллахий, энди бу китабланы табхан къыйын боллукъ болур. 2003 джыл тышына кете башлагъанымда, барысын да - Къарачай шахарда Университетге, школлагъа чачыб кетген эдим. "Юйге игилик" газетни, "Ас-Алан" журналны да менде болгъан номерлерин алай этген эдим. Ол китабланы электрон вариантларына къарайма десенг, былайда къараргъа боллукъса: http://taulit.as-alan.com/start/?page_id=37#bilal "Ас-Алан" журналны электрон вариантларын сакълаялмагъаныма бек къыйналама. Анда адам окъур затла кёб эдиле. Къарачайда 1989-2003 джыллада бола тургъан ишле "Юйге Игилик" газет бла "Ас-Алан" журналда кюзгюдеча кёрюнедиле. Этнополитика джаны бла джукъ джазаргъа излеген - алада кёб материал табаргъа боллукъ эди. "Юйге Игилик" газетни кёб номерин былайда окъургъа боллукъду: http://as-alan.com/index/ "Ас-Алан" журналны электрон номерлери "Эльбрусоидде" болургъа боллукъдула - сакъланнган эселе. Аланы табыб манга ийген - бек уллу иш этерик эди. |
|
|
|
|
|
fonblond
Экинчи сорууунга джууаб. 2.Норвегияда хазна къарачайлы джокъду. 1970-чи джыллдан бери мында джашагъан бир къарачай тиширыу барды ? Зоя Граннес (Боташланы Зоя). Аны юсюнден былайлада окъургъа боллукъду: Зоя Граннес - Норвегияда биринчи таулу тиширыу http://www.elbrusoid.org/phorum/index.php?action=v thread&forum=22&topic=13090 неда: http://www.kamatur.org/makaleler/genel/150-norvega da-b-tavlu-tuv Башха таныгъанларым джокъду. Орта Азиядан къачыб келген эки юйдегиге болушургъа кюрешген эдим. Европаны бир къралында джашайдыла. Европада къарачайлыла аздыла, бир-бири бла уллу байламлы да тюлдюле. Германияда бир джыйылыу болгъан эди былтыр ? мен баралмагъан эдим. Андан сора джукъ болуб билмейме. Сёз башланнганы бла бир айтырым: тыш къралда окъургъа, ишлерге излегенле, ол къралланы келечи юйлерине барыб, сёлеширге керекдиле. Посольстволада къаллай усталыкълары болгъан адамла кереклиси айтылады, джазылады. Тюз келиб къалыб, не ишлерге, не окъургъа мадар джокъду. Башха не айтайым? Соруула болсала, джууаб эте барырма. |
|
|
|
|
|
http://taulit.as-alan.com/start/?page_id=37#bilal
Былайда "Кардеш калемлер/Къарнаш къаламла" дергини-журналны къарачай-малкъар адабиятха аталгъан ёзел номерин окъургъа боллукъсуз. Джазыучуланы суратлары, чыгъарма юзюклери да, тарихибизден хапарла бардыла. "Кардеш калемлер" дунияны 37 джеринде джайылады, тиражы 5000 экз. |
|
|
|
|
|
Sаbr , сау бол! Хар айтаханынга да форумда адет бла +1)
ашыгъыш киргенме, энтда бир къыйнарыкъма) сорууларым энтда барды) |
|
|
|
|
|
http://www.kardeskalemler.com/
Журналны бу номерин тау адабиятыбызгъа атаб, къарачай-малкъар халкъыбызны бютеу дуниягъа танытыр джанындан кюрешген Уфук Таукъул бла Уфук Тузманнга Аллах кюч, саулукъ, узакъ ёмюр берсин. Тюркиеде Халкъыбызгъа сагъыш этген ахлуларыбызны барына да къууанч, насыб джашау берсин Аллах. |
||||
|
|
|
|||
Читают тему (гостей: 1)