- Сангырау къулакъ эл бузар.
- Айныгъанлы алты кюн, тогъайгъанлы тогъуз кюн.
- Эркишиге тары кебек танг кёрюнюр.
- Джаш къарыу бла кючлю, къарт акъыл бла кючлю.
- Ауузу аманнга «иги», деме.
- Иги сёз – джаннга азыкъ, аман сёз башха – къазыкъ.
- Ёзденликни кёбю ётюрюк.
- Къарны аманнга къазан такъдырма, къолу аманнга от джакъдырма.
- Элиб деген, элге болушур.
- Игини сыйлагъан адетди.
- Зарда марда джокъ.
- Тёрдеги кюлсе, эшикдеги ышарыр.
- Джумушакъ сёз къаты таякъны сындырыр.
- Кёз – сюйген джерде, къол – ауругъан джерде.
- Биреу къой излей, биреу той излей.
- Накъырда – кертини келечиси.
- Къаллай салам берсенг, аллай джууаб алырса.
- Билим ат болуб да чабар, къуш болуб да учар.
- Огъурлуну сёзю – суу, огъурсузну сёзю – уу.
- Аманны къуугъан, аманлыкъ табар.
- Акъыл бла адеб эгизледиле.
- Акъыл аздырмаз, билим тоздурмаз.
- Орну джокъну – сыйы джокъ.
- Асхат ашлыкъ сата, юйдегиси ачдан къата.
- Биреу ашаб къутулур, биреу джалаб тутулур.
- Сакъламагъан затынга джолукъсанг, не бек къууанаса, не бек ачыйса.
- Акъыл къартда, джашда тюйюлдю – башдады.
- Телини эшигин, махтау джабар.
- Ашхы атаны – джашы ашхы, ашхы ананы – къызы ашхы.
- Айыбны суу бла джууалмазса.
- Гугурук къычырмаса да, тангны атары къалмаз.
- Джолда аягъынга сакъ бол, ушакъда тилинге сакъ бол.
- Акъыллы айтыр эди, акъылсыз къоймайды.
- Эшекге миннген – биринчи айыб, андан джыгъылгъан – экинчи айыб.
- Ач – эснер, ат – кишнер.
- Аман адам этегингден тутса, кес да къач.
- Ариу сёз аурууунгу алыр.
- Иги сеники эсе да, сюйген кесимикин этеме.
- Чомарт къолда мал къалмаз.
- Мадар болса, къадар болур.
- Адеб этмеген, адеб кёрмез.
- Окъ къызбайны джокълайды.
- Ётген ёмюр – акъгъан суу.
- Къарын къуру болса, джюрек уру болур.
- Ариу – кёзге, акъыл – джюрекге.
- Джумушакъ терекни къурт ашар.
- Тюзню ётмеги тюзде къалса да, тас болмаз.
- Аллахдан тилесенг, кёб тиле.
- Тили узунну, намысы – къысха.
- Сакъалы текени да бар, мыйыгъы киштикни да бар.
Лидера КРЫМСКИХ ТАТАР выдвинули на Нобелевскую премию мира
05.02.2011 03:15:41
Машаллах! Давно пора было! Мустафа Джемилев - это уже легенда крымскотатарского национального движения. Есть хоть какая-то справедливость за пределами России!
|
|
|
|
05.02.2011 11:16:04
Честно сказать, впервые прочитал про Мустафу Джемилева, но новость интересная и приятная.
|
|
|
|
05.02.2011 12:07:43
АЙ МАШААЛЛАХ
|
||||
|
|
|||
Читают тему (гостей: 1)