- Тёзгеннге, джабылгъан эшик ачылыр.
- Кесине гебен этелмеген, биреуге черен эте эди.
- Ашыкъгъанны этеги бутуна чырмалыр.
- Бастасын ашагъан, хантусун да ичер.
- Къыз тиширыу кеси юйюнде да къонакъды.
- Ачны эсинде – аш.
- Дуния аламаты сен эсенг да, игиме деб айтма.
- Келлик заман – къартлыкъ келтирир, кетген заман – джашлыкъ ёлтюрюр.
- Ачыкъ джюрекге джол – ачыкъ.
- Юйюнг бла джау болгъандан эсе, элинг бла джау бол.
- Ханы къызы буюгъа-буюгъа киштик болду.
- Ачлыкъда тары гырджын халыуадан татлы.
- Чомартны къолу берекет.
- Этек чакъмакълары баш джаргъан, сёлешген сёзлери таш джаргъан.
- Бозаны арты дауур болур.
- Эл ауузу – элек, анга ийнаннган – халек.
- Бёрю да ач къалмасын, эчки да ашалмасын.
- Минг тенг да азды, бир джау да кёбдю.
- Кёл – къызбай, къол – батыр.
- Кечеси – аяз, кюню – къыш, джарлы къаргъагъа бир аш тюш!
- Накъырда – кертини келечиси.
- Ачылгъан эт джабылыр, кёрген кёз унутмаз.
- Магъанасыз сёз – тауушсуз сыбызгъы.
- Аман хансны – урлугъу кёб.
- Арбаз сайлама да, хоншу сайла.
- Этим кетсе да, сюегим къалыр.
- Къонакъ аман болса, къонакъбай джунчур
- Къолунгдан къуймакъ ашатсанг да, атаны борчундан къутулмазса.
- Тойгъан джерге джети къайт.
- Рысхысына кёре, джаш ёсер, къышлыгъына кёре, мал ёсер.
- Орундукъ тюбюнде атылсам да, орта джиликме, де да айлан.
- Мухарны эси – ашарыкъда.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач бёрюге мекям джокъ.
- Ариуну – ауруу кёб.
- Ашда уялгъан – мухар, ишде уялгъан – хомух.
- Сёз сёзню айтдырыр.
- Къызгъанчдан ычхыныр, мухардан ычхынмаз.
- Кёзден кетген, кёлден да кетеди.
- Тил – кесген бычакъ, сёз – атылгъан окъ.
- Тынгылагъан тынгы бузар.
- Ач отунчуну ачыуу – бурнунда.
- Джаз бир кюнню джатсанг, къыш талай кюнню абынырса.
- Ашыкъгъан cуу, тенгизге джетмез.
- Айраннга суу къош, телиге джол бош.
- Ач къарным, тынч къулагъым.
- Къан бла кирген, джан бла чыгъар.
- Тёгюлген тюгел джыйылмайды.
- Адамны артындан къара сабан сюрме.
- Тилчиден кери бол.
Хар айны экинчи кюню-КЪАРАЧАЙ-МАЛКЪАР ТИЛНИ КЮНЮ болсун!
01.02.2011 14:47:37
Albert
Саулай форум да сёлешейик деймисе, огъесе аыйырылгъан темала да? |
|
|
|
01.02.2011 15:03:35
|
|
|
|
01.02.2011 19:41:56
7km
7 кюнню уа рекламасын кесинг бардырдырлыкъса))) джети сеникидида |
|
|
|
01.02.2011 23:15:52
Ай харибаа....Анатил ёге тил болуб тура кёреем!!!
|
|
|
|
Читают тему (гостей: 1)