- Игилик игилик бла сингдирилиучю затды.
- Сабийни джумушха джибер да, ызындан бар.
- Адам сёзюнден белгили.
- Тёзген – тёш ашар!
- Ауругъан – джашаудан умутчу.
- Эки итни арасына сюек атма, эки адамны арасында сёз чыгъарма.
- Ана кёлю – балада, бала кёлю – талада.
- Джаханимни кёрмей, джандетге кёл салмазса.
- Хансыз джомакъ болмаз.
- Элде адам къалмаса, ит тахтагъа минер.
- Билеги кючлю, бирни джыгъар, билими кючлю, мингни джыгъар.
- Окъугъан озар, окъумагъан тозар.
- Кийимни бир кюнню аясанг, минг кюннге джарар.
- Бет бетге къараса, бет да джерге къарар.
- Иги – алгъыш этер, аман – къаргъыш этер.
- Баргъанынга кёре болур келгенинг.
- Ишни ахырын ойламай, аллын башлама.
- Таукелге нюр джауар.
- Aдам боллукъ, сыфатындан белгили.
- Аз сёлешген, къайгъысыз турур.
- Джахил болса анасы, не билликди баласы?
- Адам къыйынлыгъын кёлтюрюр, зауукълугъун кёлтюрмез.
- Бичгенде ашыкъма, тикгенде ашыкъ.
- Джюрек кёзден алгъа кёрюр.
- Тюзлюк шохлукъну бегитир.
- Джетген къыз джерли эшекни танымаз.
- Башсыз урчукъ тюзюне айланмаз.
- Кесинге джетмегенни, кёб сёлешме.
- Джюрекден джюрекге джол барды.
- Ач къарынны, токъ билмез
- Джылар джаш, атасыны сакъалы бла ойнар.
- Арпа, будай – ащды, алтын, кюмюш а – ташды.
- Гугук кесини атын айтыб къычыргъанча, мен, мен деб нек тураса?
- Юйлю уругъа ит чабмаз.
- Билими азны – ауузунда кирит.
- Эринчекге кюн узун.
- Окъ къызбайны джокълайды.
- Суугъа – таянма, джаугъа – ийнанма.
- Ашын ашагъанынгы, башын да сыйла.
- Къызбайны юйюне дери сюрсенг, батыр болур.
- Къатын байлыкъны сюер, эр саулукъну сюер.
- Дууулдаса – бал чибин, къонса – къара чибин.
- Сангырау къулакъ эл бузар.
- Аджал соруб келмез, келсе, къайтыб кетмез.
- Билим ат болуб да чабар, къуш болуб да учар.
- Къартны сыйын кёрмеген, къартлыгъында сыйлы болмаз.
- Джумушакъ сёз къаты таякъны сындырыр.
- Аман адамны тепсинге олтуртсанг, къызынгы тилер.
- Мен да «сен», дейме, сен да «кесим», дейсе.
- Тёрдеги кюлсе, эшикдеги ышарыр.
Хар айны экинчи кюню-КЪАРАЧАЙ-МАЛКЪАР ТИЛНИ КЮНЮ болсун!
01.02.2011 14:47:37
Albert
Саулай форум да сёлешейик деймисе, огъесе аыйырылгъан темала да? |
|
|
|
01.02.2011 15:03:35
|
|
|
|
01.02.2011 19:41:56
7km
7 кюнню уа рекламасын кесинг бардырдырлыкъса))) джети сеникидида |
|
|
|
01.02.2011 23:15:52
Ай харибаа....Анатил ёге тил болуб тура кёреем!!!
|
|
|
|
Читают тему (гостей: 2)