- Тамырсыз терекге таянма – джыгъылырса.
- Ач уят къоймаз.
- Эки къатын алгъан – эки ташны ортасына башын салгъан.
- Джеринден айырылгъан – джети джылар, джуртундан айырылгъан – ёлгюнчю джылар.
- Ойнаб айтсанг да, эслеб айт.
- Ач отунчуну ачыуу – бурнунда.
- Тил бла келеди джыр да.
- Нёгер болсанг, тенг бол, тенг болмасанг, кенг бол.
- Экиндини кеч къылсанг, чабыб джетер ашхам.
- Бал ашаргъа сюе эсенг, чибин ургъаннга тёз.
- Чомартха Тейри да борчлуду.
- Итли къонакъ джарашмаз.
- Окъугъан – асыу, окъумагъан – джарсыу.
- Сёз сёзню айтдырыр.
- Акъыл сабырлыкъ берир.
- Агъач халкъгъа алтынды, иссиликге салкъынды.
- Айтхан сёзюне табылгъан.
- Иесиз малны бёрю ашар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таукелге нюр джауар.
- Хатерли къул болур.
- Аманнга игилик этсенг, юйюнге сау бармазса.
- Чакъырылмагъан къонакъ – орунсуз.
- Ишге юренсин къоллары, халкъ бла болсун джоллары.
- Онгсузну – джакъла, тенгликни – сакъла.
- Адам сёзюнден белгили.
- Ашарыкъда сайлагъаннга – чий гырджын.
- Ариу сёз аурууунгу алыр.
- Зарда марда джокъ.
- Къызны минг тилер, бир алыр.
- Магъанасыз сёз – тауушсуз сыбызгъы.
- Гугурук къычырмаса да, тангны атары къалмаз.
- Таукел адам тау тешер.
- Атлыны ашхысы, ат тизгининден билинир
- Нёгерсизни джолу узун.
- Джумушакъ терекни къурт ашар.
- Акъыл неден да кючлюдю.
- Айтханы чапыракъдан ётмеген.
- Халкъгъа джарагъан, джарлы къалмаз.
- Къазанчы аман болса, къазаны къайнамаз.
- Къарнынг ауруса, ауузунгу тый
- Окъуусуз билим – джокъ, билимсиз кюнюнг – джокъ.
- Ана – юйню кюн джарыгъы.
- Юй кюйдю да, кюйюз чыкъды, ортасындан тюйюш чыкъды.
- Ёнгкюч къууана барыр, джылай келир.
- Эки къатын алгъанны къулагъы тынгнгаймаз.
- Къуру гыбыт бек дыгъырдар.
- Накъырда – кертини келечиси.
- Керилген да, ургъан кибикди.
- Ишлегенде эринме, ишде чолакъ кёрюнме.
Хар айны экинчи кюню-КЪАРАЧАЙ-МАЛКЪАР ТИЛНИ КЮНЮ болсун!
01.02.2011 14:47:37
Albert
Саулай форум да сёлешейик деймисе, огъесе аыйырылгъан темала да? |
|
|
|
01.02.2011 15:03:35
|
|
|
|
01.02.2011 19:41:56
7km
7 кюнню уа рекламасын кесинг бардырдырлыкъса))) джети сеникидида |
|
|
|
01.02.2011 23:15:52
Ай харибаа....Анатил ёге тил болуб тура кёреем!!!
|
|
|
|
Читают тему (гостей: 1)