- Эркишиге тары кебек танг кёрюнюр.
- Термилгенинги табмазса, кюлгенинге тюберсе.
- Адамны сыфатына къарама, сёзюне къара.
- Чабакъ башындан чирийди.
- Ач, тоймам, дейди, тойгъан, ач болмам, дейди.
- Ач къарным, тынч къулагъым.
- Акъылсызны джууукъгъа алма, акъыллыны кенгнге салма.
- Кечеси – аяз, кюню – къыш, джарлы къаргъагъа бир аш тюш!
- Шайтан алдады, тюзлюк къаргъады.
- Эркиши – от, тиширыу – суу.
- Дууулдаса – бал чибин, къонса – къара чибин.
- Джыйырма къойну юч джыйырма эбзе кюте эди.
- Окъумагъан сокъурду, сокъур ташха абыныр!
- Биреу ашаб къутулур, биреу джалаб тутулур.
- Босагъа таш юйге кирмей эди, тыбыр таш эшикге чыкъмай эди.
- Намыс сатылыб алынмайды.
- Хатерли къул болур.
- Кёзюнде тереги болгъан, чёбю болгъаннга кюле эди.
- Хунаны тюбюн къазсанг, юсюнге ауар.
- Тил – кесген бычакъ, сёз – атылгъан окъ.
- Билим насыб берир, билим джолну керир.
- Акъыллы башны – тили къысха.
- Сабийни джумушха джибер да, ызындан бар.
- Юре билмеген ит, къонакъ келтирир.
- Асхат ашлыкъ сата, юйдегиси ачдан къата.
- Къартны сыйын кёрмеген, къартлыгъында сыйлы болмаз.
- Айтылгъан сёз ызына къайтмаз.
- Айранны сюйген, ийнек тутар.
- Элге къуллукъ этмеген, элге ие болмаз.
- Башда акъыл болмаса, эки аякъгъа кюч джетер.
- Джюрекге ариу – кёзге да ариу.
- Джарлы эскисин джамаса, къууаныр.
- Тамырсыз терекге таянма – джыгъылырса.
- Орну джокъну – сыйы джокъ.
- Бал ашаргъа сюе эсенг, чибин ургъаннга тёз.
- Кёб джат да, бек чаб.
- Джылыгъа джылан илешир.
- Къолу уллу – асыу, аягъы уллу – джарсыу.
- Адамны адамлыгъы къыйынлыкъда айгъакъланады.
- Сагъышы джокъ – джукъучу, акъылы джокъ – къаугъачы.
- Терслик кетер, тюзлюк джетер.
- Атлыны ашхысы, ат тизгининден билинир
- Эли джокъну – кёлю джокъ.
- Ашхылыкъ джерде джатмайды, аманлыкъ суугъа батмайды.
- Айтханы чапыракъдан ётмеген.
- Ашарыкъда сайлагъаннга – чий гырджын.
- Ата – баланы уясы.
- Оюмсуз атлагъан, аджалсыз ёлюр.
- Ашыкъгъанны этеги бутуна чырмалыр.
- Аз айтсам, кёб ангылагъыз.
Хар айны экинчи кюню-КЪАРАЧАЙ-МАЛКЪАР ТИЛНИ КЮНЮ болсун!
01.02.2011 14:47:37
Albert
Саулай форум да сёлешейик деймисе, огъесе аыйырылгъан темала да? |
|
|
|
01.02.2011 15:03:35
|
|
|
|
01.02.2011 19:41:56
7km
7 кюнню уа рекламасын кесинг бардырдырлыкъса))) джети сеникидида |
|
|
|
01.02.2011 23:15:52
Ай харибаа....Анатил ёге тил болуб тура кёреем!!!
|
|
|
|
Читают тему (гостей: 1)