- Абынмазлыкъ аякъ джокъ, джангылмазлыкъ джаякъ джокъ.
- Джылыгъа джылан илешир.
- Игини сыйлагъан адетди.
- Чакъырылгъанны аты, чакъырылмагъанны багъасы болур.
- Ана – юйню кюн джарыгъы.
- Тюз сёз баргъан сууну тыяр.
- Ат да турмайды бир териде.
- Зар адам ашынгы ашар, кесинги сатар.
- Къарт болгъан джерде, берекет болур, сабий болгъан джерде, оюн болур.
- Телиге от эт десенг, юйюнге от салыр.
- Джумушакъ сёз къаты таякъны сындырыр.
- Акъыл неден да кючлюдю.
- Кёбге таш атма.
- Ушамагъан – джукъмаз.
- Ашыкъгъан cуу, тенгизге джетмез.
- Хантына кёре тузу, юйюне кёре къызы.
- Тойгъан антын унутур.
- Адамгъа аман кюн соруб келмейди.
- Намыс сатылыб алынмайды.
- Татлы сёз – балдан татлы.
- От этилмеген джерден тютюн чыкъмайды.
- Гугук кесини атын айтыб къычыргъанча, мен, мен деб нек тураса?
- Юйлю уругъа ит чабмаз.
- Акъыллы – эл иеси, тели – эл баласы.
- Акъыл бла адеб эгизледиле.
- Эки итни арасына сюек атма, эки адамны арасында сёз чыгъарма.
- Керти сёзге тёре джокъ.
- Телиге акъыл салгъандан эсе, ёлгеннге джан салырса.
- Айырылмаз джууугъунга, унутмаз сёзню айтма.
- Ата Джуртун танымагъан, атасын да танымаз.
- Къартха ушагъан джаш – акъыллы, джашха ушагъан къарт – тели.
- Къуру гыбыт бек дыгъырдар.
- Байлыкъ келсе, акъыл кетер.
- Айран тёгюлсе, джугъусу къалыр.
- Кесине оноу эте билмеген, халкъына да эте билмез.
- Хазыр ашха – терен къашыкъ.
- Кёзю сокъурдан – къоркъма, кёлю сокъурдан – къоркъ.
- Хата – гитчеден.
- Эки къатын алгъанны къулагъы тынгнгаймаз.
- Арпа, будай – ащды, алтын, кюмюш а – ташды.
- Джарлы эскисин джамаса, къууаныр.
- Иги адамны бир сёзю эки болмаз.
- Ётюрюкчюню шагъаты – къатында.
- Къозулугъунда тоймагъан, къойлугъунда тоймаз.
- Къыйынлы джети элге оноу этер.
- Билим – акъылны чырагъы.
- Джашда акъыл джокъ, къартда къарыу джокъ.
- Ач уят къоймаз.
- Джаш къарыу бла кючлю, къарт акъыл бла кючлю.
- Тай асырагъан, атха минер.
Хар айны экинчи кюню-КЪАРАЧАЙ-МАЛКЪАР ТИЛНИ КЮНЮ болсун!
01.02.2011 14:47:37
Albert
Саулай форум да сёлешейик деймисе, огъесе аыйырылгъан темала да? |
|
|
|
01.02.2011 15:03:35
|
|
|
|
01.02.2011 19:41:56
7km
7 кюнню уа рекламасын кесинг бардырдырлыкъса))) джети сеникидида |
|
|
|
01.02.2011 23:15:52
Ай харибаа....Анатил ёге тил болуб тура кёреем!!!
|
|
|
|
Читают тему (гостей: 1)