- Бюгюн дуния кибик, тамбла ахыратды.
- Къозулугъунда тоймагъан, къойлугъунда тоймаз.
- Сибиртки да сыйлы болду, кюрек да кюнлю болду.
- Аш берме да, къаш бер.
- Атынг аманнга чыкъгъандан эсе, джанынг тамагъынгдан чыкъсын.
- Аякъларынгы джууургъанынга кёре узат.
- Бир онгсуз адам адет чыгъарды, деб эштирик тюлсе.
- Узун джолну барсанг, бюгюн келирсе, къысха джолну барсанг, тамбла келирсе.
- Аман хансны – урлугъу кёб.
- Кёзню ачылгъаны – иги, ауузну джабылгъаны – иги.
- Кенгеш болса, уруш болмаз.
- Билмейме деген – бир сёз
- Къралынгы – душмандан, башынгы от бла суудан сакъла.
- Тюзлюк шохлукъну бегитир.
- Баргъанынга кёре болур келгенинг.
- Эртде тургъан бла эртде юйленнген сокъуранмаз.
- Тыш элде солтан болгъандан эсе, кесинги элде олтан болгъан игиди!
- Байны къызы баймакъ болса да, юйде къалмаз!
- Кечеси – аяз, кюню – къыш, джарлы къаргъагъа бир аш тюш!
- Артына баргъанны, къатына барма.
- Айтхан сёзюне табылгъан.
- Хансыз джомакъ болмаз.
- Чакъырылмагъан къонакъ – орунсуз.
- Ач бёрюге мекям джокъ.
- Дженгил джетерикме деб, узун джолну къоюб, къысхасын барма.
- Зар адамны насыбы болмаз.
- Ариу сёз – къылычдан джити.
- Акъыл неден да кючлюдю.
- Чакъырылмагъан къонакъ тёрге атламаз.
- Эр сокъур болсун, къатын тилсиз болсун.
- Къазанны башы ачыкъ болса, итге уят керекди.
- Келлик заман – къартлыкъ келтирир, кетген заман – джашлыкъ ёлтюрюр.
- Биреу къой излей, биреу той излей.
- Хар зат кесини орнуна иги.
- Ишге юренсин къоллары, халкъ бла болсун джоллары.
- Тилде сюек болмаса да, сюек сындырыр.
- Насыб бютеу халкъны юлюшюдю.
- Онгсузну – джакъла, тенгликни – сакъла.
- Хоншуну тауугъу къаз кёрюнюр, келини къыз кёрюнюр.
- Адамны аманы адамны бети бла ойнар.
- Джуртун къоругъан озар.
- Босагъа таш юйге кирмей эди, тыбыр таш эшикге чыкъмай эди.
- Акъыл къартда, джашда тюйюлдю – башдады.
- Дуния малгъа сатылма, кесингден телиге къатылма.
- Эки къатын алгъан – эки ташны ортасына башын салгъан.
- Эрни эр этерик да, къара джер этерик да, тиширыуду.
- Киштикге къанат битсе, чыпчыкъ къалмаз эди.
- Джашынгы кесинг юретмесенг, джашау юретир.
- Джангызны оту джарыкъ джанмаз!
- Ачыкъ джюрекге джол – ачыкъ.
Къарачайны гёджеблери, тулпарлары!
07.12.2010 14:20:59
StudioImran
так что аллай гёджеблерибиз бюгюндеда аз тюйюлдю машаАллах! МашаАллах Сиз таныгъан, билген тулпарла бар эселе джазыгъыз бери Барыбызда билеик! |
|
|
|
11.12.2010 15:52:00
Экинчи бек къарыулу адамгъа Дууутчу Къочхар (тукъумун унутханма) саналады.
Къочхар Абайханладан болгъанды! |
||||
|
|
|||
Читают тему (гостей: 1)