- Намысы болмагъанны, сыйы болмаз.
- Ат басханны джер билед.
- Минг тенг да азды, бир джау да кёбдю.
- Билгенни къолу къарны джандырыр.
- Джарлыны эшигин махтагъан джабар.
- Байлыкъдан саулукъ ашхыды.
- Къулакъдан эсе, кёзге ышан.
- Миллетни бойну – базыкъ, аны бла кюрешген – джазыкъ.
- Алтыда кюлмеген, алтмышда кюлмез.
- Аш берме да, къаш бер.
- Аурууну келиую тынч, кетиую – къыйын.
- Джахил болса анасы, не билликди баласы?
- Тамырсыз терекге таянма – джыгъылырса.
- Уясында не кёрсе, учханында аны этер.
- Татлы тилде – сёз ариу, чемер къолда – иш ариу.
- Бет бетге къараса, бет да джерге къарар.
- Ариу сёз джыланны орнундан чыгъарыр.
- Ариу сёз аурууунгу алыр.
- Ашын ашагъанынгы, башын да сыйла.
- Тенгинг джокъ эсе – изле, бар эсе – сакъла!
- Кюл тюбюндеги от кёрюнмейди.
- Ариу сёз – къылычдан джити.
- Кёбге таш атма.
- Ёлмесенг да, къарт дамы болмазса?
- Юреннген ауруу къалмаз.
- Кютгени беш эчки, сызгъыргъаны уа, джерни джарады.
- Къанны къан бла джуума, аманны аман бла къуума.
- Ашына кёре табагъы, балына кёре къалагъы.
- Ариу сёзде ауруу джокъ.
- Тили узунну, намысы – къысха.
- Тил джюрекге джол ишлейди.
- Дууулдаса – бал чибин, къонса – къара чибин.
- Къарны аманнга къазан такъдырма, къолу аманнга от джакъдырма.
- Къонакъ аз олтурур, кёб сынар.
- Эртде тургъан джылкъычыны эркек аты тай табар.
- Ариу сёз – джаннга азыкъ, аман сёз – башха къазыкъ.
- Къралынгы – душмандан, башынгы от бла суудан сакъла.
- Кесинг сынамагъан затны, адамгъа буюрма.
- Джылыгъа джылан илешир.
- Адам боллукъ, атламындан белгили болур.
- Хар зат кесини орнуна иги.
- Чомарт къолда мал къалмаз.
- Къаллай салам берсенг, аллай джууаб алырса.
- Джашлыкъ этмеген, башлыкъ этмез.
- Хоншуну тауугъу къаз кёрюнюр, келини къыз кёрюнюр.
- Кёб джат да, бек чаб.
- Тёрени джагъы джокъ.
- Чакъырылмагъан джерге барма, чакъырылгъан джерден къалма.
- Къайгъыны сюйген, къайгъы табар.
- Таукел адам тау тешер.
Къарачайны гёджеблери, тулпарлары!
07.12.2010 14:20:59
StudioImran
так что аллай гёджеблерибиз бюгюндеда аз тюйюлдю машаАллах! МашаАллах Сиз таныгъан, билген тулпарла бар эселе джазыгъыз бери Барыбызда билеик! |
|
|
|
11.12.2010 15:52:00
Экинчи бек къарыулу адамгъа Дууутчу Къочхар (тукъумун унутханма) саналады.
Къочхар Абайханладан болгъанды! |
||||
|
|
|||
Читают тему (гостей: 1)