- Аман киши кеси юйюнде – къонакъ.
- Ишлемеген – тишлемез.
- Олтуруб кёрюнмей эди да, ёрге туруб кёрюне эди.
- Адамны аты башхача, акъылы да башхады.
- Келинни – келгинчи, бёркню кийгинчи кёр.
- Джарлы эскисин джамаса, къууаныр.
- Ашхылыкъ джерде джатмайды, аманлыкъ суугъа батмайды.
- Ичимден чыкъды хата, къайры барайым сата?
- Тойгъа алгъа да барма, тойда артха да къалма.
- «Ёгюз, джаргъа джууукъ барма, меннге джюк боллукъса», - дегенди эшек.
- Джолунга кёре – джюрюшюнг, джагъанга кёре – юлюшюнг.
- Ишлерге уял да, ашаргъа табма.
- Гырджын – тепсини тамадасы.
- Къыз келсе, джумуш эте келеди, къатын келсе, ушакъ эте келеди.
- Чомарт къолда мал къалмаз.
- Аман эсирсе, юйюн ояр.
- Чомарт джарлы болмаз.
- Чомарт къонакъ юй иесин сыйлар.
- Эл ауузу – элия.
- Акъдан къара болмаз.
- Ким бла джюрюсенг, аны кёзю бла кёрюнюрсе.
- Рысхы джалгъанды: келген да этер, кетген да этер.
- Къарнынг тойгъунчу аша да, белинг талгъынчы ишле.
- Ат да турмайды бир териде.
- Чыкълы кюнде чыкъмагъан, чыкъса къуру кирмеген.
- Къызны минг тилер, бир алыр.
- Ауругъанны сау билмез, ач къарынны токъ билмез.
- Эринчекни аурууу – кёб.
- Эл тойса, тоймагъан, эл къойса, къоймагъан.
- Бек ашыкъгъан меннге джетсин, дегенди аракъы.
- Кечеси – аяз, кюню – къыш, джарлы къаргъагъа бир аш тюш!
- Байны оноуу, джарлыгъа джарамаз.
- Сабийликде юретмесенг, уллу болса – тюзелмез.
- Билим къая тешер.
- Телини эшигин, махтау джабар.
- Телиге от эт десенг, юйюнге от салыр.
- Сууда джау джокъ, кёб сёзде магъана джокъ.
- Бетинги сатма, малынгы сат.
- Сангырау къулакъ эл бузар.
- Хоншуну тауугъу къаз кёрюнюр, келини къыз кёрюнюр.
- Харам къарнашдан, халал тенг ашхы.
- Таукелге нюр джауар.
- Окъуу – билимни ачхычы, окъуу – дунияны бачхычы.
- Зар адам ашынгы ашар, кесинги сатар.
- Къозулугъунда тоймагъан, къойлугъунда тоймаз.
- Тыш элде солтан болгъандан эсе, кесинги элде олтан болгъан игиди!
- Хата – гитчеден.
- Чомартны къолу берекет.
- Ауузу аманнга «иги», деме.
- Къыйынлы джети элни къайгъысын этер.
Къарачайны гёджеблери, тулпарлары!
07.12.2010 14:20:59
StudioImran
так что аллай гёджеблерибиз бюгюндеда аз тюйюлдю машаАллах! МашаАллах Сиз таныгъан, билген тулпарла бар эселе джазыгъыз бери Барыбызда билеик! |
|
|
|
11.12.2010 15:52:00
Экинчи бек къарыулу адамгъа Дууутчу Къочхар (тукъумун унутханма) саналады.
Къочхар Абайханладан болгъанды! |
||||
|
|
|||
Читают тему (гостей: 1)