Войти на сайт
18 Ноября  2018 года

 

  • Адамны аманы адамны бети бла ойнар.
  • Хоншуну тауугъу къаз кёрюнюр, келини къыз кёрюнюр.
  • Къарнынг ауруса, ауузунгу тый
  • Биреу къой излей, биреу той излей.
  • Къаллай салам берсенг, аллай джууаб алырса.
  • Ётюрюкню башын керти кесер.
  • Бетинги сатма, малынгы сат.
  • Ауругъан – джашаудан умутчу.
  • Итли къонакъ джарашмаз.
  • Билим – акъылны чырагъы.
  • Адеби болмагъан къыз – тузсуз хант.
  • Ишлерге уял да, ашаргъа табма.
  • Игилик игилик бла сингдирилиучю затды.
  • Дуния мал дунияда къалады.
  • Уясында не кёрсе, учханында аны этер.
  • Телиге акъыл салгъандан эсе, ёлгеннге джан салырса.
  • Къонагъынгы артмагъын алма да, алгъышын ал.
  • Айранын берсенг, челегин да къызгъанма.
  • Адам къыйынлыгъын кёлтюрюр, зауукълугъун кёлтюрмез.
  • Ётюрюкню къуйругъу – бир тутум.
  • Айраннга суу къош, телиге джол бош.
  • Сууда джау джокъ, кёб сёзде магъана джокъ.
  • Джыланны къуйругъундан басарынг келсе, аны башы болгъанын унутма.
  • Акъылсызны джууукъгъа алма, акъыллыны кенгнге салма.
  • Джогъун бар этген, барын бал этген.
  • Ёксюзню тилеги къабыл болур.
  • Бозаны арты дауур болур.
  • Эм ашхы къайын ана мамукъ бла башынгы тешер.
  • Джуртун къоругъан озар.
  • Биреуню къыйынлыгъы бла кесинге джол ишлеме.
  • Аманны эки битли тону болур, бирин сеннге кийдирир, бирин кеси киер.
  • Башынга джетмегенни сорма.
  • Берекет берсин деген джерде, берекет болур.
  • Чоюнну башы ачыкъ болса, итге уят керекди.
  • Ашыкъгъан cуу, тенгизге джетмез.
  • Эки къатын алгъанны къулагъы тынгнгаймаз.
  • Тёрде – темир таякълы, къаяда – чыпчыкъ аякълы.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Сютню башын джалагъан къутулур, тюбюн ичген тутулур.
  • Ана къолу ачытмаз.
  • Билген билмегенни юретген адетди.
  • Къонакъ болсанг, ийнакъ бол.
  • Намысы джокъну – дуниясы джокъ.
  • Билмезни кёзю кёрмез, этмезни къулагъы эшитмез.
  • Бал ашаргъа сюе эсенг, чибин ургъаннга тёз.
  • Уллу сёзде уят джокъ.
  • Аш хазыр болса, иш харам болур.
  • Ата джурт – алтын бешик.
  • Иги адам абынса да, джангылмаз.
  • Тилчи бир сагъатха айлыкъ хата этер.

 

Страницы: 1
RSS
ПЕРЕП-Сь ---(АНА ТИЛДЕ !!! )---ге кёб къалмады!
 
бу джумушха кърал бек уллу джойулады ! (халкъны капегида ....)............................................. .................................................
НЕ ДЖАЗАРЫКЪСА?

1-МИЛЛЕТИНГ- - - ?
2-СЁЛШГЕН ТИЛИНГ- - -?
 
ДЖАУМДА АННГЫСЫЗ-ТИЛСИЗ БОЛСУН !
 
къарачайлы,
къарачай тил
 
http://new.09biz.ru/2010/09/24/obrashhenie-delegat ov-konferencii.html

Кёб турмай адам санау (перепись) башланныкъды. Къарачайлыланы санын аз этиб кёргюзе келгендиле. Бу ишге миллетибиз эс бурмаса, энтда боллугъу алайды. Сакъ болмасакъ, къалгъан халкъланы санлары "ёсюб", бизники уа тургъаныча кёргюзтюлюб къаллыкъды. Башында миллет организацияла джазгъанларын окъугъан - кимни не иннети болгъанын ангыларыкъды.
 
http://new.09biz.ru/2010/09/24/obrashhenie-delegat ov-konferencii.html

Кёб турмай адам санау (перепись) башланныкъды. Къарачайлыланы санын аз этиб кёргюзе келгендиле.

Бу ишге миллетибиз эс бурмаса, энтда боллугъу алайды. Сакъ болмасакъ, къалгъан халкъланы санлары "ёсюб", бизники уа тургъаныча кёргюзтюлюб къаллыкъды.

Башында миллет организацияла не джазгъанларын окъугъан - кимни не иннети болгъанын ангыларыкъды.
Страницы: 1
Читают тему (гостей: 1)

 

Написать нам