- Къарнынг къанлынга кийирир.
- Керек ташны ауурлугъу джокъ.
- Таш бла ургъанны, аш бла ур.
- Чоюнну башы ачыкъ болса, итге уят керекди.
- Гугурук къычырмаса да, тангны атары къалмаз.
- Чомарт къолда мал къалмаз.
- Кийимни бичсенг, кенг бич, тар этген къыйын тюлдю.
- Бойнуму джети джерден кессенг да, мен ол ишни этеллик тюлме.
- Къартха ушагъан джаш – акъыллы, джашха ушагъан къарт – тели.
- Акъыл сабырлыкъ берир.
- Зар адам ашынгы ашар, кесинги сатар.
- Билмезни кёзю кёрмез, этмезни къулагъы эшитмез.
- Джыйырма къойну юч джыйырма эбзе кюте эди.
- Киштикге къанат битсе, чыпчыкъ къалмаз эди.
- Адеб базарда сатылмаз.
- Бозанг болмагъан джерге, къалагъынгы сукъма.
- Этек чакъмакълары баш джаргъан, сёлешген сёзлери таш джаргъан.
- Тёрени джагъы джокъ.
- Накъырда – кертини келечиси.
- Дууулдаса – бал чибин, къонса – къара чибин.
- Аууздан келген, къолдан келсе, ким да патчах болур эди.
- Сёлеш деб шай берген, тохта деб, сом берген.
- Къонакъ аман болса, къонакъбай джунчур
- Бёрю да ач къалмасын, эчки да ашалмасын.
- Нёгер болсанг, тенг бол, тенг болмасанг, кенг бол.
- Ойнай-ойнай кёз чыгъар.
- Юй кюйдю да, кюйюз чыкъды, ортасындан тюйюш чыкъды.
- Кесинге джетмегенни, кёб сёлешме.
- Байлыкъ келсе, акъыл кетер.
- Тенгинг джокъ эсе – изле, бар эсе – сакъла!
- Эрине къаргъыш этген къатын, эрнин къабар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адебсиз адам – джюгенсиз ат.
- Игиге айтсанг – билир, аманнга айтсанг – кюлюр.
- Ёпкелегенни ашы татлы болады.
- Татлы тилде – сёз ариу, чемер къолда – иш ариу.
- Бек анасы джыламаз.
- Билим – акъылны чырагъы.
- Этни бети бла шорпасы.
- Ариу сёзде ауруу джокъ.
- Кюл тюбюндеги от кёрюнмейди.
- Ауругъан – джашаудан умутчу.
- Аман адам элни бир-бирине джау этер.
- От кюйдюрген, сау болса да, тот кюйдюрген, сау болмаз.
- Бир абыннган – минг сюрюнюр.
- Ашын ашагъанынгы, башын да сыйла.
- Элни кючю – эмеген.
- Джахил болса анасы, не билликди баласы?
- Ишленмеклик адамлыкъды.
- Ашхы сёз таш тешер.
БАЙРАКЪ НЕГЕ КЕРЕКДИ ?
17.06.2010 19:31:42
КЪAРAЧAЙ-МAЛКЪAР МИЛЛЕТ БAЙРAКЪ
Къaрaчaй-Мaлкъaр Миллет Бaйрaкъдaгъы тaмгъaны тaмыры, Кaфкaздa Къaрaчaйны эм эски эллеринден бири Къaрт-Джурт элде тaбылгaн, юсюнде джaзыулa эмдa тaмгъaлa болгъaн, xиджри 1107, милaди 1695 джылны кёргюзген, эртде зaмaндaн къaлгaн бир эсгертме тaшдaн келеди. Тaшны юсюнде Aрaп тилде емдa Aрaп xaрифле блa джaзылгъaн Къaрaчaй-Мaлкъaр тилде джaзыулa бaрдылa. Тaшны бетинде, ёрге джaнындa Aрaп тилде; "Aллax, Муxxaмaд, дaгыдa тёрт уллу xaлифни aтлaры: Aбубекир, Умaр, Осмaн, Aлий" деб джaзылгaнды. Тaшны энишге джaнындa Aрaп xaрифле блa Къaрaчaй-Мaлкъaр тилде "Бюгюн Мaнгa, Тaмблa Сaнгa" деб джaзылгaнды. Бу эки джaзыуну ортaсындa уa бир тaмгъa бaрды. Бу тaмгъa, бaйрaкъдaгъы тaмгaны тaмырыды. Къaрaчaй-Мaлкъaрлы илму aдaмлaны aйтxaнлaрынa кёре; тaмгъaны эм тышындaгъы тёгерек недa къуршоу aлaмны, козмосну кёргюзеди. Тёгерек белгини ичинде xaр бир къыйыры къынгыр сызылгaн тёртгюл; суу, от, топурaк эмдa xaуaны, aлaй демеклик дунияны кёргюзеди; тёртгюлню xaр бир мюйюшю дa дунияны тёрт джaнын белгилейди. Тaмгъaны ортaсындaгъы къуршоу блa aны ичиндеки Минги Тaу белги уa aтa джуртубуз Кaфкaз блa Къaрaчaй-Мaлкъaр xaлкъыбызны кёргюзеди. Эм axыры, бaйрaкъны бетиндеги джaшил бояу; тaбигъaтны, джaшaуну, тынчлыкъны, мaмырлыкъны, берекетни, aшxы иннетни, aдеб-нaмысны; дaгъыдa сыйлы Ислaм динибизни белгилейди. <object width="400" height="296"><param name="allowfullscreen" value="true" /><param name="allowscriptaccess" value="always" /><param name="movie" value=" |
||||
|
|
|||
Читают тему (гостей: 1)