- Джауумдан сора, кюн кюйдюрюр, ётюрюкден сора, айыб кюйдюрюр.
- Джарлыны тону джаз битер.
- Керек ташны ауурлугъу джокъ.
- Аманны эки битли тону болур, бирин сеннге кийдирир, бирин кеси киер.
- Билимли ёлмез, билимсиз кёрмез.
- Урунуу – насыбны анасы.
- Келинни – келгинчи, бёркню кийгинчи кёр.
- Туз, гырджын аша, тюзлюк бла джаша.
- Игиге айтсанг – билир, аманнга айтсанг – кюлюр.
- Къууут – джелге, берне – бошха.
- Огъурлуну сёзю – суу, огъурсузну сёзю – уу.
- Халкъны юйю – туугъан джери.
- Хазыр ашха – терен къашыкъ.
- Эл элде бирер малынг болгъандан эсе, бирер тенгинг болсун.
- Ат да турмайды бир териде.
- Къонакъ аз олтурур, кёб сынар.
- Къарнынг къанлынга кийирир.
- Болджал ишни бёрю ашар.
- Мухардан ач ычхынмаз.
- Ата джурт – алтын бешик.
- Къыз чыгъаргъан – къызыл къымжа.
- Билмезни кёзю кёрмез, этмезни къулагъы эшитмез.
- Тилчи тилден къаныкъмаз.
- Окъуусуз билим – джокъ, билимсиз кюнюнг – джокъ.
- Кёбню кёрген – кёб билир.
- Билимсиз иш бармаз.
- Зар адамны насыбы болмаз.
- Чалманны аллы къалай башланса, арты да алай барады.
- Татлы тилде – сёз ариу, чемер къолда – иш ариу.
- Адамны бетине къарама, адетине къара.
- Алма терегинден кери кетмез.
- Аджашханны ызындагъы кёреди, джангылгъанны джанындагъы биледи.
- Сабыр джетер муратха, сабырсыз къалыр уятха.
- Садакъачыны джаны – къапчыгъында.
- Арыгъан къош чамчы болур.
- Айтылгъан сёз ызына къайтмаз.
- Ашда уялгъан – мухар, ишде уялгъан – хомух.
- Акъыллы айтыр эди, акъылсыз къоймайды.
- Джашны джигитлиги сорулур, къызны джигерлиги сорулур.
- Эл тойса, тоймагъан, эл къойса, къоймагъан.
- Къартны бурнун сюрт да, оноугъа тут.
- Уруну арты – къуру.
- Къозулугъунда тоймагъан, къойлугъунда тоймаз.
- Окъугъанны бети джарыкъ.
- Ариу сёз – къылычдан джити.
- Нарт сёз – тилни бети.
- Сууда джау джокъ, кёб сёзде магъана джокъ.
- Къошда джокъгъа – юлюш джокъ.
- Къарын къуру болса, джюрек уру болур.
- Керилген да, ургъан кибикди.
"Бусагъатдагъы къарачай-малкъар тилни проблемалары"
24.04.2010 15:15:21
Ана тилибизни юсюнден ушакъны андан ары бардырайыкъ...
Илму жаны бла къарасакъ, къарачай-малкъар тилде кёп тюрлю темала тинтилгендиле. Бирси тюрк миллетледен артха къалабыз дерча да тюйюлдю. Алай орус тил бла тенглешдиргенде, алыкъа иш кёпдю. Алай аны бла чекленип къалмай, сёлешиу тилибизни да тазалай сакъларгъа керекбиз. Жарсыугъа, бюгюнлюкде сабийлени бир къаууму ана тиллерин билмейдиле, сёлеширге ылыкъгъанла да бардыла ... Проблемала кёпдюле, форумубузда да ол соруугъа уллу эс бурулурун сюйгенле уа, насыпха, андан да кёпдюле. Тюрлю-тюрлю темаланы къозгъагъанлай турадыла, бир къауум магъаналы соруулагъа эс бёлюннгенди: КАК НАМ СОХРАНИТЬ РОДНОЙ ЯЗЫК? УНУТУЛА БАРГЪАН СЁЗЛЕРИБИЗ Ана тилде ушакъ: Къарачай-Малкъар тил бла литератураны бюгюнгю болуму Нужно ли писать и читать на карачаево-балкарском языке? Смерть языков. Стоит ли учить и сохранять карачаево-балкарский? Спасти национальные языки! Бир къауум иги ишни санайым... Форумубузда жангы " Ана тилибизде" бёлюм ачылгъанды Аллах разы болсун, бу Раздел Википедии на карачаево-балкарском языке деген бёлюмге къолларындан келгенча болушханлагъа, бу ишни башлагъанлагъа! Жангы оюмла: Пипл ЭльбрусВОРД - составим вместе! Дагъы да бир аламат темачыкъ... ИГРА ИГРА ИГРА Для тех кто владеет родным языком... со словарем и без |
|
|
|
24.04.2010 15:33:51
erkin
Эльбрусоид # Дата: 19 Мар 2010 06:29 мираж Сабийлени бег иги куандыргансыз. Етген ишлеригизни кёрюб алгышлайма барыгызныда . Бу заманда миллетибизге ем керекли иш ана тилин билип, ана тилинде сёлешмекликди. Аны ючюнге 19 Мартта етеригигиз Форумга адамланы чакыра туруб "Етген ишинги кой да кел!" -деб айтсагыз да боллук еди. Алайга келлик илму иш бла кюрешген юстазлага ем да келген халкга, Тюркийадан салам береме. ... Унескону репортларына караб, мен кёзюмю коркутмайма. Нек десенг, Тюрк Тилни Тамыры бег теренди, тамыры теренге барган бу терекге, бир уллу от тюшмегенден сонра аны джашаууу аллына баррыкды. Бизни ана тилибиз ол терекни бир бутагыды, бутагын кой есенг ёзеги огунады. Нег дегенге: Дюнийада билингген ем есги маданийат Сюмер Маданийатыды (джиуилизатион). Мундан 5500 джыл алга Сюмерлиле : ешикге - ешик жауга - жау/джау егечге - егеч ерге - ер кызга - кыз кушха - куш уатха - уат жарыкга - жарык/джарык жазга - жаз/джаз жюнге - жюн/джюн жолга - жол/джол жырга - жыр/джыр жарымга - жарым/джарым Чолпанга - Чолпан чибингге - чибин кадауга - кадау канга - кан сангга - сан бузга - буз юзер ючюн - юз (джыджымны юз) сюзерге - сюз (сютню сюз) сенге да -сен -деб айтхалары бизге ес джыйдырырчады. Бу сёзлеча 168 сёз бугюн да джюрютюледи. Дюнийа кюнгге бурулуб айланганыча, Аллах айтса бу сёзле да бизни аузубузда кыйаматха дери джашар, ахыр дюнйабызда да, ол бизни ерттегили сыйлы - ата-аналарыбызга Джаннетде тюбер, ала бла да, ана тилде сёлеширбиз. Аллах'ны джаратмаклыгы юсюнден айтуу, ем да, УНУХ Туфан'ны юсюнден айтуу биринчи болуб Сюмерлиледен чыкганды. Туфанны юсюнден биринчи Сюмерлиле айта есе, сора, Аллах'ны сууга кёмюб ёлтюрмей джашатганы кауум бла Сюмерлилени бир байламлыгы болурга керек еди. Сюмерлиле бла да бизни Тил байламлыгыбыз, ёргеде берилген юлгюледен бег таб анггылашылады. 5500 джылдан бери бу байламлык, ендиге дери нег тас болмай калганды!? - Тамыры терен болганы ючюн. Сюмерлилени таурухларын (Туфан) биз бугюн Хз.Муссаны колу бла Теураттан, Хз.Иссаны колу бла Инджилден, Хз.Мухамматны колу бла да Кур-ан'дан (УНУХ Туфаны) окуй келиб, Сюмерлилени бу таурухун, таурухдан озуб керти болганын англайбыз. Менгге кёре Сюмерлиле джашауларыны ал сюреминде Аллах'ны бирлигин билген кауум еди. Джюзле бла мингле бла джыл ётюб барганда, шайтан да шайтанлыгын ете келиб, тинлерин бузганды, миллетликлерин да заман бла тюрлендиргенди. Аны ючюн Чууут (Йахудилик) Дин, ызы бла Хыристийан Дин, аны да бузганларында, ахырсы бла Муслиман Дин келгенди. Барыда Аллахны катында Ислам Дингге саналады. Сорууум (тилегим): Тил бла кюрешген илмучу билим адамларыбыз, Тилибизни Тарихи юсюнден ортак бир билдириюу етерле ми? 5500 джыл алга Сюмерледен башлаб, кюнюбюзден 1000 джыл алга Кашгарлы Махмут'ну, араб харфле бла джазыб, атына "Диуан-ы Люгат-ит Тюрк" деб атаганы, Тюркче Сёзлюкден да юлгюле келтириб. ... Кашгарлы Махмут (1008-1105) ат сыртында\ тюрк кауумлу миллетлени айланыб, Тюрк Ауузлары (Аксентлери) Сёзлюгюн джазганды. 1000 джыл алга айтылган бир талай сёз бугюн бизни тилибизге ушаб турады. Джангыз бу сёзлюк иги тинтилиб бошамаганды. Тил билимчиле бир-бир сёзлени маганаларын, не билалмагандан, не да излеб табалмагандан, алай болса былай боллукду, былай болса алай боллукду деб ойумла келтиредиле. Сёзлюкге карай келеме бир сёзню, алимни бири, енг алга "териш-ти" деб окуганды, андан сонрагы алим есе аны терс болганын, ол сёзню "тепрешди" деб окурга керек болганын айтыб, ол да "тепрешди" деб басмалаганды (Бесим Аталай, 1943). Текноложиден хайырланыб, быллай сёзлени маганаларын тюз орнуна тохтатыр ючюн, сёзлюк интернетге салынганды, билген адамланы ойумун алырга излейбиз деб да айтхандыла. Сёз ючюн: "Тамга" (tamga) деб кирсек ма былайы чыгады: http://www.tdkterim.gov.tr/dlt/sozluk/?kelime=tamg a&kategori=dltbul&hng=ltn&ayn=bas ... Былайга уа "книга" (kinga) деб кирсегиз, Тюрк Тилли миллетлени ол сёзню каллай тюрлендириб айтханлары бериледи. Карачай-Малкар Тил, бир тил болганын дюнийага билдирсек, аны бла да бу сайтда кеси орнун алса нечик иги болур еди. http://www.tdk.org.tr/lehceler/Default.aspx (ТЮРК ЛЕХЧЕЛЕРИ СЁЗЛЮĞЮ - Тюрк Аузланы Сёзлюгю) ... ТЮРК ТИЛИ: ДЮНИЙА ТИЛИ - джазуудан бир еки джер бериб бошайма: Проф. Др. Шюкрю Халûк Акалын Тюрк Дил Куруму Башканы (Тюрк Тил Офис'ни Таматадасы) Уллу Атлас Тенгизден, Кытайны ичлерине дери 220 милйон Тюрк Тилли Адам: 1-бир 2-ики 3-юч 4-дёрт/тёрт 5-беш 6-алты 7-йеди/йедди/джети 8-секиз/сегиз 9-докуз/токуз 10-он -деб санайды. Дюнийада ем кёб сёлешилген тиллени тизиминде Тюрк Тил 5.нчи орунну алады: 1-Чиндже 1.300.000.000 Сегиз аузлары бла бирге 2-Ингилиздже 427.000.000 3-Испанйолджа 266.000.000 4-Хинт Тили (Индиан) 260.000.000 Битеу аузлары ем Урду Тил бла бирге 5-Тюрк Тили 220.000.000 Битеу аузлары бла бирге 6-Арапча 181.000.000 Битеу аузлары бла бирге 7-Портекиздже 165.000.000 8-Бенгалдже 162.000.000 9-Русча 158.000.000 10-Жапонджа 124.000.000 11-Алманджа 121.000.000 12-Франсызджа 116.000.000 http://www.tdk.org.tr/TR/dosyalar/Turk%20Dili%20Du nya%20Dili.pdf |
|
|
|
Читают тему (гостей: 1)