- Бюгюн дуния кибик, тамбла ахыратды.
- Ёгюзню мюйюзюнден тутадыла, адамны сёзюнден тутадыла.
- Юйлю уругъа ит чабмаз.
- Эл ауузу – элек, анга ийнаннган – халек.
- Нёгерсизни джолу узун.
- Ауругъаннга – кийик саулукъ, джетген къызгъа – чилле джаулукъ.
- Къайтырыкъ эшигинги, къаты уруб чыкъма.
- Уллу атлама – абынырса, уллу къабма – къарылырса.
- Тил джюрекге джол ишлейди.
- Тамчы таш тешер.
- Кюл тюбюндеги от кёрюнмейди.
- Аманны тукъумуна къарама, игини тукъумун сорма.
- Къазанда болса, чолпугъа чыгъар.
- Къарнынг къанлынга кийирир.
- Джаз бир кюнню джатсанг, къыш талай кюнню абынырса.
- Акъыл къартда, джашда тюйюлдю – башдады.
- Джигер – джаннга къыйынлыкъ.
- Джаханимни кёрмей, джандетге кёл салмазса.
- Аманнга игилик этсенг, юйюнге сау бармазса.
- Арбаз сайлама да, хоншу сайла.
- Кёрмегеннге кебек – танг, битмегеннге сакъал – танг.
- Уллу сёлешме да, уллу къаб.
- Къолу уллу – асыу, аягъы уллу – джарсыу.
- Окъ къызбайны джокълайды.
- Къыз келсе, джумуш эте келеди, къатын келсе, ушакъ эте келеди.
- Эр абынмай, эл танымаз.
- Мадар болса, къадар болур.
- Ёмюрлюк шохлукъну джел элтмез.
- Шайтан алдады, тюзлюк къаргъады.
- Джарлы тюеге минсе да, ит къабар.
- Ариу – кёзге, акъыл – джюрекге.
- Айран тёгюлсе, джугъусу къалыр.
- Чоюнну башы ачыкъ болса, итге уят керекди.
- Эл тойса, тоймагъан, эл къойса, къоймагъан.
- Окъугъан озар, окъумагъан тозар.
- Урунуу – насыбны анасы.
- Кёбден умут этиб, аздан къуру къалма.
- Ётюрюкню къуйругъу – бир тутум.
- Аманнга алтын чыдамаз.
- Эшекге миннген – биринчи айыб, андан джыгъылгъан – экинчи айыб.
- Азыгъы аз, алгъа къабар, аты аман, алгъа чабар.
- Эшекни не къадар тюйсенг да, ат болмаз.
- Чёбню кёлтюрсенг, тюбюнден сёз чыгъар.
- Ат басханны джер билед.
- Къууут – джелге, берне – бошха.
- Чомартны къолун джокълукъ байлар.
- Аякъларынгы джууургъанынга кёре узат.
- Къралынгы – душмандан, башынгы от бла суудан сакъла.
- Кёпюр салгъан кеси ётер, уру къазгъан кеси кетер.
- Ат да турмайды бир териде.
ТЫШЫНДА АХЛУЛАРЫБЫЗ
|
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
|
|
|
|
|
Читают тему (гостей: 1)