Войти на сайт
19 Октября  2018 года

 

  • Ата Джуртун танымагъан, атасын да танымаз.
  • Сабийликде юретмесенг, уллу болса – тюзелмез.
  • Бозаны арты дауур болур.
  • Аджал соруб келмез, келсе, къайтыб кетмез.
  • Джыгъылгъанны сырты джерден тоймаз.
  • Тин – байлыгъынг, терен саулугъунг.
  • Ашын ашагъанынгы, башын да сыйла.
  • Аш иеси бла татлыды.
  • Келинни – келгинчи, бёркню кийгинчи кёр.
  • Къарт бла баш аша, джаш бла аякъ аша.
  • Эшекни не къадар тюйсенг да, ат болмаз.
  • Юйюнгден чыкъдынг – кюнюнгден чыкъдынг.
  • Уясында не кёрсе, учханында аны этер.
  • Адеб базарда сатылмаз.
  • Адам сёзюнден белгили.
  • Кийим тукъум сордурур.
  • Эллинг бла джау болсанг да, юйюнг бла джау болма.
  • Ауурну тюбю бла, дженгилни башы бла джюрюген.
  • Кийимни бир кюнню аясанг, минг кюннге джарар.
  • Джыйырма къойну юч джыйырма эбзе кюте эди.
  • Джаханимни кёрмей, джандетге кёл салмазса.
  • Таш бла ургъанны, аш бла ур.
  • Кютгени беш эчки, сызгъыргъаны уа, джерни джарады.
  • Насыблы элин сюер, насыбсыз кесин сюер.
  • Атлыны кёрсе, джаяуну буту талыр.
  • Терслик кетер, тюзлюк джетер.
  • Бюгюн дуния кибик, тамбла ахыратды.
  • Ашхы – джыяр, аман – джояр.
  • Кюн – узун, ёмюр – къысха.
  • Уллу суу бла уллу ауруудан башынгы сакъла.
  • Джашда акъыл джокъ, къартда къарыу джокъ.
  • Чомартха Тейри да борчлуду.
  • Кёлю джокъну – джолу джокъ.
  • Сескекли кесин билдирир.
  • Эл бла кёргенинг эрелей.
  • Татлы сёз – балдан татлы.
  • Аууз сакълагъан – джан сакълар.
  • Мухарны эси – ашарыкъда.
  • Иги болса, тамадама – махтау, аман болса, меннге – айыб.
  • Бал – татлы, балдан да бала – татлы.
  • Иги адам абынса да, джангылмаз.
  • Къартха ушагъан джаш – акъыллы, джашха ушагъан къарт – тели.
  • Къатын байлыкъны сюер, эр саулукъну сюер.
  • Адеб джокъда, намыс джокъ.
  • Сагъышы джокъ – джукъучу, акъылы джокъ – къаугъачы.
  • Биреуню къыйынлыгъы бла кесинге джол ишлеме.
  • Адамны адамлыгъы къыйынлыкъда айгъакъланады.
  • Адамны аты башхача, акъылы да башхады.
  • Джаш болсун, къыз болсун, акъылы, саны тюз болсун.
  • Къарт болгъан джерде, берекет болур, сабий болгъан джерде, оюн болур.

 

Страницы: 1
RSS
ТЫШЫНДА АХЛУЛАРЫБЫЗ
 
ТЫШЫНДА АХЛУЛАРЫБЫЗ

Тыш къраллада джашагъан къарачай-малкъарлыланы юсюнден не тюрлю джангылыкъла, хапарла да бир джерге джыйыла барсала таб болур эди деб ачама бу теманы.

Бусагъатда Къыргъызстанда бола тургъан къатышыуланы кёресиз. Анда джашагъан халкъыбыздан хапары болгъан бар эсе, джазыгъыз.
 
Ассалам Уалейкум.Андагъыладан хапарлы тюлме.Алай болса да ала бары да бери кечюб, республиканы ара шахарыны тюз да къатында бир джангы эл къурасала бек ашхы иш боллукъ эди.Аланы джамагъат къуралышларыны башчылары да ол затха огъай боллукъ болмаз эдиле
 
Талай джыл бундан алгъа Къыргъызданда болгъан диаспорабызны ,fixskfhs? Кавказгъа къайтыр муратларын айтхан эдиле. Къайтарча болушлукъну КЧР ни президентинден тилеген да этгнелери болгъанды (ол заманда, энтда Батды-улу болур эдими...) Кеисигиз англагъанча, миллет къуллукъчула анга эс бёлмеген эдиле. Амма бир гитче эскертиу: алагъа ФЗ "О соотечественниках..." кёре къысхасы бла гражданствону алыргъа боллукъдула!
 
Къыргъызда къарачайлыла делегацияла болуб келиб, КЧР-ни башчыларына - Хубий улудан башлаб, бюгюннгю президентге дери - барына тюбегенлей тургъандыла. Биринден да хайыр чыкъмагъанды. Эбзе улу не этерин кёрейик.

Къыргъызда къарачайлыла мал бла кюрешген адамладыла. Мында алагъа Хасаутча бир элни джарашдырыб берселе - джашаб къаллыкъ эдиле. Мен кесим кёчерге излеген 350 юйдегини списогун Черкесскде Акъ Юйге табдыргъан эдим. Ол ишге къараргъа Алий улугъа (атын унутханма) буюрулгъан эди. Аны джууабы: "Мында аланы биз иш бла баджараллыкъ тюлбюз. Россия уллуду - иш къалайда таба эселе, ары барсынла".

Ала джуртларына къайытыргъа излейдиле, бизни тамадала уа джан аурутмайдыла. Адыгеяда Косоводан черкеслени тракторланырна дери келтириб, юй, джер да бериб, джарашдыргъан эдиле. Бизде уа, иш алай тюлдю.

Башчы башчы болмаса, халкъны джашауу тюзелмейди.
 
Sabr
Да, багъалы Билал, сора сен менден да иги билесе бу чотну...
Буну юсюнден бир зат айтаргъа энтда керекди: бюгюн, къуру официальный данныйлеге кёре, Гитче Къарачай районда 2000 узбекли джашайдыла. Мени танышларымы, кичи къарншалары бла, сёз, ючюн хар бирини классында далай узбекчик барды... Ала келиб бек кёбню ишсиз къойгъандыла... Халкъ айтханга кёре, аланы сыртларын джабгъан - къызыл джагъаладыла.
Энди кесинг кёресе. къалайды чот сора, Гитче Къарачайгъа 2000 узбекни келтиррирге иш да, не да барды. кесибизни миллетибизни бери кёчюрюрге уа - амалсыз болуб къалайдыла...

Башчы башчы болмаса, халкъны джашауу тюзелмейди.

Алай ды; бизни башчыларыбызны 20 джылыны ичинде миллетге керти этильген игиликни бир китаб бетге саулай джазаргъа боллукъ болурду...
 
SabrКъыргъызда къарачайлыла мал бла кюрешген адамладыла. Мында алагъа Хасаутча бир элни джарашдырыб берселе - джашаб къаллыкъ эдиле
Ай медет, алай болса уа азмы эди джашар джерле -Схауат, Къызыл Къарачай, андан да бек керек Лаба,алайын бегитмесек къолубуздан кетгенчады((((
 
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
 
Алай джерибиз тургъаныча турур Аллах айтса.Не болса да бу хоншуларыбызгъа ачыугъа тюз ара шахарны къатында ол 350 юйдеги джарагъан эл къурасала ма ол заманда бек залим иш боллукъ эди. Бу ишни тамадала баджараллыкъ тюлдюле.Джамагъат къуралышла да къошулмасала.Быйыл да кеб болмай аладан келечиле келиб Тере организацияны къуллукъчулары бла тюбешиб кетгендиле.Не оноу этгенлерин билмейме.Тюз оноу этген болурла Инш Аллах.
Страницы: 1
Читают тему (гостей: 1)

 

Написать нам