Войти на сайт
29 Марта  2024 года

 

  • Узун джолну барсанг, бюгюн келирсе, къысха джолну барсанг, тамбла келирсе.
  • Къая джолда джортма, ачыкъ сёзден къоркъма.
  • Эски джаугъа ышанма.
  • Ариу сёзде ауруу джокъ.
  • Чакъырылмагъан къонакъ тёрге атламаз.
  • Мухардан ач ычхынмаз.
  • Джыйырма къойну юч джыйырма эбзе кюте эди.
  • Ишни ахырын ойламай, аллын башлама.
  • Айран ичген – къутулду, джугъусун джалагъан – тутулду.
  • Чакъырылмагъан къонакъ – орунсуз.
  • Келгинчи, къонакъ уялыр, келгенден сора, къонакъбай уялыр.
  • Дуния малгъа сатылма, кесингден телиге къатылма.
  • Джаралыны джастыгъында сау ёлюр.
  • Ат да турмайды бир териде.
  • Сютню башын джалагъан къутулур, тюбюн ичген тутулур.
  • Тилчи бир сагъатха айлыкъ хата этер.
  • Ёлюк кебинсиз къалмаз.
  • Сабий болмагъан джерде, мёлек болмаз.
  • Чыкълы кюнде чыкъмагъан, чыкъса къуру кирмеген.
  • Эки элинги тыйсанг, джети элде махталырса.
  • Ишлерге уял да, ашаргъа табма.
  • Акъыллы – эл иеси, тели – эл баласы.
  • Айырылгъанланы айю ашар, бёлюннгенлени бёрю ашар.
  • Баланы адам этген анады.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Игини сыйлагъан адетди.
  • Адам къаллай бир ишленмесе, аллай бир кесин уллу кёреди.
  • Кесинг сынамагъан затны, адамгъа буюрма.
  • Ачыкъ джюрекге джол – ачыкъ.
  • Адеб базарда сатылмаз.
  • Хансыз джомакъ болмаз.
  • Къарын къуру болса, джюрек уру болур.
  • Ёгюзню мюйюзлери ауурлукъ этмейдиле.
  • Айранны сюйген, ийнек тутар.
  • Сыфатында болмагъаны, суратында болмаз.
  • Эркишини аманы тиширыуну джылатыр.
  • Ауругъан – джашаудан умутчу.
  • Айтханы чапыракъдан ётмеген.
  • Эте билген, этген этеди, эте билмеген, юретген этеди!
  • Тиширыусуз юй – отсуз от джагъа.
  • Намыс сатылыб алынмайды.
  • Бир онгсуз адам адет чыгъарды, деб эштирик тюлсе.
  • Эли джокъну – кёлю джокъ.
  • Кёрмегеннге кебек – танг, битмегеннге сакъал – танг.
  • Эртде тургъан бла эртде юйленнген сокъуранмаз.
  • Къайтырыкъ эшигинги, къаты уруб чыкъма.
  • Къонакъ кёб келюучю юйню, къазаны отдан тюшмез.
  • Ичимден чыкъды хата, къайры барайым сата?
  • Мал ёлсе, сюек къалыр, адам ёлсе, иши къалыр.
  • Бюгюн дуния кибик, тамбла ахыратды.

 

Страницы: 1 2 След.
RSS
[ Закрыто ] БИР БЕК КЕРЕКДИ !!! Мадары болгъан бир болушугъуз )))))!!!Мен да джарарма бир кюн бир...
 
Частушкала,четверостишияла-тёрттизгинле и ЧАМ ДЖЫРЛА ТОЛЬКО на КАРАЧАЕВО-БАЛКАРСКОМ языке
Бир бек керекди
 
Келиз къызла суугъа барайкъ, мен къара суудан аллыкъма...
къозу къуйрукъчукъ татлы болады, мен къойчу джашха барлыкъма...
 
Qarcha

Бек аламат!Сау болугъуз!!!
Энтда билгенигиз бар эсе, бир джазыгъыз ))
 
У у у у, чуу ала,
эки чычxан суу ала
Амма боза бишире
Аппа отун тюшюре
 
..
 
частушкала
 
Бирден Билеу

Бирден билеу
Экиден эгеу,
Ючден ючгюл,
Тюртден тёнгек,
Бешден бешик,
Алтыдан ашыкъ,
Джетиден къашыкъ,
Сегизден сенек,
Тогъуздан токъмакъ,
Ондан оймакъ,
Буздан таймакъ,
Абил билим,
Чыкъсын тилинг!
 
чам чыргъа саналамыд "джип " деген джыр?
(...барсам аллай джашха....)
 
девичья частушка записанная мной у Дяди Хафизы:

арбазынгъда хабуста
аны ашаргъа мен уста
къатынынгъ джокъ, къызынгъ джокъ
ал мени пажалуста ))))
 
джылама енди сюйгеним
юйлю юйдегили болганса
джараганды санга тейри
аруу катынчык болганса.
 
альбиша

Ол эски джырны тюз аты былайды - "къарачай джаш бла къызны джыры", сюймеклик джырлагъа неда инарлагъа санала болур.
Джаз, кюлюрбюз )))
 
Сен ариу

Сен ариуну эки кёзюнг
Сютге дугъум атханлай
Къалай татлыды да сёзюнг
Балны конфет бла къабханлай.

Хоншу юйде эки эгеч,
Бир-бирлерин къалай сюелле,
Сен ариуну сюйген джашла
Джюреклеринден кюелле.
 
Azamat
Ангелок
ELBUZ
KALAYSA Pictures
Asya
Сау болугъуз!
п.с. Биле эсегиз...энтда джазыгъыз
альбиша
Игитда саналады)))
Сакълайма))джырынгы ))


Ата Джуртугъуз сизни унутурукъ тюлдю
(Родина ВАС не забудет)
 
Элни частушкасы мындады, кирда, джаза бер URL
 
пОп КоРн
 
всезнайка

Тюлкючюк
Къайда частушкаларынг? ))))))))
Не эсе да кёрмейме))))))
 
Ийнарларым бир кёбдюле,
Айт, дей эсегиз айтайым,
Бир кюнню сюйюб термилгенден эсе,
Сау джылны ауруб джатайым)))
 
къарачайлы

Бир кесекчик да бир кюлейим да ))))



п.с. Энтда да бир джазыгъыз

Кесигиз къурагъан чам джырла да боллукъдула
 
Сталин къошха кеткенди,
Айраннан тоюб келликти,
Сталинге курман болаим,
Менге къызын берликти!
Орайда-райда орайда...
На самом деле пошел не айран пить, а кровь нашу.
 
Акъ - къалачы джашха термилюу ))

Ой, Алакезюм, ай,къаракъашым,
Биз Акъ къалагъа кетейик.
Ол алмаса да не этерикме
Ариу йнарла этейик.

Мен суугъа сюек алай атханма,
Ызындан эгер сюргенлей.
Мени сюйгеним къоюб кетгенди,
Башха сюйгеними билгенлей.

Ой, мени дуниям , джарыкъ болуучед
Сен бизни юйге киргенлей.
Ой, мени къоюб , къайры бараса?
Да сюйгеними билгенлей ?

Ой, кезюм чыракъ алай барады,
Ол сыфатынга,сынынга.
Бычакъчыкъ болуб,тюшюб къалгъаем
Ол къама тюбю къынынга.

Сен терезеге нек таянаса?
Артынгда тура шиндигин,
Сен,мени къоюб,башханы сюйсенг,
Ол болгъаед кишилигин.

Ой , кезюм чыракъ алай барады
Тургъан юйюнгю башына.
Джангыъз къашынгы ауушдурмазем
Сау Нарсананы джашына.

Ой , кезюм чыракъ алай барады
Да белингдеги къамагъа.
Сен мени ала неге бармайса
Да Акъ-къалада ананга ?

Къара чачлыса , ёхтем джашчыкъса,
Бурма чачынгы тарачы.
Ызынгдан къараб , термиле къалгъанма
Бурулуб манга къарачы.
 
Faida
Ийнарла боллукъмудула?
 
Форумчанка
Игитда
 
Василиса Перемудрая
 
Былайчыкъгъа сыйнмазла.
Выложила в народ ру. вот тебе адрес: http://narod.ru/disk/18671276000/HubievM2.pdf.html
Охому?
 
Форумчанка
Охо) Сау бол!
Страницы: 1 2 След.
Читают тему (гостей: 1)

 

Написать нам