- Эли джокъну – кёлю джокъ.
- Билим – акъылны чырагъы.
- Эртде тургъан джылкъычыны эркек аты тай табар.
- Адамгъа аман кюн соруб келмейди.
- Джылкъыдан – ат чыгъар, тукъумдан – джаш чыгъар.
- Окъугъанны бети джарыкъ.
- Мен да «сен», дейме, сен да «кесим», дейсе.
- Джюрекге ариу – кёзге да ариу.
- От этилмеген джерден тютюн чыкъмайды.
- Тойчу джашха къарама, къойчу джашха къара.
- Чабакъсыз кёлге къармакъ салгъанлыкъгъа, чабакъ тутмазса.
- Уллу атлама – абынырса, уллу къабма – къарылырса.
- Джетген къыз джерли эшекни танымаз.
- Ач уят къоймаз.
- Джогъун бар этген, барын бал этген.
- Тили узунну, намысы – къысха.
- Джашлыкъ этмеген, башлыкъ этмез.
- Чакъырылмагъан къонакъ къачан кетерин сормаз.
- Бети бедерден, намыс сакълама.
- Эркишини аманы тиширыуну джылатыр.
- Джюрекден джюрекге джол барды.
- Кюн кёрмеген, кюн кёрсе, кюндюз чыракъ джандырыр.
- Джангыз торгъай джырламаз.
- Ёнгкюч къууана барыр, джылай келир.
- Иги сёз – джаннга азыкъ, аман сёз башха – къазыкъ.
- Суугъа – таянма, джаугъа – ийнанма.
- Тёрде – темир таякълы, къаяда – чыпчыкъ аякълы.
- Адам къаллай бир ишленмесе, аллай бир кесин уллу кёреди.
- Тамырсыз терекге таянма – джыгъылырса.
- Ишлегенден, къарагъан уста.
- Тойгъан джерден туугъан джер игиди.
- Бал чибинни ургъаны – ачы, балы – татлы.
- Иги адамны бир сёзю эки болмаз.
- Махтаннган къыз, тойда джукълар.
- Магъанасыз сёз – тауушсуз сыбызгъы.
- Кёбден умут этиб, аздан къуру къалма.
- Джыйырма къойну юч джыйырма эбзе кюте эди.
- Игиге айтсанг – билир, аманнга айтсанг – кюлюр.
- Кёз – сюйген джерде, къол – ауругъан джерде.
- Ата – баланы уясы.
- Ана къолу ачытмаз.
- Къарнынг бла ёч алма.
- Мадар болса, къадар болур.
- Ышармагъан – кюлмез, кюлмеген – къууанчны билмез.
- Тыш элде солтан болгъандан эсе, кесинги элде олтан болгъан игиди!
- Тенгинг джокъ эсе – изле, бар эсе – сакъла!
- Ач къалгъандан, кеч къалгъан къолай.
- Туз, гырджын аша, тюзлюк бла джаша.
- Кёл ашады да, кеси ашады.
- Бети къызарыучу адамны, джюреги харам болмаз.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)