- Ата – баланы уясы.
- Агъач халкъгъа алтынды, иссиликге салкъынды.
- Бал ашаргъа сюе эсенг, чибин ургъаннга тёз.
- Аз айтсам, кёб ангылагъыз.
- Джахил болса анасы, не билликди баласы?
- Таукел адам тау тешер.
- Акъдан къара болмаз.
- Кеси юйюмде мен да ханма.
- Бермеген къол, алмайды.
- Адам боллукъ, атламындан белгили болур.
- Окъдан джара эртде-кеч болса да бителир, сёз джара, ёмюрге къалыр.
- Ач къалгъандан, кеч къалгъан къолай.
- Эли джокъну – кёлю джокъ.
- Кёзюнде тереги болгъан, чёбю болгъаннга кюле эди.
- Къатын къылыкъсыз, эр тынчлыкъсыз.
- Адамны артындан къара сабан сюрме.
- Аш кетер да бет къалыр.
- Туз, гырджын аша, тюзлюк бла джаша.
- Къайтырыкъ эшигинги, къаты уруб чыкъма.
- Айтхан – тынч, этген – къыйын.
- Телини эшигин, махтау джабар.
- Мен да «сен», дейме, сен да «кесим», дейсе.
- Эринчекге кюн узун.
- Тешигини къатында, чычхан да батыр болур.
- Хантына кёре тузу, юйюне кёре къызы.
- Дженгил джетерикме деб, узун джолну къоюб, къысхасын барма.
- Ёлген аслан – сау чычхан.
- Ишге юренсин къоллары, халкъ бла болсун джоллары.
- Таякъ этден ётер, тил сюекден ётер.
- Аманны эки битли тону болур, бирин сеннге кийдирир, бирин кеси киер.
- Билген билмегенни юретген адетди.
- Джырчы ёлсе, джыры къалыр.
- Ашхы – джыяр, аман – джояр.
- Тил бла келеди джыр да.
- Ишин билген, аны сыйын чыгъарады.
- Керти сёзге тёре джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- От этилмеген джерден тютюн чыкъмайды.
- Билим къая тешер.
- Кёл – къызбай, къол – батыр.
- Аман адамны тепсинге олтуртсанг, къызынгы тилер.
- Джигер – джаннга къыйынлыкъ.
- Ариу сёз – джаннга азыкъ, аман сёз – башха къазыкъ.
- Къартны бурнун сюрт да, оноугъа тут.
- Кёб къычыргъандан – къоркъма, тынч олтургъандан – къоркъ.
- Сабыр джетер муратха, сабырсыз къалыр уятха.
- Хар зат кесини орнуна иги.
- Тойгъан джерден туугъан джер игиди.
- Эркишини аманы тиширыуну джылатыр.
- Булут кёкге джарашыу, уят бетге джарашыу.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)