- Артына баргъанны, къатына барма.
- Уллу суу бла уллу ауруудан башынгы сакъла.
- Адебсиз адам – джюгенсиз ат.
- Джыланны къуйругъундан басарынг келсе, аны башы болгъанын унутма.
- Бал чибинни ургъаны – ачы, балы – татлы.
- Ауурну тюбю бла, дженгилни башы бла джюрюген.
- Дуния малгъа сатылма, кесингден телиге къатылма.
- Кёб ант этген, кёб ётюрюк айтыр.
- Ишлемеген – тишлемез.
- Аджал соруб келмез, келсе, къайтыб кетмез.
- Бозанг болмагъан джерге, къалагъынгы сукъма.
- Тау башында, тау болмаз, джангыз терек, бау болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къарнынг тойгъунчу аша да, белинг талгъынчы ишле.
- Сагъышы джокъ – джукъучу, акъылы джокъ – къаугъачы.
- Онгсузну – джакъла, тенгликни – сакъла.
- Джаш болсун, къыз болсун, акъылы, саны тюз болсун.
- Къумурсхала джыйылсала, пилни да джыгъадыла.
- Аджаллыгъа окъсуз шкок атылыр.
- Къатыны харакетли болса, эри къымсыз болур.
- Айтханы чапыракъдан ётмеген.
- Хунаны тюбюн къазсанг, юсюнге ауар.
- Ариу сёз джыланны орнундан чыгъарыр.
- Аякъларынгы джууургъанынга кёре узат.
- Билим насыб берир, билим джолну керир.
- Бети бедерден, намыс сакълама.
- Байма, деб да, къууанма, джарлыма, деб да, джылама.
- Келлик заман – къартлыкъ келтирир, кетген заман – джашлыкъ ёлтюрюр.
- Эринчекни аурууу – кёб.
- Аманнга алтын чыдамаз.
- Билим ат болуб да чабар, къуш болуб да учар.
- Бал ашаргъа сюе эсенг, чибин ургъаннга тёз.
- Сыфатында болмагъаны, суратында болмаз.
- Джангыз торгъай джырламаз.
- Юйюнгден чыкъдынг – кюнюнгден чыкъдынг.
- Мураты болгъанны джюрек тебюую башхады.
- Хар сёзню орну барды.
- Терек ауса, отунчу – кёб.
- Эм уллу байлыкъ – джан саулукъ.
- Экиндини кеч къылсанг, чабыб джетер ашхам.
- Эллинг бла джау болсанг да, юйюнг бла джау болма.
- Ашыкъгъан cуу, тенгизге джетмез.
- Бети къызарыучу адамны, джюреги харам болмаз.
- Башланнган иш битер, къымылдагъан тиш тюшер.
- Босагъа таш юйге кирмей эди, тыбыр таш эшикге чыкъмай эди.
- Мал ёлсе, сюек къалыр, адам ёлсе, иши къалыр.
- Тюзню ётмеги тюзде къалса да, тас болмаз.
- Чакъырылгъанны аты, чакъырылмагъанны багъасы болур.
- Кёл ашады да, кеси ашады.
- Къартха ушагъан джаш – акъыллы, джашха ушагъан къарт – тели.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)