- Чакъырылгъанны аты, чакъырылмагъанны багъасы болур.
- Къыйынлы джети элге оноу этер.
- Тилчи тилден къаныкъмаз.
- Эл элде бирер малынг болгъандан эсе, бирер тенгинг болсун.
- Ёлген аслан – сау чычхан.
- Кесине гебен этелмеген, биреуге черен эте эди.
- Кёзден кетген, кёлден да кетеди.
- Иши джокъну, сыйы джокъ.
- Джангыз терек къынгыр ёсер.
- Магъанасыз сёз – тауушсуз сыбызгъы.
- Ач келгенни – тойдур, кеч келгенни – къондур.
- Ат да турмайды бир териде.
- Ашлыкъ – бюртюкден, джюн – тюкден.
- Адеб джокъда, намыс джокъ.
- Тюзню ётмеги тюзде къалса да, тас болмаз.
- Чомарт бергенин айтмаз.
- Малны кют, джерни тюрт.
- Тёрени джагъы джокъ.
- Тойгъанлыкъ къойгъа джарашады.
- Бермеген къол, алмайды.
- Уллу сёзде уят джокъ.
- Артына баргъанны, къатына барма.
- Эртде тургъан бла эртде юйленнген сокъуранмаз.
- Аш иеси бла татлыды.
- Джиби бир къат джетмей эди да, эки къат тарта эди.
- Ичимден чыкъды хата, къайры барайым сата?
- Адам сёзге тынгыла, акъыл сёзню ангыла.
- Тёрдеги кюлсе, эшикдеги ышарыр.
- Сабий кёргенин унутмаз.
- Уясында не кёрсе, учханында аны этер.
- Акъыллы эркиши атын махтар, акъылсыз эркиши къатынын махтар.
- Эл ауузу – элия.
- Мени джылытмагъан кюн, меннге тиймесин!
- Къызбайны юйюне дери сюрсенг, батыр болур.
- Ётюрюкню къуйругъу – бир тутум.
- Ашда уялгъан – мухар, ишде уялгъан – хомух.
- Намысы джокъну – дуниясы джокъ.
- Къолунгдан къуймакъ ашатсанг да, атаны борчундан къутулмазса.
- Тил бла келеди джыр да.
- Ашхы – джыяр, аман – джояр.
- Билим насыб берир, билим джолну керир.
- Ашына кёре табагъы, балына кёре къалагъы.
- Джыланны къуйругъундан басарынг келсе, аны башы болгъанын унутма.
- Кёзню ачылгъаны – иги, ауузну джабылгъаны – иги.
- Ишленмеген джаш – джюгенсиз ат, ишленмеген къыз – тузсуз хант.
- Акъыл сабырлыкъ берир.
- Элни кючю – эмеген.
- Сёз – кюмюш, джыр – алтын.
- Асхат ашлыкъ сата, юйдегиси ачдан къата.
- Окъугъан озар, окъумагъан тозар.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)