- Джумушакъ сёз къаты таякъны сындырыр.
- Акъыл неден да кючлюдю.
- Ойнаб айтсанг да, эслеб айт.
- Эр сокъур болсун, къатын тилсиз болсун.
- Бети бедерден, намыс сакълама.
- Азыгъы аз, алгъа къабар, аты аман, алгъа чабар.
- Джангыз торгъай джырламаз.
- Баш болса, бёрк табылыр.
- Адеби болмагъан къыз – тузсуз хант.
- Билмезни кёзю кёрмез, этмезни къулагъы эшитмез.
- Айырылмаз джууугъунга, унутмаз сёзню айтма.
- Ашатыргъа иш – ашхы, ишлетирге аш – ашхы.
- Артына баргъанны, къатына барма.
- Къумурсхала джыйылсала, пилни да джыгъадыла.
- Аллахха ийнаннган кишини, Аллах онгдурур ишин.
- Тил – миллетни джаны.
- Башынга джетмегенни сорма.
- Ата – баланы уясы.
- Кёз – сюйген джерде, къол – ауругъан джерде.
- Кёл – къызбай, къол – батыр.
- От этилмеген джерден тютюн чыкъмайды.
- Элге къуллукъ этмеген, элге ие болмаз.
- Джаралыны джастыгъында сау ёлюр.
- Телини эшигин, махтау джабар.
- Сютден ауузу кюйген, суугъа юфгюре эди.
- Aдам боллукъ, сыфатындан белгили.
- Намыс сатылыб алынмайды.
- Ариу сёз – джаннга азыкъ, аман сёз – башха къазыкъ.
- Ачыу алгъа келсе, акъыл артха къалады.
- Чоюнну башы ачыкъ болса, итге уят керекди.
- Юйлю уругъа ит чабмаз.
- Телиге акъыл салгъандан эсе, ёлгеннге джан салырса.
- Суугъа – таянма, джаугъа – ийнанма.
- Нёгерсизни джолу узун.
- Халкъны джырын джырласанг, халкъ санга эжиу этер.
- Айран тёгюлсе, джугъусу къалыр.
- Джашынгы кесинг юретмесенг, джашау юретир.
- Чомарт къонакъ юй иесин сыйлар.
- Эрине къаргъыш этген къатын, эрнин къабар.
- Битмегеннге сакъал – танг.
- Эски джаугъа ышанма.
- Насыб бютеу халкъны юлюшюдю.
- Билгенни къолу къарны джандырыр.
- Мал кёб болса, джууукъ кёб болур.
- Джаш къарыу бла кючлю, къарт акъыл бла кючлю.
- Уллу къазанда бишген эт, чий къалмаз.
- Юй ишлеген балта эшикде къалыр.
- Эте билген, этген этеди, эте билмеген, юретген этеди!
- Ашыкъгъан cуу, тенгизге джетмез.
- Экеу тутушса, биреу джыгъылыр.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)