- Айранын берсенг, челегин да къызгъанма.
- Тилсиз миллет джокъ болур.
- Насыблы элин сюер, насыбсыз кесин сюер.
- Чомарт къолда мал къалмаз.
- Билмегенинги, билгеннге сор.
- Ашына кёре табагъы, балына кёре къалагъы.
- Экеулен сёлеше тура эселе, орталарына барыб кирме.
- Къонакъ хазыр болгъанлыкъгъа, къонакъбай хазыр тюлдю.
- Ашда – бёрю, ишде – ёлю.
- Юй кюйдю да, кюйюз чыкъды, ортасындан тюйюш чыкъды.
- Дуния малгъа сатылма, кесингден телиге къатылма.
- Байдан умут эте, джарлыдан ёгюз багъасы къорады.
- Адам туугъан джеринде, ит тойгъан джеринде.
- Сёз къанатсыз учар.
- Къарыусузгъа кюлме, онгсузгъа тийме.
- Эл элде бирер малынг болгъандан эсе, бирер тенгинг болсун.
- Таукел тауну аудурур.
- Байлыкъ тауусулур, билим тауусулмаз.
- Башланнган иш битер, къымылдагъан тиш тюшер.
- Хоншуну тауугъу къаз кёрюнюр, келини къыз кёрюнюр.
- Къартха ушагъан джаш – акъыллы, джашха ушагъан къарт – тели.
- Къайгъыны сюйген, къайгъы табар.
- Тюкюрюк баш джармаз, налат кёз чыгъармаз!
- Тил бла келеди джыр да.
- Ариу сёз – джаннга азыкъ, аман сёз – башха къазыкъ.
- Зар адам ашынгы ашар, кесинги сатар.
- Кёпюр салгъан кеси ётер, уру къазгъан кеси кетер.
- Узун джолну барсанг, бюгюн келирсе, къысха джолну барсанг, тамбла келирсе.
- Бёрю да ач къалмасын, эчки да ашалмасын.
- Кёкдеги болмаса, джердегин кёрмейди.
- Мени джылытмагъан кюн, меннге тиймесин!
- Джюрек кёзден алгъа кёрюр.
- Ана – юйню кюн джарыгъы.
- Къазанчы аман болса, къазаны къайнамаз.
- Джумушакъ сёз къаты таякъны сындырыр.
- Ойнай-ойнай кёз чыгъар.
- Ата Джуртун танымагъан, атасын да танымаз.
- Элге къуллукъ этмеген, элге ие болмаз.
- Къатын къылыкъсыз, эр тынчлыкъсыз.
- «Ёгюз, джаргъа джууукъ барма, меннге джюк боллукъса», - дегенди эшек.
- Джашда акъыл джокъ, къартда къарыу джокъ.
- Къызгъанчдан ычхыныр, мухардан ычхынмаз.
- Бек анасы джыламаз.
- Босагъа таш юйге кирмей эди, тыбыр таш эшикге чыкъмай эди.
- Окъуусуз билим – джокъ, билимсиз кюнюнг – джокъ.
- Юй ишлеген балта эшикде къалыр.
- Хар адамгъа кеси миннген тау кибик.
- Этек чакъмакълары баш джаргъан, сёлешген сёзлери таш джаргъан.
- Татлы тилде – сёз ариу, чемер къолда – иш ариу.
- Эр сокъур болсун, къатын тилсиз болсун.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)