- Ашхы болсанг, атынг чыгъар, аман болсанг, джанынг чыгъар.
- Кийимни бир кюнню аясанг, минг кюннге джарар.
- Эл элде бирер малынг болгъандан эсе, бирер тенгинг болсун.
- Сёз – кюмюш, джыр – алтын.
- Босагъа таш юйге кирмей эди, тыбыр таш эшикге чыкъмай эди.
- Аллахха ийнаннган кишини, Аллах онгдурур ишин.
- Окъдан джара эртде-кеч болса да бителир, сёз джара, ёмюрге къалыр.
- Кёб джат да, бек чаб.
- Къобан да къуру да къобханлай турмайды, адам да къуру да патчахлай турмайды.
- Бек анасы джыламаз.
- Иги – алгъыш этер, аман – къаргъыш этер.
- Иши джокъну, сыйы джокъ.
- Кёл ашады да, кеси ашады.
- Арба аугъандан сора, джол кёргюзтюучю кёб болур.
- Сёз къанатсыз учар.
- Чакъырылмагъан къонакъ къачан кетерин сормаз.
- Бёрю да ач къалмасын, эчки да ашалмасын.
- Байны оноуу, джарлыгъа джарамаз.
- Ариу сёз аурууунгу алыр.
- Ата Джуртча джер болмаз, туугъан элча эл болмаз.
- Накъырда – кертини келечиси.
- Билим ат болуб да чабар, къуш болуб да учар.
- Билим къая тешер.
- Ишин билген, аны сыйын чыгъарады.
- Зар адамны насыбы болмаз.
- Билим – акъылны чырагъы.
- Чыкълы кюнде чыкъмагъан, чыкъса къуру кирмеген.
- Соргъан айыб тюлдю, билмеген айыбды.
- Чабакъ башындан чирийди.
- Хатерли къул болур.
- Ашхы атаны – джашы ашхы, ашхы ананы – къызы ашхы.
- Джарлы тюеге минсе да, ит къабар.
- Ач бёрюге мекям джокъ.
- Къошда джокъгъа – юлюш джокъ.
- Кюн – узун, ёмюр – къысха.
- Ауузу бла къуш тута айланады.
- Ашда уялгъан – мухар, ишде уялгъан – хомух.
- Къонакъ аз олтурур, кёб сынар.
- Къатын къылыкъсыз, эр тынчлыкъсыз.
- Билим насыб берир, билим джолну керир.
- Къазанчы аман болса, къазаны къайнамаз.
- Эринчекге кюн узун.
- Ата – баланы уясы.
- Къайтырыкъ эшигинги, къаты уруб чыкъма.
- Тик ёргени, тик энгишгеси да болады.
- «Ма», - дегенни билмесенг, «бер», - дегенни билмезсе.
- Кёкдеги болмаса, джердегин кёрмейди.
- Къазанда болса, чолпугъа чыгъар.
- Къралынгы – душмандан, башынгы от бла суудан сакъла.
- Сютден ауузу кюйген, суугъа юфгюре эди.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)