- Сыфатында болмагъаны, суратында болмаз.
- Джаш къарыу бла кючлю, къарт акъыл бла кючлю.
- Зар адам ашынгы ашар, кесинги сатар.
- Ёлюр джаннга, ёкюл джокъ.
- Билген билмегенни юретген адетди.
- Кесинг сынамагъан затны, адамгъа буюрма.
- Уруну арты – къуру.
- Сёз – кюмюш, джыр – алтын.
- Биреуге аманлыкъ этиб, кесинге игилик табмазса.
- Айтылгъан буйрукъ, сёгюлмез
- Тамбла алтындан бюгюн багъыр ашхы.
- Ёмюрлюк шохлукъну джел элтмез.
- Аз сёлешген, къайгъысыз турур.
- Ачны эсинде – аш.
- Битмегеннге сакъал – танг.
- Сютден ауузу кюйген, суугъа юфгюре эди.
- Керти сёзге тёре джокъ.
- Чомартха Тейри да борчлуду.
- Кийиминг бла танылма, адамлыкъ бла таныл.
- Чомартха хар кюн да байрамды.
- Адамны бетине къарама, адетине къара.
- Бек ашыкъгъан меннге джетсин, дегенди аракъы.
- Джахил болса анасы, не билликди баласы?
- Нарт сёз къарт болмаз.
- Аман хансны – урлугъу кёб.
- Тин – байлыгъынг, терен саулугъунг.
- Тойгъа алгъа да барма, тойда артха да къалма.
- Къошда джокъгъа – юлюш джокъ.
- Адебсиз адам – джюгенсиз ат.
- Джол бла сёзню къыйыры джокъ.
- Къарыусузгъа кюлме, онгсузгъа тийме.
- Арбаз къынгырды да, ийнек сауалмайма.
- Сёз садакъдан кючлюдю.
- Терслик кетер, тюзлюк джетер.
- Чоюнну башы ачыкъ болса, итге уят керекди.
- Керилген да, ургъан кибикди.
- Тас болгъан бычакъны сабы – алтын.
- Биреуню эскиси биреуге джангы болмайды.
- Элге къуллукъ этмеген, элге ие болмаз.
- Хар зат кесини орнуна иги.
- Байны къызы баймакъ болса да, юйде къалмаз!
- Сакъалы текени да бар, мыйыгъы киштикни да бар.
- Намыс сатылыб алынмайды.
- Урама да – ёледи, сатама да – келеди.
- Айраннга суу къош, телиге джол бош.
- Илму – джашауну джолу.
- Аджалсыз ёлюм болмаз.
- Джуртун къоругъан озар.
- Чомарт джарлы болмаз.
- Айран тёгюлсе, джугъусу къалыр.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)