- Аманны къуугъан, аманлыкъ табар.
- Ашыкъгъан cуу, тенгизге джетмез.
- Мадар болса, къадар болур.
- Джыгъылгъанны сырты джерден тоймаз.
- Урама да – ёледи, сатама да – келеди.
- Кёб ант этген, кёб ётюрюк айтыр.
- Айыбны суу бла джууалмазса.
- Джиби бир къат джетмей эди да, эки къат тарта эди.
- Тамчы таш тешер.
- Ачыкъ джюрекге джол – ачыкъ.
- Къартны бурнун сюрт да, оноугъа тут.
- Ариу – кёзге, акъыл – джюрекге.
- Чабар ат – джетген къыз.
- Рысхы – сют юсюнде кёмюк кибикди.
- Къазанда болса, чолпугъа чыгъар.
- Булут кёкге джарашыу, уят бетге джарашыу.
- Чакъырылмагъан къонакъ – орунсуз.
- Душманны тышы – акъ, ичи – къара.
- Билим ат болуб да чабар, къуш болуб да учар.
- Чомарт джарлы болмаз.
- Ана къолу ачытмаз.
- Биреуге аманлыкъ этиб, кесинге игилик табмазса.
- Тойгъа алгъа да барма, тойда артха да къалма.
- Мал тутхан – май джалар.
- Гугук кесини атын айтыб къычыргъанча, мен, мен деб нек тураса?
- Садакъачыны джаны – къапчыгъында.
- Сакъламагъан затынга джолукъсанг, не бек къууанаса, не бек ачыйса.
- Къошда джокъгъа – юлюш джокъ.
- Ишлегенде эринме, ишде чолакъ кёрюнме.
- Ётюрюкден тюбю джокъ, кёлтюрюрге джиби джокъ.
- Ариу сёз – къылычдан джити.
- Атадан ёксюз – бир ёксюз, анадан ёксюз – эки ёксюз.
- Къумурсхала джыйылсала, пилни да джыгъадыла.
- Адам боллукъ, атламындан белгили болур.
- Насыб бютеу халкъны юлюшюдю.
- Къонакъны къачан кетерин сорма, къачан келлигин сор.
- Иши джокъну, сыйы джокъ.
- Ат басханны джер билед.
- Окъ къызбайны джокълайды.
- Хатерли къул болур.
- Туз, гырджын аша, тюзлюк бла джаша.
- Аууздан келген, къолдан келсе, ким да патчах болур эди.
- Къарнынг ауруса, ауузунгу тый
- Кёлю джокъну – джолу джокъ.
- Джыланны къуйругъундан басарынг келсе, аны башы болгъанын унутма.
- Джылыгъа джылан илешир.
- Чабакъсыз кёлге къармакъ салгъанлыкъгъа, чабакъ тутмазса.
- Хантына кёре тузу, юйюне кёре къызы.
- Окъугъан озар, окъумагъан тозар.
- Гугурук къычырмаса да, тангны атары къалмаз.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)