- Айырылгъанланы айю ашар, бёлюннгенлени бёрю ашар.
- Аманны тукъумуна къарама, игини тукъумун сорма.
- Ётюрюкчюню шагъаты – къатында.
- Чомартха Тейри да борчлуду.
- Ариу сёз аурууунгу алыр.
- Тил бла келеди джыр да.
- Кёз – сюйген джерде, къол – ауругъан джерде.
- Рысхы – насыбха къор.
- Дуния мал дунияда къалады.
- Сютню башын джалагъан къутулур, тюбюн ичген тутулур.
- Хазыр ашха – терен къашыкъ.
- Тюкюрюк баш джармаз, налат кёз чыгъармаз!
- Игини сыйлагъан адетди.
- Уллу айтханны этмеген – уллаймаз.
- Азыкъ аз болса, эртде орун сал.
- Ишни аллы бла къууанма да, арты бла къууан.
- Хаухну атма, ёнгкючню сатма.
- Эл ауузу – элек, анга ийнаннган – халек.
- Бастасын ашагъан, хантусун да ичер.
- Джан саулукъ бермей, сан саулукъ бермезсе.
- Арпа, будай – ащды, алтын, кюмюш а – ташды.
- Рысхысына кёре, джаш ёсер, къышлыгъына кёре, мал ёсер.
- Ёлген эшек бёрюден къоркъмайды.
- Эрни эр этерик да, къара джер этерик да, тиширыуду.
- От кюйдюрген, сау болса да, тот кюйдюрген, сау болмаз.
- Алма терегинден кери кетмез.
- Намысы болмагъанны, сыйы болмаз.
- Джарлы джети элни сёзюн этер.
- Чыкълы кюнде чыкъмагъан, чыкъса къуру кирмеген.
- Алгъанда – джууукъ, бергенде – джау.
- Джырчы ёлсе, джыры къалыр.
- Ач да бол, токъ да бол – намысынга бек бол.
- Термилгенинги табмазса, кюлгенинге тюберсе.
- Юйюнг бла джау болгъандан эсе, элинг бла джау бол.
- Ашда – бёрю, ишде – ёлю.
- Ётюрюк хапар аякъ тюбю бла джюрюйдю.
- Экиндини кеч къылсанг, чабыб джетер ашхам.
- Къолунгдан къуймакъ ашатсанг да, атаны борчундан къутулмазса.
- Тойчу джашха къарама, къойчу джашха къара.
- Ачлыкъ отха секиртир.
- Тиширыусуз юй – отсуз от джагъа.
- Мал тутхан – май джалар.
- Окъуу – билимни ачхычы, окъуу – дунияны бачхычы.
- Къазанны башы ачыкъ болса, итге уят керекди.
- Сабийни джумушха джибер да, ызындан бар.
- Адеб этмеген, адеб кёрмез.
- Джыйырма къойну юч джыйырма эбзе кюте эди.
- Эл элде бирер малынг болгъандан эсе, бирер тенгинг болсун.
- Джарлы тюеге минсе да, ит къабар.
- Накъырданы арты керти болур.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)