- Башда акъыл болмаса, эки аякъгъа кюч джетер.
- Къобан да къуру да къобханлай турмайды, адам да къуру да патчахлай турмайды.
- Ач къарынны, токъ билмез
- Эл ауузу – элия.
- Тенгинг джокъ эсе – изле, бар эсе – сакъла!
- Ишлемеген – тишлемез.
- Кюн кёрмеген, кюн кёрсе, кюндюз чыракъ джандырыр.
- Джогъун бар этген, барын бал этген.
- Эртде тургъан джылкъычыны эркек аты тай табар.
- Арыгъан къош чамчы болур.
- Иши джокъну, сыйы джокъ.
- Эл элде бирер малынг болгъандан эсе, бирер тенгинг болсун.
- Ичимден чыкъды хата, къайры барайым сата?
- Окъуу – билимни ачхычы, окъуу – дунияны бачхычы.
- Эки элинги тыйсанг, джети элде махталырса.
- Тойгъа алгъа да барма, тойда артха да къалма.
- Таукел къуру къалмаз.
- Бал ашаргъа сюе эсенг, чибин ургъаннга тёз.
- Мал тутхан – май джалар.
- Тойгъан джерге джети къайт.
- Хар сёзню орну барды.
- Ётюрюкню къуйругъу – бир тутум.
- Джуртун къоругъан озар.
- Эки къатын алгъан – эки ташны ортасына башын салгъан.
- Тёзгеннге, джабылгъан эшик ачылыр.
- Аманны къуугъан, аманлыкъ табар.
- Садакъачыны джаны – къапчыгъында.
- Джарлы джети элни сёзюн этер.
- Ишни ахырын ойламай, аллын башлама.
- Акъыллы башны – тили къысха.
- Билмегенинги, билгеннге сор.
- Джаным-тиним – окъуу, билим.
- Биреуге аманлыкъны тилеме да, кесинге ашхылыкъны тиле.
- Телиге акъыл салгъандан эсе, ёлгеннге джан салырса.
- Кёб къычыргъандан – къоркъма, тынч олтургъандан – къоркъ.
- Чомарт бергенин айтмаз.
- Чакъырылмай келген къонакъ сыйланмай кетер.
- Тюкюрюк баш джармаз, налат кёз чыгъармаз!
- Чакъырылмагъан къонакъ тёрге атламаз.
- Къартха ушагъан джаш – акъыллы, джашха ушагъан къарт – тели.
- Уллу къашыкъ эрин джыртар.
- Босагъагъа джууукъ орун болса, ашыгъыб тёрге озма.
- Тилде сюек болмаса да, сюек сындырыр.
- Сёз къанатсыз учар.
- Кёбге таш атма.
- Уллу айтханны этмеген – уллаймаз.
- Башы джабылгъан челекге, кир тюшмез.
- Дуния мал дунияда къалады.
- Къая джолда джортма, ачыкъ сёзден къоркъма.
- Къарнынг ауруса, ауузунгу тый
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)