- Зарда марда джокъ.
- Джыланны къуйругъундан басарынг келсе, аны башы болгъанын унутма.
- Къартны сыйын кёрмеген, къартлыгъында сыйлы болмаз.
- Къонагъынгы артмагъын алма да, алгъышын ал.
- От кюйдюрген, сау болса да, тот кюйдюрген, сау болмаз.
- Тёгюлген тюгел джыйылмайды.
- Эртде тургъан бла эртде юйленнген сокъуранмаз.
- Ашхы атаны – джашы ашхы, ашхы ананы – къызы ашхы.
- Иги джашны ышаны – аз сёлешиб, кёб тынгылар.
- Минг тенг да азды, бир джау да кёбдю.
- Кёз – сюйген джерде, къол – ауругъан джерде.
- Къатын къылыкъсыз, эр тынчлыкъсыз.
- Харам къарнашдан, халал тенг ашхы.
- Баланы адам этген анады.
- Тойгъандан сора, ашны сёкме.
- Ачлыкъда тары гырджын халыуадан татлы.
- Эринчекге кюн узун.
- Ишленмеген джаш – джюгенсиз ат, ишленмеген къыз – тузсуз хант.
- Тенги кёбню джау алмаз, акъылы кёбню дау алмаз.
- Сууда джау джокъ, кёб сёзде магъана джокъ.
- Къарнынг тойгъунчу аша да, белинг талгъынчы ишле.
- Чомартны къолу берекет.
- Элде адам къалмаса, ит тахтагъа минер.
- Телиге от эт десенг, юйюнге от салыр.
- Кёб къычыргъандан – къоркъма, тынч олтургъандан – къоркъ.
- Ётюрюкден тюбю джокъ, кёлтюрюрге джиби джокъ.
- Танг атмайма десе да, кюн къоярыкъ тюйюлдю.
- Нарт сёз – тилни бети.
- Олтуруб кёрюнмей эди да, ёрге туруб кёрюне эди.
- Окъумагъан сокъурду, сокъур ташха абыныр!
- Атлыны ашхысы, ат тизгининден билинир
- Къыйынлы джети элге оноу этер.
- Кёкдеги болмаса, джердегин кёрмейди.
- Къошда джокъгъа – юлюш джокъ.
- Къалгъан ишге къар джауар.
- Болджал ишни бёрю ашар.
- Элиб деген, элге болушур.
- Сагъышы джокъ – джукъучу, акъылы джокъ – къаугъачы.
- Тюкюрюк баш джармаз, налат кёз чыгъармаз!
- Ашыкъгъан cуу, тенгизге джетмез.
- Суу да къайтады чыкъгъан джерине.
- Иги сёз – джаннга азыкъ, аман сёз башха – къазыкъ.
- Хар зат кесини орнуна иги.
- Аманны эки битли тону болур, бирин сеннге кийдирир, бирин кеси киер.
- Джюрек кёзден алгъа кёрюр.
- Сескекли кесин билдирир.
- Тилде сюек болмаса да, сюек сындырыр.
- Ариу сёз – джаннга азыкъ, аман сёз – башха къазыкъ.
- Ачлыкъ отха секиртир.
- Ауругъаннга – кийик саулукъ, джетген къызгъа – чилле джаулукъ.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)