Войти на сайт
29 Марта  2024 года

 

  • Акъдан къара болмаз.
  • Ётюрюк хапар аякъ тюбю бла джюрюйдю.
  • Къралынгы – душмандан, башынгы от бла суудан сакъла.
  • Тешик этген тынчды, аны джамагъан къыйынды.
  • Ата джурт – алтын бешик.
  • Тенгни тенглиги джашай барсанг билинир.
  • Ачны эсинде – аш.
  • Бастасын ашагъан, хантусун да ичер.
  • Ишленмеген джаш – джюгенсиз ат, ишленмеген къыз – тузсуз хант.
  • Соргъан айыб тюлдю, билмеген айыбды.
  • Ач къалгъандан, кеч къалгъан къолай.
  • Къатыны харакетли болса, эри къымсыз болур.
  • Баш – акъыл ючюн, акъылман – халкъ ючюн.
  • Насыблы элин сюер, насыбсыз кесин сюер.
  • Тюкюрюк баш джармаз, налат кёз чыгъармаз!
  • Джаз бир кюнню джатсанг, къыш талай кюнню абынырса.
  • Кийимни бичсенг, кенг бич, тар этген къыйын тюлдю.
  • Аман эсирсе, юйюн ояр.
  • Суу да къайтады чыкъгъан джерине.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Намысы болмагъанны, сыйы болмаз.
  • Тамбла алтындан бюгюн багъыр ашхы.
  • Арбаз сайлама да, хоншу сайла.
  • Эшекге миннген – биринчи айыб, андан джыгъылгъан – экинчи айыб.
  • Тюз сёз баргъан сууну тыяр.
  • Мураты болгъанны джюрек тебюую башхады.
  • Хар зат кесини орнуна иги.
  • Ауругъан – джашаудан умутчу.
  • Окъуусуз билим – джокъ, билимсиз кюнюнг – джокъ.
  • Башы джабылгъан челекге, кир тюшмез.
  • Ана къойну – балагъа джандет.
  • Эл ауузу – элия.
  • Сакъалы текени да бар, мыйыгъы киштикни да бар.
  • Уллу къазанда бишген эт, чий къалмаз.
  • Адам сёзюнден белгили.
  • Джаханимни кёрмей, джандетге кёл салмазса.
  • Aдам боллукъ, сыфатындан белгили.
  • Бек анасы джыламаз.
  • Джюрек кёзден алгъа кёрюр.
  • Баш болса, бёрк табылыр.
  • Кёпюр салгъан кеси ётер, уру къазгъан кеси кетер.
  • Акъыл неден да кючлюдю.
  • Тели турса – той бузар.
  • Юре билмеген ит, къонакъ келтирир.
  • Эркишиге тары кебек танг кёрюнюр.
  • Бермеген къол, алмайды.
  • Айныгъанлы алты кюн, тогъайгъанлы тогъуз кюн.
  • Тюзлюк шохлукъну бегитир.
  • Аш иеси бла татлыды.
  • Ашлыкъны арба юйге келтирир, чана базаргъа элтир.

 

Страницы: Пред. 1 2 3 4 5 ... 62 След.
RSS
Келигиз, тил байлыгъыбызны сакълайыкъ!
 
къара
кертида сагъыш этерча затды
сора сен сагъышгъа кириб къалдынг болурму Джазчын бир тёрт-беш назму
 
Сау эсен джетдик бу багъалы кюнге деричи! Барыгъызны алгъышлайма!
 
Ана тилим ? тауларымы къадау ташы
Намысымы, насыбымы сыйлы башы,
Ана тилим ? джюрегими булбул джыры,
Миллетими нюр чырагъы, сыйы, сыры.

Таугъа-тюзге таб джарашхан ана тилим,
Кёб джер суу да кёре келген ана тилим,
Ташча ауур, тюкча дженгил ана тилим,
Дарман-дары бола билген ана тилим.

Туздам кибик, кирсиз, таза ана тилим,
Кёкча мийик, кёлча тюбсюз ана тилим.
 
Акъ_Беленькая
 
Бюгюн ана тилибизни кюнюдю. Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!
 
Девушка Гор
Назмула айтыбмы эришесиз. Мен да къошулайым?
 
Бюгюн ана тилибизни кюнюдю. Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!
Алан,айыб этме сен джаш адаммыса?Не себебден сорама десенг,джаш телюню ичинде сенича таза эмда халатсыз джаза билген адамгъа кебден бери тюбемеген эдим.Экинчиси,сен ана тилибизни белюгюн бошагъан филологлардан тюйюлмюсе?
 
Ана тилим ана сютюмдю мени

Хар халкъны да, хар джуртну да сюеме,
Адам улу бирди, джангызды дунияда.
Къайсы халкъны джарсыса да кюеме,
Тюб болгъанча мен джаратылгъан уя.

Хар тилни да сейирлиги алайды,
Ана сютню джылыуу бла татыуу.
Кёкде къушча, къанат кериб джашайды
Ана тилде джаз тангланы атыуу.

Ана тилни тау чучхуру саркъады,
Джюрегими ёзенлерин къандыра.
Букъу къонуб къалыр да, деб къоркъады,
Къой Джолну джулдузларын джандыра.

Ана тил бла туугъан джерни сюеме,
Бир-биринден айырмайма аланы.
Ана тилде джылайма мен, кюеме,
Харам эсе ана сютю ананы.

Ахыр заман келмей, дуния чайкъалмай,
Туруб турсун, бузоу этмей ёгюзлюк.
Ана тилле джашасынла таркъаймай,
Сынгар бир халкъ сынамасын ёксюзлюк!

Бушуу келсе, ана тилде джылайма,
Кёз джашларым джылытыб туугъан джерни.
Къууанч кюнде ана тилде джырлайма,
Ана тилим ана сютюмдю мени!
 
Чип
эки сезню бири - бирине къоша бильгенден сорада, ариу селе билиргеда керекди, ташны ташха ургъанча этмей
Тюз айтаса! сёзлени билгенден сора да, аланы къачан, къалайда хайырландырыргъа кереклисин да билирге керекди. Ол заманда болады тил бай, кирсиз.
 
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат.
 
Эгечим,меннге джууаб берирге тыйыншлы кермединг не эседа....
 
Мен
Эгечим,меннге джууаб берирге тыйыншлы кермединг не эседа....
Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма.
 
Къарачай тилни окъугъан этген болурса деген согъыш келген эди акъылыма...
 
Миллетчи
Сау бол, джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма.
 
Мен
Къарачай тилни окъугъанма, окъурукъма, Аллах буюрса окъугъанлай турлукъма!
 
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
 
Ана тилинг

Хар кимген да багъалыды ана тили,
Хар кимни да ана тили - батмаз кюню.

Анангдан ичген сютюнгдю ана тилинг,
Белляуунгду эм юйюнгдю ана тилинг.

Бу шоркъулдаб баргъансуула - ана тилинг,
Бу сюелген мийик таула - ана тилинг.

Джерден чыкъгъан бу къудрет - ана тилинг,
Кюнден кюннге джашнаб келед ана тилинг.

Пушкинни ол бай тили да тёгед билим,
Ол да сеннге экинчиге ана тилинг.

Аны ючюн сен кёресе узакъдагъын,
Кенгден-кенгнге эштиледи хар айтханынг.

Ол себебден хар къайда да кёбдю къарнаш,
Хар аллынга тюбеген да - сеннге джолдаш.

бу эки тил бир - бирине бек аламат,
Ала сеннге экиси да - эки къанат.
 
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери.
 
Карачай форумга ошаб башлады деймеми Джашил Уюбюз ))
 
кокетка
Эндиден сора менге, билмейме ана тилни деб бир айт Быллай назмуланы къайдан табаса да сора?
 
ПТЮЧ
Карачай форумга ошаб башлады деймеми Джашил Уюбюз
Бизни баш муратыбыз да олду, форумда джаш адамла къарачай-малкъар тилде селешсинле деб.
 
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? ))
 
ПТЮЧ
Ата-Ана огасе школ-мол
Ата-ана, къарт ата- къарт ана - школ - университет - иш- джашау!
 
ПТЮЧ

Джашил Уюбюз ))

Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме
 
Девушка Гор
карачайча завидываю калай боллукту?

Къанамат
аман зат Биледи Артурджон карачай тилни ))))
Страницы: Пред. 1 2 3 4 5 ... 62 След.
Читают тему (гостей: 1)

 

Написать нам