Эльбрусоид :: Форум :: Келигиз, тил байлыгъыбызны сакълайыкъ!

Рысхысына кёре, джаш ёсер, къышлыгъына кёре, мал ёсер.
Къарт бла баш аша, джаш бла аякъ аша.
Къарт айтханны этмеген, къартаймаз.
Байма, деб да, къууанма, джарлыма, деб да, джылама.
Джерни букъусу кёкге къонмаз.
Хунаны тюбюн къазсанг, юсюнге ауар.
Адамны аманы адамны бети бла ойнар.
Ариу сёз джыланны орнундан чыгъарыр.
Юйюнг бла джау болгъандан эсе, элинг бла джау бол.
Ата джурт – алтын бешик.
Сакъалы текени да бар, мыйыгъы киштикни да бар.
Джашынгы кесинг юретмесенг, джашау юретир.
Элге къуллукъ этмеген, элге ие болмаз.
Ёлген ийнек сютлю болур.
Таукелге нюр джауар.
Эринчекге кюн узун.
Кийимни бир кюнню аясанг, минг кюннге джарар.
Булут кёкге джарашыу, уят бетге джарашыу.
Нёгерсизни джолу узун.
Кёбге таш атма.
Бир абыннган – минг сюрюнюр.
Борчунг бар эсе, хурджунунга ойлаб узал.
Чоюнну башы ачыкъ болса, итге уят керекди.
Къыз тиширыу кеси юйюнде да къонакъды.
Бастасын ашагъан, хантусун да ичер.
Башы джабылгъан челекге, кир тюшмез.
Ойнаб айтсанг да, эслеб айт.
Ёксюзню тилеги къабыл болур.
Чакъырылгъанны аты, чакъырылмагъанны багъасы болур.
Ишленмеген джаш – джюгенсиз ат, ишленмеген къыз – тузсуз хант.
Бозаны арты дауур болур.
Къралынгы – душмандан, башынгы от бла суудан сакъла.
Юреннген ауруу къалмаз.
Алим болгъандан эсе, адам болгъан къыйынды.
Адам туугъан джеринде, ит тойгъан джеринде.
Сютден ауузу кюйген, суугъа юфгюре эди.
Джаралыны джастыгъында сау ёлюр.
Экеулен сёлеше тура эселе, орталарына барыб кирме.
Байлыкъ тауусулур, билим тауусулмаз.
Джюрекге ариу – кёзге да ариу.
Арыгъан къош чамчы болур.
Танг атмайма десе да, кюн къоярыкъ тюйюлдю.
Окъуу – билимни ачхычы, окъуу – дунияны бачхычы.
Къонакъны къачан кетерин сорма, къачан келлигин сор.
Ауузу аманнга «иги», деме.
Соргъан айыб тюлдю, билмеген айыбды.
Таякъ этден ётер, тил сюекден ётер.
Ариу сёз – джаннга азыкъ, аман сёз – башха къазыкъ.
Къонакъ аман болса, къонакъбай джунчур
Намысы болмагъанны, сыйы болмаз.

RSS

Келигиз, тил байлыгъыбызны сакълайыкъ!

Акъ_Беленькая Гость	#26 Джаратама0 21.02.2008 01:18:05 къара кертида сагъыш этерча затды сора сен сагъышгъа кириб къалдынг болурму Джазчын бир тёрт-беш назму

Акъ_Беленькая Гость	#27 Джаратама0 21.02.2008 09:52:45 Сау эсен джетдик бу багъалы кюнге деричи! Барыгъызны алгъышлайма!

къара

Гость

#28

Джаратама0

21.02.2008 13:10:28

Ана тилим ? тауларымы къадау ташы
Намысымы, насыбымы сыйлы башы,
Ана тилим ? джюрегими булбул джыры,
Миллетими нюр чырагъы, сыйы, сыры.

Таугъа-тюзге таб джарашхан ана тилим,
Кёб джер суу да кёре келген ана тилим,
Ташча ауур, тюкча дженгил ана тилим,
Дарман-дары бола билген ана тилим.

Туздам кибик, кирсиз, таза ана тилим,
Кёкча мийик, кёлча тюбсюз ана тилим.

къара Гость	#29 Джаратама0 21.02.2008 13:14:31 Акъ_Беленькая

Девушка Гор

Гость

#30

Джаратама0

21.02.2008 13:21:48

Бюгюн ана тилибизни кюнюдю.

Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!

Мышона Гость	#31 Джаратама0 21.02.2008 14:01:19 Девушка Гор Назмула айтыбмы эришесиз. Мен да къошулайым?

Миллетчи

Гость

#32

Джаратама0

21.02.2008 14:23:21

Бюгюн ана тилибизни кюнюдю. Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!
Алан,айыб этме сен джаш адаммыса?Не себебден сорама десенг,джаш телюню ичинде сенича таза эмда халатсыз джаза билген адамгъа кебден бери тюбемеген эдим.Экинчиси,сен ана тилибизни белюгюн бошагъан филологлардан тюйюлмюсе?

къара

Гость

#33

Джаратама0

21.02.2008 14:26:02

Ана тилим ана сютюмдю мени

Хар халкъны да, хар джуртну да сюеме,
Адам улу бирди, джангызды дунияда.
Къайсы халкъны джарсыса да кюеме,
Тюб болгъанча мен джаратылгъан уя.

Хар тилни да сейирлиги алайды,
Ана сютню джылыуу бла татыуу.
Кёкде къушча, къанат кериб джашайды
Ана тилде джаз тангланы атыуу.

Ана тилни тау чучхуру саркъады,
Джюрегими ёзенлерин къандыра.
Букъу къонуб къалыр да, деб къоркъады,
Къой Джолну джулдузларын джандыра.

Ана тил бла туугъан джерни сюеме,
Бир-биринден айырмайма аланы.
Ана тилде джылайма мен, кюеме,
Харам эсе ана сютю ананы.

Ахыр заман келмей, дуния чайкъалмай,
Туруб турсун, бузоу этмей ёгюзлюк.
Ана тилле джашасынла таркъаймай,
Сынгар бир халкъ сынамасын ёксюзлюк!

Бушуу келсе, ана тилде джылайма,
Кёз джашларым джылытыб туугъан джерни.
Къууанч кюнде ана тилде джырлайма,
Ана тилим ана сютюмдю мени!

Девушка Гор

Гость

#34

Джаратама0

21.02.2008 14:33:40

Чип
эки сезню бири - бирине къоша бильгенден сорада, ариу селе билиргеда керекди, ташны ташха ургъанча этмей
Тюз айтаса!

сёзлени билгенден сора да, аланы къачан, къалайда хайырландырыргъа кереклисин да билирге керекди. Ол заманда болады тил бай, кирсиз.

Девушка Гор Гость	#35 Джаратама0 21.02.2008 14:36:45 къара Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат.

Мен Гость	#36 Джаратама0 21.02.2008 14:46:40 Эгечим,меннге джууаб берирге тыйыншлы кермединг не эседа....

Девушка Гор Гость	#37 Джаратама0 21.02.2008 15:04:25 Мен Эгечим,меннге джууаб берирге тыйыншлы кермединг не эседа.... Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма.

Мен Гость	#38 Джаратама0 21.02.2008 15:09:16 Къарачай тилни окъугъан этген болурса деген согъыш келген эди акъылыма...

Девушка Гор Гость	#39 Джаратама0 21.02.2008 15:10:02 Миллетчи Сау бол, джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма.

Девушка Гор Гость	#40 Джаратама0 21.02.2008 15:11:16 Мен Къарачай тилни окъугъанма, окъурукъма, Аллах буюрса окъугъанлай турлукъма!

Миллетчи Гость	#41 Джаратама0 21.02.2008 15:13:50 Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?

кокетка

Гость

#42

Джаратама0

21.02.2008 15:14:05

Ана тилинг

Хар кимген да багъалыды ана тили,
Хар кимни да ана тили - батмаз кюню.

Анангдан ичген сютюнгдю ана тилинг,
Белляуунгду эм юйюнгдю ана тилинг.

Бу шоркъулдаб баргъансуула - ана тилинг,
Бу сюелген мийик таула - ана тилинг.

Джерден чыкъгъан бу къудрет - ана тилинг,
Кюнден кюннге джашнаб келед ана тилинг.

Пушкинни ол бай тили да тёгед билим,
Ол да сеннге экинчиге ана тилинг.

Аны ючюн сен кёресе узакъдагъын,
Кенгден-кенгнге эштиледи хар айтханынг.

Ол себебден хар къайда да кёбдю къарнаш,
Хар аллынга тюбеген да - сеннге джолдаш.

бу эки тил бир - бирине бек аламат,
Ала сеннге экиси да - эки къанат.

Девушка Гор Гость	#43 Джаратама0 21.02.2008 15:23:06 Миллетчи Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери.

ПТЮЧ Гость	#44 Джаратама0 21.02.2008 15:24:09 Карачай форумга ошаб башлады деймеми Джашил Уюбюз ))

Девушка Гор Гость	#45 Джаратама0 21.02.2008 15:25:00 кокетка Эндиден сора менге, билмейме ана тилни деб бир айт Быллай назмуланы къайдан табаса да сора?

Девушка Гор Гость	#46 Джаратама0 21.02.2008 15:27:30 ПТЮЧ Карачай форумга ошаб башлады деймеми Джашил Уюбюз Бизни баш муратыбыз да олду, форумда джаш адамла къарачай-малкъар тилде селешсинле деб.

ПТЮЧ Гость	#47 Джаратама0 21.02.2008 15:29:13 Девушка Гор Аман арю сёлешесе )) Кайдан ёренгенсе? )) Ата-Ана огасе школ-мол? ))

Девушка Гор Гость	#48 Джаратама0 21.02.2008 15:38:54 ПТЮЧ Ата-Ана огасе школ-мол Ата-ана, къарт ата- къарт ана - школ - университет - иш- джашау!

Къанамат Гость	#49 Джаратама0 21.02.2008 15:41:41 ПТЮЧ Джашил Уюбюз )) Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме

ПТЮЧ Гость	#50 Джаратама0 21.02.2008 15:49:55 Девушка Гор карачайча завидываю калай боллукту? Къанамат аман зат Биледи Артурджон карачай тилни ))))

Читают тему (гостей: 1)

Логин:
Пароль:
	Запомнить меня на этом компьютере

Забыли свой пароль?
Регистрация