- Байлыкъ тауусулур, билим тауусулмаз.
- Къумурсхала джыйылсала, пилни да джыгъадыла.
- Болджал ишни бёрю ашар.
- Ётюрюкчюню шагъаты – къатында.
- Тойгъанлыкъ къойгъа джарашады.
- Къыйынлы джети элни къайгъысын этер.
- Сормай – алма, чакъырылмай – барма.
- Адам боллукъ, атламындан белгили болур.
- Ана – юйню кюн джарыгъы.
- Тил джюрекге джол ишлейди.
- Игини сыйлагъан адетди.
- Билим насыб берир, билим джолну керир.
- Эринчекни аурууу – кёб.
- Къонакъ кёб келюучю юйню, къазаны отдан тюшмез.
- Къуллукъчума, деб махтанма, къуллукъ – хаух джамчыды!
- Тюз сёз баргъан сууну тыяр.
- Байлыкъ келсе, акъыл кетер.
- Терек ауса, отунчу – кёб.
- Адеб базарда сатылмаз.
- Къолу уллу – асыу, аягъы уллу – джарсыу.
- Адебни адебсизден юрен.
- Ёмюрлюк шохлукъну джел элтмез.
- Эки къатын алгъанны къулагъы тынгнгаймаз.
- Элде адам къалмаса, ит тахтагъа минер.
- Къартны сыйын кёрмеген, къартлыгъында сыйлы болмаз.
- Байлыкъ болгъан джерде, тынчлыкъ джокъду.
- Тили узунну, намысы – къысха.
- Тойгъан джерге джети къайт.
- Башсыз урчукъ тюзюне айланмаз.
- Садакъачыны джаны – къапчыгъында.
- Экиндини кеч къылсанг, чабыб джетер ашхам.
- Ёлген аслан – сау чычхан.
- Джогъун бар этген, барын бал этген.
- Джаз бир кюнню джатсанг, къыш талай кюнню абынырса.
- Зар адам ашынгы ашар, кесинги сатар.
- Адеб этмеген, адеб кёрмез.
- Чакъырылмагъан къонакъ – орунсуз.
- Байлыкъ адамны сокъур этер.
- Къозулугъунда тоймагъан, къойлугъунда тоймаз.
- Джангыз терек къынгыр ёсер.
- Джетген къыз джерли эшекни танымаз.
- Кёб ант этген, кёб ётюрюк айтыр.
- Ариу сёзде ауруу джокъ.
- Магъанасыз сёз – тауушсуз сыбызгъы.
- Сабий кёргенин унутмаз.
- Ханы къызы буюгъа-буюгъа киштик болду.
- Игилик игилик бла сингдирилиучю затды.
- Нёгер болсанг, тенг бол, тенг болмасанг, кенг бол.
- Агъач – джерни чырайы, кийим – эрни чырайы.
- Джюз элде джюз ёгюзюм болгъандан эсе, джюз джууугъум болсун.
Келигиз, тил байлыгъыбызны сакълайыкъ!
21.02.2008 01:18:05
къара
кертида сагъыш этерча затды сора сен сагъышгъа кириб къалдынг болурму Джазчын бир тёрт-беш назму |
|
|
|
21.02.2008 09:52:45
Сау эсен джетдик бу багъалы кюнге деричи! Барыгъызны алгъышлайма!
|
|
|
|
21.02.2008 13:14:31
Акъ_Беленькая
|
|
|
|
21.02.2008 14:01:19
Девушка Гор
Назмула айтыбмы эришесиз. Мен да къошулайым? |
|
|
|
21.02.2008 14:36:45
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат. |
|
|
|
21.02.2008 14:46:40
Эгечим,меннге джууаб берирге тыйыншлы кермединг не эседа....
|
|
|
|
21.02.2008 15:04:25
Мен
Эгечим,меннге джууаб берирге тыйыншлы кермединг не эседа.... Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма. |
|
|
|
21.02.2008 15:09:16
Къарачай тилни окъугъан этген болурса деген согъыш келген эди акъылыма...
|
|
|
|
21.02.2008 15:10:02
Миллетчи
Сау бол, джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма. |
|
|
|
21.02.2008 15:11:16
Мен
Къарачай тилни окъугъанма, окъурукъма, Аллах буюрса окъугъанлай турлукъма! |
|
|
|
21.02.2008 15:13:50
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
|
|
|
|
21.02.2008 15:23:06
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери. |
|
|
|
21.02.2008 15:24:09
Карачай форумга ошаб башлады деймеми Джашил Уюбюз ))
|
|
|
|
21.02.2008 15:25:00
кокетка
Эндиден сора менге, билмейме ана тилни деб бир айт Быллай назмуланы къайдан табаса да сора? |
|
|
|
21.02.2008 15:27:30
ПТЮЧ
Карачай форумга ошаб башлады деймеми Джашил Уюбюз Бизни баш муратыбыз да олду, форумда джаш адамла къарачай-малкъар тилде селешсинле деб. |
|
|
|
21.02.2008 15:29:13
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? )) |
|
|
|
21.02.2008 15:38:54
ПТЮЧ
Ата-Ана огасе школ-мол Ата-ана, къарт ата- къарт ана - школ - университет - иш- джашау! |
|
|
|
21.02.2008 15:41:41
ПТЮЧ
Джашил Уюбюз )) Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме |
|
|
|
21.02.2008 15:49:55
Девушка Гор
карачайча завидываю калай боллукту? Къанамат аман зат Биледи Артурджон карачай тилни )))) |
||||
|
|
|||
Читают тему (гостей: 1)