- Ётюрюкден тюбю джокъ, кёлтюрюрге джиби джокъ.
- Аманнга игилик этсенг, юйюнге сау бармазса.
- Суу да къайтады чыкъгъан джерине.
- Аллахдан тилесенг, кёб тиле.
- Адебсиз адам – джюгенсиз ат.
- Малны кют, джерни тюрт.
- Аманнга алтын чыдамаз.
- Ата Джуртча джер болмаз, туугъан элча эл болмаз.
- Мал ёлсе, сюек къалыр, адам ёлсе, иши къалыр.
- Ашхылыкъ джерде джатмайды, аманлыкъ суугъа батмайды.
- Къартны сыйын кёрмеген, къартлыгъында сыйлы болмаз.
- Ёксюзню тилеги къабыл болур.
- Ишлегенден, къарагъан уста.
- Сакъ юйюне сау барыр.
- Аджал соруб келмез, келсе, къайтыб кетмез.
- Байлыкъ келсе, акъыл кетер.
- Ата – баланы уясы.
- Тил – кесген бычакъ, сёз – атылгъан окъ.
- Кёлсюзден сёзсюз тууар.
- Баланы адам этген анады.
- Ётюрюкню къуйругъу – бир тутум.
- Ариу – кёзге, акъыл – джюрекге.
- Ургъан суудан башынгы сакъла.
- Бичгенде ашыкъма, тикгенде ашыкъ.
- Ишге юренсин къоллары, халкъ бла болсун джоллары.
- Джуртун къоругъан озар.
- Айтхан – тынч, этген – къыйын.
- Ишленмеген джаш – джюгенсиз ат, ишленмеген къыз – тузсуз хант.
- Ашлыкъ – бюртюкден, джюн – тюкден.
- Ушамагъан – джукъмаз.
- Къатын байлыкъны сюер, эр саулукъну сюер.
- Джаш болсун, къыз болсун, акъылы, саны тюз болсун.
- Къонакъ аман болса, къонакъбай джунчур
- Эр сокъур болсун, къатын тилсиз болсун.
- Акъыллы – эл иеси, тели – эл баласы.
- Сёз къанатсыз учар.
- Кийимни бир кюнню аясанг, минг кюннге джарар.
- Таукелге нюр джауар.
- Сабий кёргенин унутмаз.
- Тамбла алтындан бюгюн багъыр ашхы.
- Иги – алгъыш этер, аман – къаргъыш этер.
- Суугъа – чабакъ, къаягъа – ыргъакъ.
- Гитче джилтин уллу элни джандырыр.
- Чакъырылмагъан къонакъ – орунсуз.
- Ата – билек, ана – джюрек!
- Рысхы джалгъанды: келген да этер, кетген да этер.
- Ётюрюк хапар аякъ тюбю бла джюрюйдю.
- Ёлюк кебинсиз къалмаз.
- Ашарыкъда сайлагъаннга – чий гырджын.
- Тюкюрюк баш джармаз, налат кёз чыгъармаз!
Келигиз, тил байлыгъыбызны сакълайыкъ!
21.02.2008 01:18:05
къара
кертида сагъыш этерча затды сора сен сагъышгъа кириб къалдынг болурму Джазчын бир тёрт-беш назму |
|
|
|
21.02.2008 09:52:45
Сау эсен джетдик бу багъалы кюнге деричи! Барыгъызны алгъышлайма!
|
|
|
|
21.02.2008 13:14:31
Акъ_Беленькая
|
|
|
|
21.02.2008 14:01:19
Девушка Гор
Назмула айтыбмы эришесиз. Мен да къошулайым? |
|
|
|
21.02.2008 14:36:45
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат. |
|
|
|
21.02.2008 14:46:40
Эгечим,меннге джууаб берирге тыйыншлы кермединг не эседа....
|
|
|
|
21.02.2008 15:04:25
Мен
Эгечим,меннге джууаб берирге тыйыншлы кермединг не эседа.... Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма. |
|
|
|
21.02.2008 15:09:16
Къарачай тилни окъугъан этген болурса деген согъыш келген эди акъылыма...
|
|
|
|
21.02.2008 15:10:02
Миллетчи
Сау бол, джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма. |
|
|
|
21.02.2008 15:11:16
Мен
Къарачай тилни окъугъанма, окъурукъма, Аллах буюрса окъугъанлай турлукъма! |
|
|
|
21.02.2008 15:13:50
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
|
|
|
|
21.02.2008 15:23:06
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери. |
|
|
|
21.02.2008 15:24:09
Карачай форумга ошаб башлады деймеми Джашил Уюбюз ))
|
|
|
|
21.02.2008 15:25:00
кокетка
Эндиден сора менге, билмейме ана тилни деб бир айт Быллай назмуланы къайдан табаса да сора? |
|
|
|
21.02.2008 15:27:30
ПТЮЧ
Карачай форумга ошаб башлады деймеми Джашил Уюбюз Бизни баш муратыбыз да олду, форумда джаш адамла къарачай-малкъар тилде селешсинле деб. |
|
|
|
21.02.2008 15:29:13
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? )) |
|
|
|
21.02.2008 15:38:54
ПТЮЧ
Ата-Ана огасе школ-мол Ата-ана, къарт ата- къарт ана - школ - университет - иш- джашау! |
|
|
|
21.02.2008 15:41:41
ПТЮЧ
Джашил Уюбюз )) Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме |
|
|
|
21.02.2008 15:49:55
Девушка Гор
карачайча завидываю калай боллукту? Къанамат аман зат Биледи Артурджон карачай тилни )))) |
||||
|
|
|||
Читают тему (гостей: 1)