- Сыфатында болмагъаны, суратында болмаз.
- Тик ёргени, тик энгишгеси да болады.
- Айтхан сёзюне табылгъан.
- Чарсда алчыны эл кёреди.
- Къумурсхала джыйылсала, пилни да джыгъадыла.
- Юйюнг бла джау болгъандан эсе, элинг бла джау бол.
- Тешигини къатында, чычхан да батыр болур.
- Эрни эр этерик да, къара джер этерик да, тиширыуду.
- Кёзню ачылгъаны – иги, ауузну джабылгъаны – иги.
- Иши джокъну, сыйы джокъ.
- Чабакъгъа акъыл, табагъа тюшсе келеди.
- Ашхы болсанг, атынг чыгъар, аман болсанг, джанынг чыгъар.
- Ат да турмайды бир териде.
- Абынмазлыкъ аякъ джокъ, джангылмазлыкъ джаякъ джокъ.
- Сормай – алма, чакъырылмай – барма.
- Айран тёгюлсе, джугъусу къалыр.
- Аман хансны – урлугъу кёб.
- Акъыл неден да кючлюдю.
- Тойгъа барсанг, тоюб бар, эски тонунгу къоюб бар.
- От этилмеген джерден тютюн чыкъмайды.
- Арба аугъандан сора, джол кёргюзтюучю кёб болур.
- Къошда джокъгъа – юлюш джокъ.
- Къарыусузгъа кюлме, онгсузгъа тийме.
- Ариу сёз джыланны орнундан чыгъарыр.
- Атлыны кёрсе, джаяуну буту талыр.
- Иги адам абынса да, джангылмаз.
- Уясында не кёрсе, учханында аны этер.
- Берекет берсин деген джерде, берекет болур.
- Ичимден чыкъды хата, къайры барайым сата?
- Сёз – кюмюш, джыр – алтын.
- Джырчы ёлсе, джыры къалыр.
- Ишлегенден, къарагъан уста.
- Ашхы адам – халкъ байлыгъы, ашхы джер – джашау байлыгъы.
- Биреу ашаб къутулур, биреу джалаб тутулур.
- Джыгъылгъанны сырты джерден тоймаз.
- Къуллукъчума, деб махтанма, къуллукъ – хаух джамчыды!
- Ашарыкъда сайлагъаннга – чий гырджын.
- Мен да «сен», дейме, сен да «кесим», дейсе.
- Джарлы джети элни сёзюн этер.
- Эркишини аманы тиширыуну джылатыр.
- Эринчекни аурууу – кёб.
- Уллу сёзде уят джокъ.
- Къыз келсе, джумуш эте келеди, къатын келсе, ушакъ эте келеди.
- Ётюрюкден тюбю джокъ, кёлтюрюрге джиби джокъ.
- Чакъырылмагъан къонакъ – орунсуз.
- Ауругъанны сау билмез, ач къарынны токъ билмез.
- Зар адамны насыбы болмаз.
- Джиби бир къат джетмей эди да, эки къат тарта эди.
- Мал ёлсе, сюек къалыр, адам ёлсе, иши къалыр.
- Билеги кючлю, бирни джыгъар, билими кючлю, мингни джыгъар.
Келигиз, тил байлыгъыбызны сакълайыкъ!
|
къара
кертида сагъыш этерча затды сора сен сагъышгъа кириб къалдынг болурму  Джазчын бир тёрт-беш назму  |
|
|
|
|
|
Сау эсен джетдик бу багъалы кюнге деричи!
Барыгъызны алгъышлайма!  |
|
|
|
|
|
Акъ_Беленькая
  |
|
|
|
|
|
Девушка Гор
Назмула айтыбмы эришесиз. Мен да къошулайым?  |
|
|
|
|
|
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат. |
|
|
|
|
|
Эгечим,меннге джууаб берирге тыйыншлы кермединг не эседа....
|
|
|
|
|
|
Мен
Эгечим,меннге джууаб берирге тыйыншлы кермединг не эседа.... Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма. |
|
|
|
|
|
Къарачай тилни окъугъан этген болурса деген согъыш келген эди акъылыма...
|
|
|
|
|
|
Миллетчи
Сау бол,  джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма. |
|
|
|
|
|
Мен
Къарачай тилни окъугъанма, окъурукъма, Аллах буюрса окъугъанлай турлукъма! |
|
|
|
|
|
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
|
|
|
|
|
|
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери. |
|
|
|
|
|
Карачай форумга ошаб башлады деймеми Джашил Уюбюз ))
|
|
|
|
|
|
кокетка
Эндиден сора менге, билмейме ана тилни деб бир айт  Быллай назмуланы къайдан табаса да сора? |
|
|
|
|
|
ПТЮЧ
Карачай форумга ошаб башлады деймеми Джашил Уюбюз Бизни баш муратыбыз да олду, форумда джаш адамла къарачай-малкъар тилде селешсинле деб. |
|
|
|
|
|
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? )) |
|
|
|
|
|
ПТЮЧ
Ата-Ана огасе школ-мол Ата-ана, къарт ата- къарт ана - школ - университет - иш- джашау! |
|
|
|
|
|
ПТЮЧ
Джашил Уюбюз )) Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме |
|
|
|
|
|
Девушка Гор
карачайча завидываю калай боллукту? Къанамат  аман зат Биледи Артурджон карачай тилни )))) |
||||
|
|
|
|||
Читают тему (гостей: 1)