Войти на сайт
29 Марта  2024 года

 

  • Мураты болгъанны джюрек тебюую башхады.
  • Къазанчы аман болса, къазаны къайнамаз.
  • Юреннген ауруу къалмаз.
  • Тойгъандан сора, ашны сёкме.
  • Эл бла кёргенинг эрелей.
  • Ёгюзню мюйюзюнден тутадыла, адамны сёзюнден тутадыла.
  • Чомартха Тейри да борчлуду.
  • Телини эшигин, махтау джабар.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Тин – байлыгъынг, терен саулугъунг.
  • Аурууну келиую тынч, кетиую – къыйын.
  • Къарны аманнга къазан такъдырма, къолу аманнга от джакъдырма.
  • Бал – татлы, балдан да бала – татлы.
  • Къатын къылыкъсыз, эр тынчлыкъсыз.
  • Джюрекден джюрекге джол барды.
  • Ач къарынны, токъ билмез
  • Кёкдеги болмаса, джердегин кёрмейди.
  • Ишни ахырын ойламай, аллын башлама.
  • Чакъырылмагъан джерге барма, чакъырылгъан джерден къалма.
  • Суу да къайтады чыкъгъан джерине.
  • Ишге юренсин къоллары, халкъ бла болсун джоллары.
  • Адеб джокъда, намыс джокъ.
  • Ётюрюкден тюбю джокъ, кёлтюрюрге джиби джокъ.
  • Гитче джилтин уллу элни джандырыр.
  • Аманнга игилик этсенг, юйюнге сау бармазса.
  • Окъугъанны бети джарыкъ.
  • Къонакъны къачан кетерин сорма, къачан келлигин сор.
  • Эски джаугъа ышанма.
  • Тилде сюек болмаса да, сюек сындырыр.
  • Тешигини къатында, чычхан да батыр болур.
  • Керилген да, ургъан кибикди.
  • Элиб деген, элге болушур.
  • Джаным-тиним – окъуу, билим.
  • Окъумагъан сокъурду, сокъур ташха абыныр!
  • Тюзлюк тас болмайды.
  • Джолда аягъынга сакъ бол, ушакъда тилинге сакъ бол.
  • Хар зат кесини орнуна иги.
  • Кёпюр салгъан кеси ётер, уру къазгъан кеси кетер.
  • Бети – къучакълар, джюреги – бычакълар.
  • Босагъа таш юйге кирмей эди, тыбыр таш эшикге чыкъмай эди.
  • Къарыусузгъа кюлме, онгсузгъа тийме.
  • Танг атмайма десе да, кюн къоярыкъ тюйюлдю.
  • Ат да турмайды бир териде.
  • Байлыкъ болгъан джерде, тынчлыкъ джокъду.
  • Ашхы атаны – джашы ашхы, ашхы ананы – къызы ашхы.
  • Ариу сёзде ауруу джокъ.
  • Тил бла келеди джыр да.
  • Таякъ этден ётер, тил сюекден ётер.
  • Ариу сёз – джаннга азыкъ, аман сёз – башха къазыкъ.
  • Акъылсызны джууукъгъа алма, акъыллыны кенгнге салма.

 

Страницы: Пред. 1 2 3 4 5 ... 62 След.
RSS
Келигиз, тил байлыгъыбызны сакълайыкъ!
 
къара
кертида сагъыш этерча затды
сора сен сагъышгъа кириб къалдынг болурму Джазчын бир тёрт-беш назму
 
Сау эсен джетдик бу багъалы кюнге деричи! Барыгъызны алгъышлайма!
 
Ана тилим ? тауларымы къадау ташы
Намысымы, насыбымы сыйлы башы,
Ана тилим ? джюрегими булбул джыры,
Миллетими нюр чырагъы, сыйы, сыры.

Таугъа-тюзге таб джарашхан ана тилим,
Кёб джер суу да кёре келген ана тилим,
Ташча ауур, тюкча дженгил ана тилим,
Дарман-дары бола билген ана тилим.

Туздам кибик, кирсиз, таза ана тилим,
Кёкча мийик, кёлча тюбсюз ана тилим.
 
Акъ_Беленькая
 
Бюгюн ана тилибизни кюнюдю. Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!
 
Девушка Гор
Назмула айтыбмы эришесиз. Мен да къошулайым?
 
Бюгюн ана тилибизни кюнюдю. Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!
Алан,айыб этме сен джаш адаммыса?Не себебден сорама десенг,джаш телюню ичинде сенича таза эмда халатсыз джаза билген адамгъа кебден бери тюбемеген эдим.Экинчиси,сен ана тилибизни белюгюн бошагъан филологлардан тюйюлмюсе?
 
Ана тилим ана сютюмдю мени

Хар халкъны да, хар джуртну да сюеме,
Адам улу бирди, джангызды дунияда.
Къайсы халкъны джарсыса да кюеме,
Тюб болгъанча мен джаратылгъан уя.

Хар тилни да сейирлиги алайды,
Ана сютню джылыуу бла татыуу.
Кёкде къушча, къанат кериб джашайды
Ана тилде джаз тангланы атыуу.

Ана тилни тау чучхуру саркъады,
Джюрегими ёзенлерин къандыра.
Букъу къонуб къалыр да, деб къоркъады,
Къой Джолну джулдузларын джандыра.

Ана тил бла туугъан джерни сюеме,
Бир-биринден айырмайма аланы.
Ана тилде джылайма мен, кюеме,
Харам эсе ана сютю ананы.

Ахыр заман келмей, дуния чайкъалмай,
Туруб турсун, бузоу этмей ёгюзлюк.
Ана тилле джашасынла таркъаймай,
Сынгар бир халкъ сынамасын ёксюзлюк!

Бушуу келсе, ана тилде джылайма,
Кёз джашларым джылытыб туугъан джерни.
Къууанч кюнде ана тилде джырлайма,
Ана тилим ана сютюмдю мени!
 
Чип
эки сезню бири - бирине къоша бильгенден сорада, ариу селе билиргеда керекди, ташны ташха ургъанча этмей
Тюз айтаса! сёзлени билгенден сора да, аланы къачан, къалайда хайырландырыргъа кереклисин да билирге керекди. Ол заманда болады тил бай, кирсиз.
 
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат.
 
Эгечим,меннге джууаб берирге тыйыншлы кермединг не эседа....
 
Мен
Эгечим,меннге джууаб берирге тыйыншлы кермединг не эседа....
Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма.
 
Къарачай тилни окъугъан этген болурса деген согъыш келген эди акъылыма...
 
Миллетчи
Сау бол, джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма.
 
Мен
Къарачай тилни окъугъанма, окъурукъма, Аллах буюрса окъугъанлай турлукъма!
 
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
 
Ана тилинг

Хар кимген да багъалыды ана тили,
Хар кимни да ана тили - батмаз кюню.

Анангдан ичген сютюнгдю ана тилинг,
Белляуунгду эм юйюнгдю ана тилинг.

Бу шоркъулдаб баргъансуула - ана тилинг,
Бу сюелген мийик таула - ана тилинг.

Джерден чыкъгъан бу къудрет - ана тилинг,
Кюнден кюннге джашнаб келед ана тилинг.

Пушкинни ол бай тили да тёгед билим,
Ол да сеннге экинчиге ана тилинг.

Аны ючюн сен кёресе узакъдагъын,
Кенгден-кенгнге эштиледи хар айтханынг.

Ол себебден хар къайда да кёбдю къарнаш,
Хар аллынга тюбеген да - сеннге джолдаш.

бу эки тил бир - бирине бек аламат,
Ала сеннге экиси да - эки къанат.
 
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери.
 
Карачай форумга ошаб башлады деймеми Джашил Уюбюз ))
 
кокетка
Эндиден сора менге, билмейме ана тилни деб бир айт Быллай назмуланы къайдан табаса да сора?
 
ПТЮЧ
Карачай форумга ошаб башлады деймеми Джашил Уюбюз
Бизни баш муратыбыз да олду, форумда джаш адамла къарачай-малкъар тилде селешсинле деб.
 
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? ))
 
ПТЮЧ
Ата-Ана огасе школ-мол
Ата-ана, къарт ата- къарт ана - школ - университет - иш- джашау!
 
ПТЮЧ

Джашил Уюбюз ))

Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме
 
Девушка Гор
карачайча завидываю калай боллукту?

Къанамат
аман зат Биледи Артурджон карачай тилни ))))
Страницы: Пред. 1 2 3 4 5 ... 62 След.
Читают тему (гостей: 1)

 

Написать нам