- Элни кючю – эмеген.
- Джыланны къуйругъундан басарынг келсе, аны башы болгъанын унутма.
- Хаухну атма, ёнгкючню сатма.
- Чыбыкълыкъда бюгюлмеген, къазыкълыкъда бюгюлмей эди.
- Эрни эр этерик да, къара джер этерик да, тиширыуду.
- Билеги кючлю, бирни джыгъар, билими кючлю, мингни джыгъар.
- Кёб джат да, бек чаб.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Керек ташны ауурлугъу джокъ.
- Сакъ юйюне сау барыр.
- Башда акъыл болмаса, эки аякъгъа кюч джетер.
- Тойчу джашха къарама, къойчу джашха къара.
- Орундукъ тюбюнде атылсам да, орта джиликме, де да айлан.
- Къонакъ хазыр болгъанлыкъгъа, къонакъбай хазыр тюлдю.
- Хантына кёре тузу, юйюне кёре къызы.
- Адамны аманы адамны бети бла ойнар.
- Адамны адамлыгъы къыйынлыкъда айгъакъланады.
- Джиби бир къат джетмей эди да, эки къат тарта эди.
- «Ма», - дегенни билмесенг, «бер», - дегенни билмезсе.
- Сакъламагъан затынга джолукъсанг, не бек къууанаса, не бек ачыйса.
- Аякъларынгы джууургъанынга кёре узат.
- Иги сёз – джаннга азыкъ, аман сёз башха – къазыкъ.
- Бек ашыкъгъан меннге джетсин, дегенди аракъы.
- Ач къарынны, токъ билмез
- Уллу къазанда бишген эт, чий къалмаз.
- Дуния малгъа сатылма, кесингден телиге къатылма.
- Чомартны къолу берекет.
- Асхат ашлыкъ сата, юйдегиси ачдан къата.
- Джолунга кёре – джюрюшюнг, джагъанга кёре – юлюшюнг.
- Къатыны харакетли болса, эри къымсыз болур.
- Ач уят къоймаз.
- Кёбню кёрген – кёб билир.
- Ханы къызы буюгъа-буюгъа киштик болду.
- Къуллукъчума, деб махтанма, къуллукъ – хаух джамчыды!
- Ёлген эшек бёрюден къоркъмайды.
- Арбаз сайлама да, хоншу сайла.
- Къарнынг бла ёч алма.
- Экеу тутушса, биреу джыгъылыр.
- Ёзденликни кёбю ётюрюк.
- Ишлемеген – тишлемез.
- Ачыкъ джюрекге джол – ачыкъ.
- Керилген да, ургъан кибикди.
- Уллу сёлешме да, уллу къаб.
- Къошда джокъгъа – юлюш джокъ.
- Чомартха хар кюн да байрамды.
- Ойнай билмеген, уруб къачар.
- Ишлегенден, къарагъан уста.
- Адамны артындан къара сабан сюрме.
- Айыбны суу бла джууалмазса.
- Айранын берсенг, челегин да къызгъанма.
Келигиз, тил байлыгъыбызны сакълайыкъ!
20.02.2008 23:23:45
Сабий заманымда бир кёб назму биле эдим. Бусагъатха унутханма, эсиме тюшсе айтырма да?
|
|
|
|
20.02.2008 23:29:43
Акъ_Беленькая
Мен да муну джазаргъа деб тура эдим. Экинчи классда окъугъан болурму эдик дейме бу назмуну? |
|
|
|
20.02.2008 23:32:39
Акъыллычыкъ
Экинчи классда окъугъан болурму эдик дейме бу назмуну? Аман эслилесиз! Мен экинчи классда биргеме окъугъанланы атларын да билмейме! |
|
|
|
20.02.2008 23:35:36
менда хоума былай затгъа,бек керек темады бу
|
|
|
|
20.02.2008 23:41:22
къара
Мен да аны айтама, алай а эсимден бюгюнге къарагъанча назмула кетгендиле да къалгъандыла. |
|
|
|
20.02.2008 23:42:17
Махмуд
не болдунг алан,джолда аджашыб мы къалдынг |
|
|
|
20.02.2008 23:43:02
Акъыллычыкъ
хы менда сейрлик тура сенича болуб турама |
|
|
|
20.02.2008 23:47:49
Акъыллычыкъ
а кимни назмусуду бу )))) |
|
|
|
20.02.2008 23:49:15
къара
Иги сордунг, назмуну кесин да кючден эсиме тюшюргенме |
|
|
|
20.02.2008 23:52:18
къара
Акъыллычыкъ а кимни назмусуду бу Аджашдырмай эсем, бу назмуну Байрамукъланы Фатима джазгъанды |
|
|
|
21.02.2008 00:03:32
Девушка Гор
Бир ариу джазылгън назму кёре эдим |
|
|
|
21.02.2008 00:06:08
Акъ_Беленькая
кертида сагъыш этерча затды |
|
|
|
21.02.2008 00:06:39
Девушка Гор
Аны себебли, сени сакълауда, Сыйлы борч бла терен магъана; Не ючюн десенг, къалгъан тюрк тиллеге, Сен ётер кёпюр, аумаз багъана! Бек сагъышха ийди бу назму мени... |
|
|
|
21.02.2008 00:11:42
Девушка Гор
ма бу да сенге, быллай керек теманы башлагъанынга! |
|
|
|
21.02.2008 00:22:17
Махмуд
Мында уа къызгъанмайса гоккачыкъланы |
|
|
|
21.02.2008 00:51:30
Девушка Гор
Бу кече алай джазарча да адам табылмаз деб сагъыш келди акъылыма... андан сора да, мен бош болгъан заманымы былайда турайим |
|
|
|
21.02.2008 01:15:00
Экинчи классда окъугъан болурму эдик дейме бу назмуну?
Акъыллычыкъ алай болур эди |
||||
|
|
|||
Читают тему (гостей: 1)