- Къарт бла баш аша, джаш бла аякъ аша.
- Бастасын ашагъан, хантусун да ичер.
- Джарлы тюеге минсе да, ит къабар.
- Ётюрюкню къуйругъу – бир тутум.
- Чёбню кёлтюрсенг, тюбюнден сёз чыгъар.
- Дууулдаса – бал чибин, къонса – къара чибин.
- Ачны эсинде – аш.
- Сескекли кесин билдирир.
- Джылар джаш, атасыны сакъалы бла ойнар.
- Аджал соруб келмез, келсе, къайтыб кетмез.
- Тамырсыз терекге таянма – джыгъылырса.
- Ишни ахырын ойламай, аллын башлама.
- Иги адам абынса да, джангылмаз.
- Кёл ашады да, кеси ашады.
- Къарт болгъан джерде, берекет болур, сабий болгъан джерде, оюн болур.
- Кёпюр салгъан кеси ётер, уру къазгъан кеси кетер.
- Къыз тиширыу кеси юйюнде да къонакъды.
- Бёрю да ач къалмасын, эчки да ашалмасын.
- Ашда – бёрю, ишде – ёлю.
- Аууз сакълагъан – джан сакълар.
- Мени джылытмагъан кюн, меннге тиймесин!
- Аманны къуугъан, аманлыкъ табар.
- Акъыллы эркиши атын махтар, акъылсыз эркиши къатынын махтар.
- Ашына кёре табагъы, балына кёре къалагъы.
- Башланнган иш битер, къымылдагъан тиш тюшер.
- Бойнуму джети джерден кессенг да, мен ол ишни этеллик тюлме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёлсюзден сёзсюз тууар.
- Этим кетсе да, сюегим къалыр.
- Шайтан алдады, тюзлюк къаргъады.
- Адамны бетине къарама, адетине къара.
- Эки къатын алгъан – эки ташны ортасына башын салгъан.
- Ишлемеген – тишлемез.
- Адамны аты башхача, акъылы да башхады.
- Ишленмеклик адамлыкъды.
- Халкъгъа джарагъан, джарлы къалмаз.
- Чакъырылмай келген къонакъ сыйланмай кетер.
- Ишге юренсин къоллары, халкъ бла болсун джоллары.
- Хантына кёре тузу, юйюне кёре къызы.
- Ашыкъгъанны этеги бутуна чырмалыр.
- Экеулен сёлеше тура эселе, орталарына барыб кирме.
- «Ма», - дегенни билмесенг, «бер», - дегенни билмезсе.
- Къыйынлы джети элни къайгъысын этер.
- Биреуге кёлтюрген таягъынг, кесинги башынга урур.
- Ётюрюкчюню шагъаты – къатында.
- Адамны джюреги нени кёрюрге сюйсе, кёзю да аны кёрюрге ёч болады.
- Къызбайны юйюне дери сюрсенг, батыр болур.
- Ач къарынны, токъ билмез
- Садакъачыны джаны – къапчыгъында.
- Джукъу тёшек сайламайды.
Бош хапарла.
22.10.2007 09:53:07
|
|
|
|
22.10.2007 17:01:53
написано почти в стиле япошек
а что такое "осал адам"? |
|
|
|
29.01.2010 19:42:07
Ocean а что такое "осал адам"? сложный человек)) Кстати главное верить и ждать ответа....))))))
|
|
|
|
29.01.2010 19:49:08
Malkarly
сложный человек ????? разве всю жизнь думал типа болмацы.ммм как перевести ни можущий Кстати главное верить и ждать ответа....)))))) тофно |
|
|
|
29.01.2010 19:51:32
babaeff07 всю жизнь думал типа болмацы болмацы это типа ни рыба ни мясо
|
|
|
|
29.01.2010 19:52:44
Malkarly
аперим . вот именно так я и хотел сказать |
|
|
|
29.01.2010 20:54:11
Malkarly
Иги адам болмагъан адамгъа -осал адам дейдиле |
|
|
|
29.01.2010 21:15:58
бездушный кролик Иги адам болмагъан адамгъа -осал адам дейдиле угъай иги адам болмагъангъа-аман адам дейдиле
|
|
|
|
30.01.2010 00:05:03
Malkarly
тогда скверный человек и есть -осал адам |
|
|
|
15.02.2010 19:15:26
по-братски къалайды къарачайча бир айтыгъыз!
|
|
|
|
15.02.2010 19:23:12
по къарындашский
|
|
|
|
09.03.2010 15:48:06
А марджа. бир джукъ джазарыкъ бар эсе, теманы кюбюрден чыгъарыб къояйым ким биледи, дагъыда. къаидам, бир адажшхан болса, келир джер табарча
|
|
|
|
Читают тему (гостей: 1)